އިދިކޮޅު ފަރާތްތަކުން، ރައްޔިތުންގެ މަޖިލީހުގެ ޤަވާއިދަށް ބަދަލު ގެނެސް، ރައީސުލްޖުމްހޫރިއްޔާ އާއި އެމަނިކުފާނުގެ ނާއިބު މަޤާމުން ވަކިކުރުވުމުގެ އިޖުރާއަތްތައް އަވަސްކޮށް ފަސޭހަ ކުރުމަށް މަސައްކަތް ކުރަމުންދާ މިދަނޑިވަޅުގައި، އެކަމަށް ރައްދު ދެއްވާ މޭރުމަކުން، ރައީސުލްޖުމްހޫރިއްޔާ ވަނީ ވާހަކަފުޅު ދައްކަވާފައެވެ.

ދިވެހި ފުލުހުންގެ ޚިދުމަތާއި ޔުނިސެފް މޯލްޑިވްސް ގުޅިގެން މިއަހަރުގެ ކުޑަކުދިންގެ ދުވަސް ކުލަގަދަކޮށް ފާހަގަކުރުމަށް އއ. އަތޮޅުގައި ބޭއްވި ސިލްސިލާ ހަރަކާތްތަކުގެ ތެރޭގައި ހިމެނޭ ކުޑަކުދިންގެ ހަވީރު ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ޝަރަފުވެރި ކޮށްދެއްވައިފިއެވެ.

ވަގުތީ ނަތީޖާއިން ދައްކާ ގޮތުން، ކެލާ ކައުންސިލްގައި އަންހެނުންނަށް ޚާއްޞަކޮށްފައިވާ ގޮނޑީގެ ބައި އިލެކްޝަންގައި ވާދަކުރި ޕީޕީއެމް ކެންޑިޑޭޓް ޚަދީޖާ މައުރިފާ އެގޮނޑި ކާމިޔާބު ކުރެއްވީ، 402 ވޯޓު ހޯދައިގެންނެވެ. އޭނާއާ ވާދަކުރި، އެމްޑީޕީގެ ކެންޑިޑޭޓް ހައްވާ ސުދާއަށް ލިބުނީ، 367 ވޯޓެވެ. މީގެ އިތުރުން ނ. މާފަރު ކައުންސިލުން ހުސްވެފައިވާ ގޮނޑިއަށް މެމްބަރަކު އިންތިޚާބުކުރުމަށް ބޭއްވި ބައި އިލެކްޝަންގައި އެގޮނޑި ކާމިޔާބުކޮށްފައި ވަނީ، ޕީޕީއެމްގެ ކެންޑީޑޭޓް މުހައްމަދު އަބޫބަކުރެވެ.

ފުލުހުންގެ އިދާރާއިން ވިދާޅުވީ، ބަންދުގެ އެމައްސަލައިގައި ހައްޔަރުކޮށްފައި ވަނީ، އުމުރުން، 25 އަހަރާއި 26 އަހަރާއި އަދި 27 އަހަރުގެ ދިވެހި ތިން ފިރިހެނުން ކަމަށެވެ. އެމީހުންގެ ބަންދާއިމެދު ގޮތެއް ނިންމުމަށް، އިއްޔެ ކޯޓަށް ހާޟިރުކުރުމުން، 15 އަހަރުގެ މީހާ 12 ދުވަހަށް، އަދި އަނެއް ދެމީހުން 5 ދުވަހަށް ބަންދުކުރުމަށް ކޯޓުން އަމުރުދީފައިވާ ކަމުގައި ފުލުހުންގެ އިދާރާއިން ވިދާޅުވެއެވެ. ފުލުހުންގެ އިދާރާއިން ވިދާޅުވީ އެމައްސަލަ ފުލުހުން ދަނީ ތަޙްޤީޤުކުރަމުން ކަމަށެވެ.

އަދި ޕްރައިމަރީ ބާއްވަންޖެހޭ ދާއިރާތަކުގެ ޕްރައިމަރީ އޮންނާނީ2024 ޖެނުއަރީ 26 އަދި 27 ވާ ހުކުރު ދުވަހާއި ހޮނިހިރު ދުވަހު ކަމަށާއި، ޕްރައިމަރީގައި ވާދަކުރެވޭނީ ޝައުޤުވެރިކަންފާޅުކޮށްފައިވާ ފަރާތްތަކަށް އެކަނިކަމުގައިވެސް އެމްޑީޕީން ވަނީ ބުނެފައެވެ.

"ޑޮނަޓެއްލާ" ނަމަކަށް ކިޔާ މުދާ އުފުލާ ދޯންޏެއް، ކ.ގުޅިކައިރީގައި އޮންނަ ފަރަކަށް އަރައިގެން އެމްއެންޑީއެފް މާލޭ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން އެހީތެރިކަން ފޯރުކޮށްދޭން ފަށައިފިއެވެ. މި ދޯނި ދަތުރުކުރީ ކ. ތުލުސްދޫން ފުރައިގެން ކ. މާފުށްޓަށް ދަތުރުކުރުމަށެވެ.

ފުލުހުންގެ އިދާރާއިން ވިދާޅުވީ، ތުއްތު ކުއްޖާގެ ހަށިގަނޑު ޕޯސްޓް މޯޓަމް ހެދުމަށްޓަކައި އިންޑިއާއަށް ފޮނުވާފައި ވަނީ އިއްޔެ ކަމަށެވެ.

އާސަންދައިގެ ދަށުން ދިވެހި ކޮންމެ ރައްޔިތަކަށް އަހަރަކު ދެ ފަހަރު މެޑިކަލް ޗެކަޕް ހެދޭނީ ހަމައެކަނި ޑޮކްޓަރެއް ލަފާ ދިނުމުން ކަމަށް ކަނޑައަޅައި އުސޫލު އެކުލަވާލައިފިއެވެ.

ޕްރޮގްރެސިވް ކޮންގްރެސް ކޯލިޝަންގެ މަޖިލިސް ޕްރައިމަރީ ފަސްކޮށްފިއެވެ. ކޯލިޝަނުން ނެރުނު ޢިއުލާނެއްގައި ބުނީ، ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި އެކޯލިޝަންގެ ފަރާތުން ވާދަކުރާ ފަރާތްތައް ކަނޑައެޅުމަށް ބާއްވާ ޕްރައިމަރީގެ ތާރީޚު ފަސްކުރުމަށް ނިންމީ ކުރިން ހަމަޖައްސާފައިވާ ތާރީޚަކީ ސްކޫލް ބަންދު ދުވަސްވަރެއްކަމުގައިވެފައި ގިނަ ޢަދަދެއްގެ ރައްޔިތުން އެކި ސަބަބުތަކަށްޓަކައި ޤައުމުން ބޭރަށް ދަތުރުކުރާނެތީކަމަށެވެ.

ރާއްޖެއަކީ، އެއްވެސް ސެންސަރެއް ނެތި އިންޓަނެޓްގައި ހުރި ހުރިހާ ކޮންޓެންޓެއް އާއްމުންނަށް ބެލޭނޭހެން ހުޅުވާލާފައި އޮތް ދުނިޔޭގެ މަދު ޤައުމުތަކުގެ ތެރެއިން ޤައުމެކެވެ. މިހާތަނަށް އައިރު، އިންޓަރނެޓްގެ ޚިދުމަތް ހޯދުމުގައި ބަރަހަނާ ވެބްސައިޓްތައް ބްލޮކްކުރަން ބޭނުންވާ ފަރާތްތަކުން އެކަން ކުރަން ޖެހެނީ، އިންޓަރނެޓް ބޭނުންކުރާ ރައުޓަރު ބޭނުންކޮށްގެން އަމިއްލަ އަށެވެ. އަދި އިންޓަރނެޓްގެ ޚިދުމަތްދޭ ކުންފުނި މެދުވެރިކޮށް ވަކިވަކި ފަރުދުންނަށް އެފަދަ ވެބްސައިޓްތައް މީގެ ކުރިން ބަންދުކުރެވެނީ އިންޓަރނެޓްގެ ޚިދުމަތްދޭ ކުންފުނިތަކަށް ފީއެއް ދައްކައިގެންނެވެ.

އާއްމު ކޮމިޓީން ފާސްކޮށްފައި ވަނީ، ރައްޔިތުންގެ މަޖިލީހުގެ ޤަވާއިދުގެ، 41 ވަނަ ބާބުގައި ބަޔާންކޮށްފައިވާ މާއްދާތަކަށެވެ. މިގޮތުން މައިގަނޑުގޮތެއްގައި ގެނެސްފައިވާ ބަދަލުތަކަކީ ރައީސުލްޖުމްހޫރިއްޔާ އާއި އެމަނިކުފާނުގެ ނައިބު މަޤާމުން ވަކިކުރުމާއި ގުޅޭ އިޖުރާއަތްތައް ހިންގުމަށް ކަނޑައަޅާފައިވާ މުއްދަތު ކުރުކުރުމެވެ. އަދި މަޖިލީހުން އެފަދަ ވޯޓެއް ނަގާއިރު، މެމްބަރުންގެ އަދަދާއި ފާސްވުމަށް ބޭނުންވާ އަދަދާއި އަޣުލަބިއްޔަތު ކަނޑައެޅުމުގައި އެވަގުތަކު މަޖިލީހުގައި މެމްބަރުން ތިއްބެވި ޢަދަދުގެ މައްޗަށް ކަންކަން ތަރުތީބު ކުރުންވެސް ހިމެނެއެވެ.

ހުކުރު ހުޠުބާގައި ބުނެފައި ވަނީ، މުޖުތަމަޢުގައި ހިނގާ ނޭންގާނީ ކަންކަން ހުއްޓުވުމަށް ކުރެވޭ ކޮންމެ މަސައްކަތަކީ، ތިމާގެ އަމިއްލަ މުދަލާއި، އަނބިދަރިންގެ ސަލާމަތަށްޓަކައި ކުރެވޭ މަސައްކަތެއް ކަމަށެވެ. އަދި މުޖުތަމަޢުގައި ހިނގާ އެފަދަ ކަންކަމާއި މެދު އަޅާނުލައި ތިބެއްޖެނަމަ މަންޒިލް މަޤުޞޫދަށް ވާޞިލްވުމުގެ ކުރިން މުޖުތަމަޢު ހަލާކުވެ ނެތި ހިނގައިދާނެ ކަމުގައި ހުކުރު ޚުޠުބާގައި ވަނީ ބުނެފައެެވެ.