Advertisement

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އެމަނިކުފާނުގެ ނައިބު އަލްއުސްތާޛު ޙުސައިން މުޙައްމަދު ލަޠީފް --

07 Jan 2024
ޚަބަރު
ޢަލީ ސުލައިމާން

މަޝްރަހު ގޯހުން ގޯހަށް، ސަރުކާރުގެ ބަހެއް ނެތް

އިންޑިއާގެ ބޮޑުވަޒީރު ނަރެންދުރަ މޯދީ، އިންޑިއާގެ ޓެރިޓަރީއެއްގެ ގޮތުގައި އޮތް ލަކްޝަދީބަށް ކުރެއްވި ރަސްމީ ދަތުރުފުޅުގައި، ލަކްޝަދީބުގެ ޓުއަރިޒަމް ޕްރޮމޯޓް ކުރެއްވުމަށް، ސޯޝަލްމީޑިއާއަށް ދޫކޮށްލި ޕޯސްޓްތަކަށް ސަރުކާރުގެ އިސް ބައެއް މަޤާމުތަކުގައި ތިއްބެވި ބޭފުޅުން ދެއްވި ރައްދުތަކާއި ގުޅިގެން ދެޤައުމުގެ ދެމެދުގައި ނުތަނަވަސްކަން ބޮޑުވެއްޖެއެވެ.

އިންޑިއާގެ ބޮޑުވަޒީރު ލަކްޝަދީބުގެ ޗާލުކަމަށް ކުރެއްވި ތަޢުރީފާއިއެކު، އިންޑިއާގެ ސިޔާސީ ބައެއް ފަރާތްތަކުން، ލަކްޝަދީބުގެ ރަށްތަކާއި ދިވެހިރާއްޖޭގެ ފަތުރުވެރިކަން އަޅައި ކިޔައި ދެއްކި ވާހަކަތަކަށް މިސަރުކާރުގެ މިނިސްޓަރުންގެ ނައިބު ފެންވަރުގައި ތިބި ބޭފުޅުން ދެއްވި ބޭ އިޙްތިރާމާއި ބޭއަދަބީ ރައްދުތަކުގެ ސަބަބުން، ދެޤައުމުގެ ރައްޔިތުންގެ މެދުގައި ބަދަލުކުރެވޭ ބަހުގެ ހަމަލާތައް ވަނީ ހޫނުވެގެން ގޮސްފައެވެ. އަދި އިންޑިއާގައި ރާއްޖެއަށް ޗުއްޓީހޭދަކުރުމަށް އިންޑިއާގެ ރައްޔިތުން ނުދިޔުމަށް ގޮވާލައި ސޯޝަލްމީޑިއާ ކެމްޕޭންތައް ވަރުގަދަ ކުރަމުންދާއިރު، ރާއްޖެއަށް ޗުއްޓީ ހޭދަކުރަން އައުމަށް ރާވާފައިވާ ބައެއް ފަރާތްތަކުން އެފަރާތްތަކުގެ ބުކިންތައް ކެންސަލްކޮށް ސޯޝަލް މީޑިއާގައި އެކަން ދަނީ ހާމަކުރަމުންނެވެ. މީގެ އިތުރުން އިންޑިއާއާއި ދިވެހިރާއްޖޭގެ ރައްޔިތުންގެ މެދުގައި ސޯޝަލް މީޑިއާގައި ބަދަލުކުރެވެމުންދާ ބަހުގެ ހަމަލާތަކާއި ގުޅިގެން އިންޑިއާގެ މީޑިއާތަކުން ދަނީ އެޚަބަރުތައް ގެނެސްދެމުންނެވެ.

މީގެ އިތުރުން، މިހާރު އުފެދިގެން މިއުޅޭ މައްސަލަގަނޑާއިއެކު، ފަތުރުވެރިކަމުގެ ސިނާޢަތުގައި މަސައްކަތް ކުރައްވާ އިސްބޭފުޅުންވެސް ގެންދަވަނީ އެކަމާއި މެދު ކަންބޮޑުވުންތައް ފާޅުކުރަމުންނެވެ.

އިންޑިއާގެ ބޮޑު ވަޒީރަށް މިސަރުކާރުގެ އިސް މަޤާމުތަކުގައި ތިއްބެވި ބައެއް ބޭފުޅުން ކިޔުއްވާފައިވާ ބޭއަދަބީ ފާޑުކިޔުންތަކާއި ރައްދުތަކާއި ގުޅިގެން، މަޝްރަޙް ގޯހުން ގޯހަށް ދާއިރު، މަޝްރަހު ފިނިކުރިމަށް ސަރުކާރުން ކުރާ މަސައްކަތެއްގެ މައުލޫމާތެއް މިހާތަނަށް ނުލިބުނެވެ. ރައީސުލްޖުމްހޫރިއްޔާގެ ބަހެއްވެސް އަދި ރައީސުލްޖުމްހޫރިއްޔާގެ އޮފީހުގެ ކޮމިއުނިކޭޝަންސް އޮފީހުގެ ބަހެއްވެސް، އަދި ފޮރިން މިނިސްޓަރ މޫސާ ޒަމީރުގެ ބަހެއްވެސް މިހާތަނަށް ނުލިބުނެވެ.

އެޑިޓޯރިއަލް ނޯޓް:

މިއަދު ހަވީރުން ފެށިގެން ސަރުކާރުގެ ބަހެއް ލިބޭތޯ މަސައްކަތް ކުރެވުނު ނަމަވެސް، މިޚަބަރު ޝާއިއުކުރުމާއި ހަމައަށް ސަރުކާރުގެ ރަސްމީ އެއްވެސް ފަރާތެއްގެ ބަހެއް މިކަމުގައި ލިބޭގޮތް ވަނީ ނުވެފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.