Advertisement
ފުލުހުންގެ މައިމަރުކަޒު ---
ޒިކުރާ މިސްކިތުގެ ތެރެއަށް ބިސްއުކި މީހާ ދެނެގަނެވިއްޖެކަމަށް ފުލުހުން ބުނެފި
މާލެ ޒިކުރާ މިސްކިތުގެ ތެރެއަށް ކުކުޅު ބިސްތަކެއް ތަޅާލައި މިސްކިތުގެ ޙުރުމަތް ކެނޑި މީހާއަކީ ކާކުކަން ދެނެގަނެވިއްޖެކަމުގައި ފުލުހުންގެ އިދާރާއިން ވިދާޅުވެއްޖެއެވެ.
ފުލުހުންގެ އިދާރާއިން ވިދާޅުވީ، ހޯމަ ދުވަހުގެ ރޭގެ ދަންވަރުގެ ވަގުތެއްގައި އެމިސްކިތުގެ ތެރެއަށް ބިތަކެއް ތަޅާލާފައި އަޅާފައި ހުރި މައްސަލަ ފުލުހުންގެ ސަމާލުކަމަށް އައިސް އެމައްސަލަ ބަލަމުންދާކަމަށެވެ.
ޒިކުރާ މިސްކިތުގެ ތެރެއަށް ބިސްތަކެއް އެޅި މީހާ ދެނެގަނެވިއްޖެކަމަށް ފުލުހުންގެ އިދާރާއިން ވިދާޅުވި ނަމަވެސް އެމީހާ ހޯދައި ހައްޔަރުކުރިކަމެއް އަދި ހާމަކޮށްފައެެއް ނުވެއެވެ.
މީގެ ކުރިންވެސް މާލެގައި މިސްކިތްތަކުގެ ހުރުމަތް ކެނޑުމުގެ މައްސަލަތަކުގައި ބައެއް މީހުން ހައްޔަރުކޮށްަފައިވެއެވެ.
