Advertisement
ކޮންސްޓްރަކްޝަން މިނިސްޓަރ ޑރ. ޢަބުދުﷲ މުއްޠަލިބު ---
އަމިއްލަ ބިލްޑިން ކޯޑުތައް ހެދުމުގެ ބާރު ކައުންސިލްތަކަށް ނޯންނާނެ: ކޮންސްޓްރަކްޝަން މިނިސްޓަރ
ވަކި ވަކި ކައުންސިލްތަކުން އަމިއްލައަށް ބިލްޑިން ކޯޑުތައް ހަދައި ތަންފީޒްކުރުމުގެ ބާރެއް، ކައުންސިލްތަކަށް ނޯންނާނެ ކަމުގައި މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ، ޑރ. ޢަބުދުﷲ މުއްޠަލިބު ވިދާޅުވެއްޖެއެވެ.
މިނިސްޓަރ މިހެން ވިދާޅުވެފައި ވަނީ އެކްސްގައި އެމަނިކުފާނު ކުރެއްވި ޕޯސްޓެއްގައެވެ. މިނިސްޓަރ މިޕޯސްޓް ކުރެއްވީ، މާލެ އަތޮޅު މާފުށީ ކައުންސިލުން، ކ. މާފުށީގައި ބިލްޑިން ކޯޑެއް އެކުލަވާލުމަށް ބޭނުންވާކަން ހާމަކޮށް އެކަން ކޮށްދޭނެ ފަރާތެއް ހޯދުމަށް ޢިއުލާނު ކުރުމާއި ގުޅިގެން ބައެއް ފަރާތްތަކުން މިނިސްޓަރުގެ ސަމާލުކަމަށް އެކަން ގެންނެވުމާއި ގުޅިގެންނެވެ.
ކޮންސްޓްރަކްޝަން މިނިސްޓަރ ޑރ. ޢަބުދުއްﷲ މުއްޠަލިބު އެކްސްަގައި ލިޔުއްވި ޕޯސްޓް --
ބިނާވެށީގެ ޤާނޫނުގެ މާއްދާތައް ހިމަނުއްވައި، އެކަމަށް މިނިސްޓަރ ޖަވާބު ދެއްވާފައި ވާއިރު، މާފުށީ ކައުންސިލުން ބުރާފަތި ދުވަހު ކުރި ޢިއުލާނު ގެޒެޓުން ނަގާފައެއް ނުވެއެވެ.
ރައްޔިތުންގެ މަޖިލީހުން ފާސްކޮށް އަމަލުކުރަމުންދާ ދިވެހިރާއްޖޭގެ ބިނާވެއްޓާއި އިމާރާތް ކުރުމުގެ ޤާނޫނުގެ، 95 ވަނަ މާއްދާގެ (ހ)ގައި ބުނެފައި ވަނީ، ބިލްޑިންގ ކޯޑުތައް ހަދަންޖެހޭނީ ކޮންސްޓްރަކްޝަން މިނިސްޓްރީން ކަމަށެވެ.
