ދިވެހިރާއްޖެއާއި ސްރީ ލަންކާގެ ޤާނޫނު ހަދާ މަޖިލީހުގެ މުވައްޒަފުން ތަމްރީން ކުރުމަށް ހިންގަމުން އައި ޕްރޮގްރާމުތައް އަލުން ފަށަން މަޝްވަރާ ކުރައްވައިފިއެވެ.

މި މަޝްވަރާތައް ކުރައްވާފައިވަނީ ރައްޔިތުންގެ މަޖިލީހުގެ ރައީސް މުޙައްމަދު އަސްލަމް މިހާރު ސްރީލަންކާއަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން އެ ޤައުމުގެ ޤާނޫނު ހަދާ މަޖިލީހުގެ ރައީސް މަހިންދަ ޔަޕާ އަބޭވަރްދަނާއާއެކު ބޭއްވި ބައްދަލުކުރެއްވުމުގައެވެ.

މި ބައްދަލުކުރެއްވުމުގައި 2ބޭފުޅުންވެސް ވަނީ 2 ޤައުމުގެ ޤާނޫނު ހަދާ މަޖިލީހުގެ މުވައްޒަފުން ތަމްރީން ކުރުމަށް ހިންގަމުން އައި ޕްރޮގްރާމްތައް ކޯވިޑާ ގުޅިގެން ހުއްޓިފައިވާތީ އެ ޕްރޮގްރާމުތައް އަލުން ފެށުމަށް ގުޅޭގޮތުން މަޝްވަރާކުރައްވާފައެވެ.

ރައްޔިތުން މަޖިލީހުގެ ރައީސް އަސްލަމް ވަނީ ސްރީލަންކާގެ ޤާނޫނު ހަދާ މަޖިލީހުގެ ރައީސް ވަނީ ދެ ޤައުމުގެ ގުޅުމަކީ ޒަމާންތަކެއްވީ، ވަރުގަދަ ގުޅުމެއްކަން ފާހަގަކުރައްވައި ވެރިކަން ބަދަލުވި ނަމަވެސް އެ ގުޅުމަށް ބަދަލެއް ނާންނާނެ ކަމުގެ ޔަގީންކަން ދެއްވާފައެވެ.

ލަންކާގެ ޤާނޫނު ހަދާ މަޖިލީހުގެ ރައީސްގެ އިތުރުން އެޤައުމުގެ އެކްޓީންގ ފޮރިން މިނިސްޓަރ ތަރަކާ ބަލަސޫރިޔާއާ ވެސް ރައްޔިތުންގެ މަޖލީހުގެ ރައީސް ބައްދަލުކުރެއްވިއެވެ.