އިއްޔެ ބޭއްވި މާލޭ މޭޔަރުގެ ބައި-އިލެކްޝަންގައި ވެރިކަން ކުރާ މައި ޕާޓީ، ޕީއެންސީގެ ކެންޑިޑޭޓު އާޒިމާ ޝަކޫރު ބަލިގަބޫލު ކުރައްވައި، އެމްޑީޕީގެ ކެންޑިޑޭޓު އާދަމް އާޒިމްއަށް މަރުހަބާ ވިދާޅުވެއްޖެއެވެ.

ވަގުތީ ނަތީޖާ ދައްކާ ގޮތުން އާޒިމް މި އިންތިހާބު ކާމިޔާބުކުރެއްވީ އާޒިމާއަށް ވުރެ 2،500އަށް ވުރެ ގިނަ ވޯޓު ހޯއްދަވައިގެންނެވެ.

އެކްސްގައި އާޒިމާ ކުރެއްވި ޕޯސްޓެއްގައި ކަށަވަރުކޮށްދެެއްވީ، މާލޭގެ ރައްޔިތުންނަށް ފައިދާ ކުރާނެ ހުރިހާ ކަމެއްގައި އޭނާގެ އެއްބާރުލުން އާޒިމްއަށް ލިބޭނެ ކަމަށެވެ. 

އިންތިހާބުގެ ވަގުތީ ނަތީޖާ: 

އާޒިމަށް 7،621 ވޯޓު (%44)

އާޒިމާއަށް 5،032 ވޯޓު (%29)

ސައިފް ފާތިހު، ދަ ޑިމޮކްރެޓްސް - 2،336 ވޯޓް

 ހުސެއިން ވަހީދު، އަމިއްލަ- 1،088 ވޯޓް 

ޝުއައިބު އަލީ، އަމިއްލަ - 125 ވޯޓް 

އާޒިމާގެ އިތުރުން މި އިންތިހާބުގައި ވާދަކުރެއްވި ސައިފް އާއި ޝުއައިބް ވެސް މިހާރު ވަނީ އާޒިމްއަށް މަރުހަބާ ވިދާޅުވެފައެެވެ.