Advertisement

ގާޒާގެ ރައްޔިތުން ---

15 Jan 2024
ޚަބަރު
ޢަލީ ސުލައިމާން

އިޒްރާއީލުން ޣައްޒާއަށް ހަމަލާދެމުންދާތާ 100 ދުވަސް ، މިހާތަނަށް 24000 މީހުން ޝަހީދުކޮށްލައިފި

އޮކްޓޫބަރު މަހުގެ 7 ވަނަ ދުވަހު އިޒްރާއީލުނ ހިފާފައިވާ ފަލަސްތީނުގެ ދެކުނުގެ ބިންތަކަށް ހަމާސްގެ މުޖާހިދުން ދިން ހަމަލާތަކާއި ގުޅިގެން، އިޒްރާއީލުން ހިންގަމުންދާ ޤަތުލުއާއްމުގައި މިހާތަނަށް ފަލަސްޠީނުގެ 24000 ވުރެ ގިނަ މީހުން ޝަހީދުކޮށްލައިފިއެވެ.

އިޒްރާއީލުން ގާޒާއަށް ދެމުންދާ ހަމަލާތަކަށް ޖެނުއަރީ 14 ވަނަ ދުވަހަށް 100 ދުވަސް ހަމަވިއިރު، 24000 މީހުން ޝަހީދުކޮށްލުމުގެ އިތުރުން، 65000 ޓަނުގެ ބޮން އިޒްރޭލުން ވަނީ ގައްޒާއަށް އަޅާފައެވެ. އަދި 2.3 މިލިއަން މީހުން ވަނީ، 400 އަކަކިލޯމީޓަރު ހަމަނުވާ ސަރަހައްދެއްގެ ތެރޭގައި ތިބުމަށް މަޖުބޫރުކޮށްފައެވެ. މީގެ އިތުރުން އިޒްރޭލުން ވަނީ ފަލަސްތީނުގެ ރައްޔިތުންގެ ތެރެއިން ކުޑަކުދިންވެސް ހިމެނޭ، 5875 މީހުން ވަނީ ހައްޔަރުކޮށްފައެވެ. މީގެ އިތުރުން، ފަލަސްތީނުގެ އާބާދީގައި ހިމެނޭ ކޮންމެ 20 މީހަކުން އެކަކު ވަނީ އިޒްރާއީލުން ޝަހީދުކޮށްލާފައެވެ.

އިޒްރާއީލްގެ ހަމަލަތާއް ފަލަސްޠީނުގެ އާއްމުންގެ އިތުރުން، ސިއްޙީ ޚިދުމަތްތެރިންނާއި، ހޮސްޕިޓަލްތަކަށްވެސް އަމާޒުކޮށްފައި ވާއިރު، މިހާތަނަށް ޑޮކްޓަރުންނާއި ނަރުހުން ހިމެނޭގޮތުން 337 ހެލްތު ޕްރޮފެޝަނަލުން ޝަހީދުކޮށްލައި، 99 ސިއްޙީ ޚިދުމަތްތެރިން ހައްޔަރުކޮށް 30 ހޮސްޕިޓަލަކާއި 121 އެމްބިއުލާންސް ވަނީ ހަލާކުކޮށްލާފައެވެ. އެހެންވެ މިހާތަަނަށް ގާޒާގައި މިހާރު ބޭނުން ކުރެވޭ ހާލަތުގައި އޮތީ އެންމެ 6 އެމްބިއުލާންސެވެ.

އިޒްރޭލުގެ ޤަތުލު އާއްމުތައް ހުއްޓުވުމުގައި ދުނިޔެ ފޭލްވެފައި ވަނީ، އެމެރިކާ އާއި އިނގިރޭސި ވލާތުން ހަނގުރާމައިގައި އިޒްރޭލާއި އެކު ބައިވެރިވަމުންދާތީއެވެ. 

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.