ދެވަނަ ކުއާޓާގައި އާސަންދައިން އެވަރެޖުކޮށް ދުވާލަކު 30 މީހުން ރާއްޖެއިން ބޭރަށް ފޮނުވި

މި ހިނގާ 2024 ވަނަ އަހަރުގެ އެޕްރީލު 1 ވަނަ ދުވަހުން ފެށިގެން ޖޫން 30 ވަނަ ދުވަހުގެ ނިޔަލަށް އާސަންދަ ސްކީމްގެ ދަށުން އެވަރެޖުކޮށް ދުވާލަކަށް 30 މީހުން ރާއްޖެއިން ބޭރުން ފަރުވާ ހޯދުމަށް ފޮނުވާފައިވާކަމަށް، އާސަންދައިގެ ތަފާސް ހިސާބުތަކުން ދައްކައިފިއެވެ. އެގޮތުން ދެވަނަ ކުއާޓާގައި ވަނީ ޖުމްލަ 2،807 މީހުން ރާއްޖެއިން ބޭރުން ފަރުވާ ހޯދުމަށް ފޮނުވާފައެވެ. މިއީ މި އަހަރުގެ ފުރަތަމަ ކުއާޓާއަށް ވުރެން މަތީ އަދަދެކެވެ. މި އަހަރުގެ ފުރަތަމަ ކުއާޓާގައި ރާއްޖެއިން ބޭރުން ފަރުވާ ހޯދުމަށް ފޮނުވާފައިވަނީ 1،691 މީހުނެވެ. އެއީ އެވަރެޖުކޮށް ދުވާލަކަށް 18 މީހުނެވެ.