Advertisement
އެމްޑިޕީގެ ޗެއާ ޕާސަން ފައްޔާޒް އިސްމާއީލް -- ފޮޓޯ: ނޫން.އެމްވީ
އަނިޔާވެރިކަމާ އޮޅުވާލުމާ ހުދުމުހުތާރުކަން "ހައްޔަރުކުރުމަށް" ފައްޔާޒު ގޮވާލައްވައިފި
އަނިޔާވެރިކަމާ އޮޅުވާލުމާ ހުދުމުހުތާރުކަން ހައްޔަރުކުރުމަށް ކުރެވެން ހުރި ހުރިހާކަމެއް ކުރަން މިހާރު މިއޮތީ ޖެހިފައި ކަމުގައި އެމްޑީޕީގެ ޗެއާޕާސަން ފައްޔާޒް އިސްމާއީލް ވިދާޅުވެއްޖެއެވެ.
ފައްޔާޒު މިހެން ވިދާޅުވީ، މިރޭ އެކްސްގައި ލިޔުއްވި ޕޯސްޓެއްގައެވެ.
ސަރުކާރަށް އަމާޒުކޮށް ފައްޔާޒު ވިދާޅުވީ، ސަރުކާރުގެ " މާމުއި ހަނދުވަރުގެ ރޭތައް ނިމުމަކަށް މިއައީ" ކަމަށެވެ. އަދި الله ގެ އިރާދަފުޅާއެކު އިދިކޮޅު ފަރާތްތަކަށް ކާމިޔާބު ލިބޭނެ ކަމުގައިވެސް ފައްޔާޒު ވަނީ ވިދާޅުވެފައެވެ.
ރިޔާސީ އިންތިޚާބުގެ ދުވަސްވަރު، މިސަރުކާރުގެ ވެރިން ވަނީ ރައްޔިތުންނަށް އެތައް ކަމެއް އޮޅުވާލައި ދޮގު ހަދާފައިކަން މީގެ ކުރިންވެސް އެތައް ފަހަރަކު ފައްޔާޒު ވަނީ ފާހަގަކުރައްވާފައެވެ.
ފައްޔާޒު މިމޭރުމުން މިވާހަކަފުޅު ދެއްކެވީ ސީދާ ކޮންކަމަކާއި ގުޅިގެންކަން ހާމަކުރައްވާފައި ނުވި ނަމަވެސް ސަރުކާރުން ޗައިނާ އާއި އެކު އަޑިނޭނގޭ އެއްބަސްވުންތަކެއް ވެފައިވާކަމުގައި ފައްޔާޒު މީގެ ކުރުން ވަނީ ވިދާޅުވެފައެވެ. އަދި ސަރުކާރުގެ ކުންފުނިތަކުން ގިނަ އަދަދެއްގެ ބަޔަކު ވަޒީފާއިން ވަކިކުރަމުންދާ މައްސަަލަވެސް އެމްޑީޕީން ވަނީ ކުއްވެރިކޮށްފައެވެ.
