ނެޝަނަލް ބިލްޑް އެކްސްޕޯގައި އެސްޓީއޯ ކޮންސްޓްރަކްޝަންގެ ސްޓޯލަށް ބޮޑު ތަރުޙީބެއް ލިބިއްޖެއެވެ.

މިމަހުގެ 11 އިން 14އަށް ހުޅުމާލޭ ސެންޓްރަލް ޕާކުގައި ކުރިޔަށް ގެންދިޔަ އެސްޓީއޯގެ ސްޓޯލަށް ގިނައަދަދެއްގެ ބަޔަކު ވަނީ ޒިޔާރަތްކޮށްފައެވެ. އަދި އެސްޓީއޯގެ ސްޓޯލަށް ޒިޔާރަތްކުރާ ފަރާތްތަކުގެ މެދުގައި ޚާއްސަ ލަކީޑްރޯއެއް ނަގައި، 5000 ރުފިޔާއާ ހަމައަށް މުދާ ލިބޭ ވައުޗަރެއް ވަނީ ދީފައެވެ.

މިއަހަރުގެ އެކްސްޕޯގައިގައި އެސްޓީއޯ ކޮންސްޓްރަކްޝަނުން ވަނީ އެފަރާތުގެ ބްރޭންްޑްތައް ކަމުގައިވާ މަކިޓާ، ނިޕޯން އަދި ރެޑީ މިކްސް އާއި ކޯނެ އެލެވޭޓާ ގެ މައުލޫމާތު ސްޓޯލަށް ޒިޔާރަތްކުރި ފަރާތްތަކަށް ޙިއްސާކޮށްފައެވެ.

މިމަހުގެ 11 ވަނަ ދުވަހު ފެށި، ނެޝަނަލް ބިލްޑް އެކްސްޕޯ 2024 ނިންމާލުމަށް ހަމަޖެހިފައި ވަނީ އާދީއްތަ ދުވަހުގެ ރޭގައެވެ. މިއަހަރުގެ އެކްސްޕޯގައި އިމާރާތްކުރުމުގެ ސިނާޢަތުގައި ހަރަކާތްތެރިވާ ރާއްޖެއާ ރާއްޖެއިން ބޭރުގެ ކުންފުނިތައް ހިމެނޭހެން ޖުމުލަ 70 ވުރެ ގިނަ ފަރާތުން ބައިވެރިވިއެވެ.