ޤައުމުގައި ހުރި އިޤްތިޞާދީ ގޮންޖެހުންތަކަށް އަލިއަޅުއްވާލައްވަމުން ސީޕީ ވިދާޅުވީ ޖަލުތައް ކޮމާޝަލައިޒްކޮށް، މިހާރު ހިންގަމުންދާ މަޝްރޫޢުތައް ފުޅާކުރުމުގެ ވިސްނުންފުޅު ގެންގުޅުއްވާކަމަށެވެ. އަދި އޮފިސަރުންނާއި މުވައްޒަފުން ތަރައްޤީކޮށް، ތަޢުލީމީ ފުރުޞަތު ހޯދާދެއްވުމަށް މަސައްކަތްކުރައްވާނެ ކަމަށާއި، އިންސްޓިޓިއުޓް ފޮރ ކަރެކްޝަނަލް ސްޓަޑީޒް (އައިކޯސްޓް) ކޮލެޖަކަށް ބަދަލުކުރައްވައި، މާސްޓާސް ޑިގްރީ ފެންވަރުގެ ކޯސްތައް ހިލޭ ހިންގުމަށް މަސައްކަތްކުރައްވާނެ ކަމުގައިވެސް ކޮމިޝަނަރ އޮފް ޕްރިޒަންސް ހަސަން ޒަރީރު ވިދާޅުވިއެވެ.

އެމިނިސްޓްރީން ހާމަކޮށްފައިވާ ގޮތުގައި، އަލް މަޝްޢަރު ހައްޖު އުމްރާ ކުންފުންޏާއި، ވަޑި ހައްޖު އެންޑް އުމްރާ ކުންފުންޏަކީ، ރާއްޖެއިން މީހުން ހައްޖާއި އުމުރާއަށް ގެންދިޔުމަށް ހުއްދަ ދީފައިވާ ދެކުންފުންޏެއް ނޫނެވެ. އެހެން ނަމަވެސް އެ ދެ ކުންފުނިން، މީހުން އުމުރާއަށް ގެންދާނެކަމަށް ބުނެ ޢިއުލާނުކޮށް އަދި ސޯޝަލް މީޑިއާގައި އިޝްތިހާރުކޮށް މީހުންގެ އަތުން ފައިސާ ނަގަމުންދާކަން އެމިނިސްޓްރީއަށް އެނގިފައިވާ ކަމުގައިވެސް އިސްލާމިކް މިނިސްޓްރީން ބުންޏެވެ.

އެމިނިސްޓްރީގެ ބަޔާނުގައި ހަމައެކަނި ބުނެފައި ވަނީ، އަސްކަރިއްޔާގެ ވާޖިބާއި މަސްއޫލިއްޔަތު އަދާކުރުމުގެ ގާބިލުކަން ހުރި، އަދި ބަދަލުވަމުންދާ ސަލާމަތީ މަޝްރަހުގައި ކުރިމަތިލާން ޖެހިދާނެ ސަލާމަތީ ގޮންޖެހުންތަކާއި، ކޮންމެ ނުރައްކަލަކާ ކެރިގެން ކުރިމަތިލުމުގެ ގާބިލުކަން ހުރި ޒަމާނީ އަސްކަރިއްޔާ އަކަށް ދިވެހިރާއްޖޭގެ ގައުމީ ދިފާއީ ބާރު ހެއްދެވުމަކީ ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ ޑރ. މުހައްމަދު މުއިއްޒު އެންމެ އިސްކަން ދެއްވާ އެއްކަންތައް ކަމަށެވެ.

ދިއްދޫ ފެނަކަ އިންޖީނުގެ އެޅުމުގެ މަސައްކަތަށް ފެނަކައަށް ނެގި ކޮންޓްރެކްޓް މުވައްޒަފުންގެ ކޮންޓްރެކްޓް އާނުކުރުމަށް ފެނަކައިން ނިންމުމާއި ގުޅިގެން ދިއްދޫގެ އެމުވައްޒަފުން ވަނީ ނުރުހުންފާޅުކޮށްފައެވެ. އެކަމާއި ގުޅިގެން މުއާޛު ވަނީ އެމަޝްރޫޢާއި އެހެން ބައެއް މަޝްރޫޢުތަކަށް ފެނަކައިން ކުރަން ޖެހުނު ޚަރަދުތަކުގެ ތަފްސީލްތައް ޙިއްޞާކުރައްވާފައެވެ.

އެކޯޕަރޭޝަނުން ބުނީ، އެއިމާރާތުގެ މަސައްކަތް ހުއްޓިފައިވާތާ ދުވަސްތަކެއް ވެފައިވާ ކަމަށެވެ. ފެނަކައިގެ ދަރަނިތައް ބޮޑުވެ އެކުންފުންޏަށް ބޮޑެތި ގޮންޖެހުންތަކާއި ކުރިމަތިވެފައިވާތީ، މަސައްކަތް ނުހިނގާ ސައިޓްތަކަށް ނެގި ކޮންޓްރެކްޓް ސްޓާފުންގެ ކޮންޓްރެކްޓް އައު ނުކުރާނެ ކަމުގައި ކުރިންވެސް ފެނަކައިން އޮތީ ބުނެފައެވެ.

އިހްސާން ވިދާޅުވީ، މިއަދު ރާއްޖެ ގެނައި މީހުންގެ ތެރޭގައި ހިމެނެނީ 5 އާއިލާއަަކަށް ނިސްބަތްވާ 21 މީހުން ކަމަށާއި އޭގެ ތެރޭގައި 15 ކުޑަކުދިންނާއި 5 އަންހެނުންނާއި، 1 ފިރިހެނަކު ހިމެނޭ ކަމަށެވެ. އަދި ރާއްޖެ ގެނައި ހުރިހާ ކުޑަކުދިންނަކީވެސް އެ ފަސް އަންހެނުންގެ ދަރީން ކަމުގައި ސާބިތު ކުރެވިފައި ކަމުގައިވެސް އިޙްސާން ވިދާޅުވިއެވެ.

ހައުސިން ޑިވެލޮޕްމަންޓް ކޯޕަރޭޝަން, އެޗްޑީސީ ރިބްރޭންޑްކޮށް، އެ ކުންފުންޏަށް ކިޔަން ފެށި "އާބަންކޯ" ގެ ނަން ބޭނުންކުރުން ހުއްޓާލައި އަނެއްކާވެސް އެޗްޑީސީ ކިޔަން ނިންމައިފިއެވެ. އެޗްޑީސީގެ ބްރޭންޑު އާބަންކޯއަށް ބަދަލުކުރީ އެ ކުންފުނީގެ 22 ވަނަ އަހަރީ ދުވަހު، 1 އޭޕްރީލް 2023 ގައެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ސޯޝަލް ސެންޓަރުގައި މިނިމަމް މެޑިކަލް ރިކުއަޔަރމަންޓްސް ފެސިލިޓީ އިފްތިތާޙްކޮށްދެއްވައިފިއެވެ. ރައީސުލްޖުމްހޫރިއްޔާ މި ފެސިލިޓީ އިފްތިތާޙްކޮށްދެއްވީ ޤައުމީ އަދި ބައިނަލްއަޤްވާމީ ކުޅިވަރު މުބާރާތްތައް ބާއްވާ ތަންތަނުގައި ހުރުން ލާޒިމުކުރާ ޞިއްހީ ޚިދުމަތް ފޯރުކޮށްދިނުމަށް ބޭނުންވާ ވަޞީލަތްތައް ޤާއިމުކުރަން ފެށުމުގެ ގޮތުން ރޭ ސޯޝަލް ސެންޓަރުގައި ބޭއްވި ރަސްމިއްޔާތުގައެވެ.

އިންފުލުއެންޒާ ވައިރަސްގެ އެކި ވައްތަރުތައް ފެތުރެމުން ދާތީ، ވެކްސިން ޖަހަން އެޗްޕީއޭ އިން އިލްތިމާސް ކޮށްފިއެވެ. އިންފްލުއެންޒާ އަކީ އާއްމުކޮށް ފެތުރޭ ނޭވާލާ ނިޒާމަށް ޖެހޭ ބައްޔެކެވެ. އެޗްޕީއޭ އިން ބުނީ ބައެއް ދުވަސްވަރު ބަލި ފެތުރޭ މިންވަރު އިތުރުވާ ކަމަށެވެ.

ކުރިއަށް އޮތް ހަތަރު ދުވަހު ވެސް ރާއްޖޭގެ ވައި ނުސާފުވާނެ ކަމަށް ލަފާކުރެވޭތީ އެކަމަށް ސަމާލުވުމަށް މޫސުމާ ބެހޭ ޤައުމީ އިދާރާއިން އިލްތިމާސްކުރައްވައިފިއެވެ.

އިލެކްޝަންސް ކޮމިޝަންގެ ނައިބު ރައީސް އިސްމާއީލް ޙަބީބު ވިދާޅުވީ، ވޯޓާސް ރެޖިސްޓްރީގައި، އެމީހެއްގެ ނަން، އެޑްރެސް ، އައިޑެންޓިޓީ ކާޑު ނަންބަރު އަދި ޚާއްޞަކޮށް އެމީހަކު ވޯޓުލާންޖެހޭ ދާއިރާ އޮތީ ރަނގަޅަށްތޯ ބެއްލެވުމަކީ ވަރަށްބޮޑަށް އެދިވަޑައިގަންނަވާ ކަމެެއް ކަމަށެވެ.

ވީޑިއޯއިން ފެންނަ ގޮތުގައި އިންޑިގޯގެ ފްލައިޓް ލޭންޑުކުރުން ކޮންމެވެސް ސަބަބަކާއި ހުރެ ޑިލޭވެއްޖެކަން އިޢުލާނުކުރަނީ، ކޮކްޕިޓުން ނުކުމެ ކޯ ޕައިލެޓެވެ. އެވަގުތު އިންޑިއާގެ ޒުވާން ފިރިހެނަކު ވަނީ، ފުންމައިގެން ގޮސް ޕައިލެޓްގެ މޫނު މަތީގައި ޖަހާފައެވެ. އަދި ހިންދީ ބަހުން، ފްލައިޓް ދުއްވަންޏާ ދުއްވާށޭ، ނުދުއްވަންޏާ ނުދުއްވާށޭ ބުނެއެވެ.

އެޗްޕީއޭއިން ބުނީ، 2023 ވަނަ އަހަރުގެ ނޮވެމްބަރު އަދި ޑިސެމްބަރު މަހާ އަޅާ ބަލާއިރު، 2024 ވަނަ އަހަރުގެ މިހާތަނަށް އިންފްލުއެންޒާ ޕޮސިޓިވްވާ މިންވަރު އިތުރުވެފައިވާކަން ފާހަގަ ކުރެވޭ ކަމަށެވެ.

އެސްޓީއޯއިން ބުނީ، މި ޕްރޮމޯޝަން ތެރޭގައި އެސްޓީއޯ ރީޖަނަލް ފިހާރަތަކާއި ޕީޕަލްސް ޗޮއިސްގެ އިން ކުރާ ކޮންމެ 1000 ރުފިޔާގެ ވިޔަފާރިއަކަށް ކޫޕަނެއް ލިބޭނެކަމަށެވެ. މިގޮތުން މިޕްރޮމޯޝަނުގެ ތެރެއިން އަގުހުރި ގިނަ އިނާމްތަކެއް ލިބިގެން ދާނެ ކަމަށާއި އޭގެ އިތުރުން %25 އާއި ހަމައަށް ޑިސްކައުންޓުން ލިބިގެންދާނެ ކަމަށްވެސް އެސްޓީއޯއިން ވަނީ ބުނެފައެވެ. އަދި ހުކުރު ހޮނިހިރު ދުވަހުވެސް ޚާއްސަ ޕްރޮމޯޝަން އަގުތަކެއްގައި މިޕްރޮމޯޝަންގެ ތެރެއިން މުދާ ގަންނަން ލިބޭނެ ކަމުގައިވެސް އެސްޓީއޯއިން ބުންޏެވެ.

އެޕާޓީން އިނގިރޭސި ބަހުން ނެރުނު ނޫސްބަޔާނުގައި ބުނެފައި ވަނީ، ސުބްރަމާނިއަމް ދެއްކި އެވާހަކައަކީ، ނަފުރަތާއި ރުޅިވެރިކަން ދެޤައުމުގެ ރައްޔިތުންގެ މެދުގައި އުފެއްދުމަށް ދައްކާފައިވާ ވާހަކައެއް ކަމަށެވެ. އަދި އިންޑިއާގެ ދާޚިލީ ސިޔާސީ ކަންކަމުގެ ތެރެއަށް ރާއްޖެ ނުވެއްދުމަށްވެސް އެމްޑީޕީގެ ބަޔާނުގައި ވަނީ ގޮވާލާފައެވެ.

މީގެ ކުރިން އެމްޑީޕީން ވަނީ އެންމެ މެމްބަރަކު ޝައުޤުވެރިކަން ފާޅުކުރި ދާއިރާތަކުގެ ތެރެއިން 36 ދާއިރާއެއްގައި ޕްރައިމަރީ ނުބޭއްވުމަށް ނިންމައި އެބޭފުޅުންނަށް ޓިކެޓް ދިނުމަށް ނިންމާފައެވެ. އެންމެ ފަހުން ޓިކެޓް މި ދިން 10 ބޭފުޅުންނާއި އެކު މިހާރު އެމްޑީޕީގެ ޓިކެޓްގައި ވާދަކުރައްވަން ހުށައެޅުއްވި މެމްބަރުންގެ ތެރެއިން ޖުމުލަ 46 މެމްބަރަކަށް ޕްރައިމަރީއަކާއި ނުލައި މިވަނީ ޓިކެޓް ލިބިފައެވެ.