Advertisement
ވޭވަށު މެޖިސްޓްރޭޓް ކޯޓު ހުޅުވުން -- ފޮޓޯ: ސްޕްރީމްކޯޓު
ވޭވަށު މެޖިސްޓްރޭޓްކޯޓުގެ އައު އިމާރާތް ހުޅުވައިފި
މުލަކަތޮޅު ވޭވަށު މެޖިސްޓްރޭޓް ކޯޓުގެ އައު އިމާރާތް ހުޅުވައިފިއެވެ.
ވޭވަށު މެޖިސްޓްރޭޓްކޯޓުގެ އައު އިމާރާތް ހުޅުއްވައި ދެއްވީ، އުއްތަމަ ފަނޑިޔާރު އަޙްމަދު މުޢުތަސިމް އަދުނާނާއި، ސްޕްރީމްކޯޓުގެ ފަނޑިޔާރު، ޑރ. އަޒްމިރާލްދާ ޒާހިރެވެ.
ކޯޓުގެ އައު އިމާރާތް ހުޅުއްވައި ދެއްވުމަށްފަހު އެބޭފުޅުން ވަނީ، ކޯޓު އިމާރާތް ބައްލަވާލައްވާފައެވެ.
ވޭވަށު މެޖިސްޓްރޭޓް ކޯޓު އިމާރާތް ކުރައްވާފައިވަނީ ސަރުކާރުގެ ބަޖެޓުން ޚަރަދުކުރައްވައިގެންނެވެ. އެ އިމާރާތުގެ މަސައްކަތް ނިމިފައި ވަނީ ހުސްވި އަހަރުގެ އޮގަސްޓްމަހުގައެވެ.
އުއްތަމަ ފަނޑިޔާރު މުޢުތަސިމް އަދުނާނާއި އެކޯޓުގެ ފަނޑިޔާރުން މުލަކަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން ވަނީ، އެއަތޮޅު ކޮޅުފުއްޓާއި، ރަތްމަންދޫ އަދި މަޑުއްވަރީއަށް ޒިޔާރަތްކުރައްވައި، އެރަށްރަށުގެ މެޖިސްޓްރޭޓްކޯޓުތަކުގައި މަސައްކަތް ކުރައްވާ މުވައްޒަފުންނާއިވެސް ބައްދަލުކުރައްވާފައެވެ.
