މާލޭ ސިޓީ ކައުންސިލްގައި ހިމެނިވަޑައިގަންނަވާ އެމްޑީޕީއާ ދަ ޑިމޮކްރެޓްސްގެ ކައުންސިލަރަކު ޕީއެންސީއަށް ސޮއިކުރައްވައިފިއެވެ.

ޕީއެންސީއަށް ސޮއެކުރައްވާފައި ވަނީ، މާލެ ސިޓީގެ ގަލޮޅު މެދު ދާއިރާގެ ކައުންސިލަރު މަރިޔަމް ރީހާން ނާޒިމް އާއި ހެންވޭރު އުތުރު ދާއިރާގެ ކައުންސިލަރު އައިޝަތު ނިޒްލީ ރަޝީދުއެވެ. މާލޭ ސިޓީ ކައުންސިލްގައި ހިމެނޭ މިދެ ކައުންސިލަރުންވެސް ކައުންސިލްގެ ގޮނޑިއަށް އިނތިޚާބުވީ އެމްޑީޕީގެ ޓިކެޓްގައެވެ. މިދެ ކައުންސިލަރުން ޕީއެންސީއަށް ސޮއެކޮށްފައި ވަނީ، މާލޭ ސިޓީ ކައުންސިލްގެ މޭޔަރު އިންތިޚާބުގެ ކެމްޕެއިން ޖަލްސާއެއްގައެވެ.

ސަރުކާރު ކޯލިޝަންގެ ފަރާތުން މާލޭ ސިޓީކައުންސިލްގެ މޭޔަރުގެ މަޤާމަށް ވާދަކުރައްވާ އައިޝަތު އާޒިމާ ޝަކޫރުގެ މެނިފެސްޓޯ ލޯންޗުކުރުމަށް ބޭއްވި ރަސްމިއްޔާތުގައި މިދެ ކައުންސިލަރުން ވަނީ ޕީއެންސީއަށް ސޮއެކުރައްވައި މެމްބަރޝިޕްފޯމް ރައީސް ޑރ. މުޢިއްޒާއި ހަވާލުކުރައްވާފައެވެ. މީގެ އިތުރުންވެސް މިޖަލްސާގައި ވަނީ، އަޑުއަތޮޅުގެ ބައެއް ދާއިރާތަކުގެ އެމްޑީޕީ ގޮފިތަކުގެ ބައެއް މަޤާމުތަކުުގައި ތިއްބެވި މެމްބަރުންވެސް ޕީއެންސީއަށް ސޮއެކޮށްފައެވެ.