އޮތްތަނުގައި ތައިލެންޑް އަދި ޔޫއޭއީ އަށްވެސް ސްކީމްގެ ދަށުން ބަލިމީހުން ފޮނުވަން ރައީސުލްޖުމްހޫރިއްޔާ ނިންމަވާފައިވާތީވެ އާސަންދަ ކުންފުނިން އެކަމާ ގުޅިގެން ކުރަންޖެހޭ މަސައްކަތްތައް ކަމާ ގުޅުންހުރި އެހެން އިދާރާތަކާއިއެކު ކުރަމުން ގެންދާކަމުގައި އާސަންދަ ކުންފުނިން ބުނެފިއެވެ.

އާސަންދަ ސްކީމްގެ ދަށުން ބޭސްފަރުވާއަށް ރާއްޖެއިން ބޭރަށް ބަލިމީހުން މިވަގުތު ފޮނުވަމުންދަނީ ހަމައެކަނި އިންޑިއާ އަދި ސްރީލަންކާއަށެވެ.

އާސަންދަ ކުންފުނިން ބުނީ، ރާއްޖެއިން ބޭރުން ފަރުވާ ހޯދުމަށް އިންޑިއާ އާއި ސްރީލަންކާ ނޫން އެހެން ޤައުމުތަކަށް ބަލިމީހުން ފޮނުވަން އާސަންދަ ކުންފުނިން "ދެކޮޅު" ކަމުގައި ބައެއް ފަރާތްތަކުން ޚަބަރު ފަތުރަމުން ދަނީ، ޙަޤީގަތާއި ޚިލާފަށް ކަމަށެވެ.

އަދި މީޑިޔާ ތަކުގައި އެގޮތަށް ރިޕޯޓުކޮށްފައި ވަނީ މިދިޔަ ޑިސެމްބަރުމަހުގެ 12 ވަނަ ދުވަހު ރައްޔިތުންގެ މަޖިލީހުގެ އެސް.އޯ.އީ ކޮމިޓީގައި މަޖިލިސް މެމްބަރަކު ކުރެއްވި ސުވާލުގެ ޖަވާބުގައި، މި ޚިދުމަތް އިތުރު ޤައުމުތަކަށް ފުޅާކުރުމުގެ ވިސްނުމެއް އޭރު ނެތްކަމަށް މި ކުންފުނީގެ މެނޭޖިން ޑިރެކްޓަރު ވިދާޅުވި ވިދާޅުވުމުގެ މަފްހޫމް އޮޅޭގޮތަށްކަމުގައިވެސް އާސަންދަ ކުންފުނުން ވަނީ ބުނެފައެވެ.

އެކުންފުނިން ބުނީ، އޭރު ސަރުކާރުން މި ޚިދުމަތް ފުޅާކުރުމަށް ނިންމާ އިޢުލާންކޮށްފައި ނުވާކަމަށާއި، އެހެންކަމުން، މިހާރު، ސަރުކާރުން ރަސްމީކޮށް އެކަން އިޢުލާންކުރުމުން، އޭގެ މާ ކުރިން ދެކެވިފައިވާ ވާހަކަތަކަކަށް ރިޢާޔަތްކޮށް އެއީ އެ ކުންފުނިން "ދެކޮޅު" ކަމެއްގެ ގޮތުގައި ޢާއްމުންނަށް ސިފަވާހެން ޚަބަރު ފެތުރުމަކީ ކަމުގެ ޙަޤީޤަތް އޮޅި ރައްޔިތުންގެ ހިތްތަކުގައި ނުތަވަސްކަން އުފެދޭނެ ކަމެއް ކަމުގައި ދެކޭކަމަށެވެ.

ވީމާ މިފަދައިން ޚަބަރުތައް ގެނެސްދެއްވާއިރު ކުންފުނީގެ ބަހެއް ހޯއްދަވާ، ކަމުގެ ޙަޤީޤަތް ސާފުވާނެހެން ޚަބަރުތައް ގެނެސްދެއްވުމަކީ އާސަންދަ ކުންފުނިން ވަރަށް ބޮޑަށް އެދޭކަމެއް ކަމުގައި އެކުންފުނިން ވަނީ ބުނެފައެވެ.

އާސަންދަކުންފުންޏަކީ ސަރުކާރު ބަޖެޓް ދެއްވައިގެން ދިވެހިރައްޔިތުންގެ ބޭސްފަރުވާގެ ސްކީމް ހިންގަމުންގެންދާ ކުންފުންޏެވެ.