ޢަލީ ޙުސައިން ހުށައެޅުއްވި މައްސަލައިގައި ވިދާޅުވެފައި ވަނީ، ޤާނޫނު އަސާސީއަށް ގެނެސްފައިވާ 6 ވަނަ އިސްލާޙް ޤާނޫނު އަސާސީ އާއި ޤާނޫނުތަކާއި ޚިލާފު ކަމަށެވެ. މިގޮތުން އެއިސްލާޙް ޤާނޫނު އަސާސީގެ 26 ވަނަ މާއްދާ އާއި، ގާނޫނުއަސާސީގެ 75 ވަނަ މާއްދާ އާއި، 90 ވަނަ މާއްދާއާ ވެސް ފުށުއަރާ ކަމަށްވެސް ޢަލީ ޙުސައިން ހުށައެޅުއްވި މައްސަލައިގައި ފާހަގަކުރައްވާފައި ވެއެވެ.

މައްސަލަ ހުށައެޅި ފަރާތުން ފާހަގަކޮށްފައި ވަނީ، އިސްލާމިކް ބޭންކުން ނަގާފައިވާ 3.8 މިލިއަން ރުފިޔާގެ ލޯނެއް ދެއްކުމަށް މިދިޔަ އަހަރު އޮކްޓޫބަރު މަހު، ހިތަދޫ ކޯޓުން ސިނާނާއި އެހެން ބައެއްގެ މައްޗަށް ޙުކުމް ކޮށްފައި ވާއިރު އެ ޙުކުމުގައި ބަޔާންކޮށްފައިވާ ގޮތަށް ފައިސާ ދައްކަމުން ނުދާ ކަމަށެވެ.

ޤާނޫނު އަސާސީގައި ބަޔާންކޮށްފައިވާ ގޮތުން މަޖިލީހުގެ ވޯޓު ގުނުމާއި ކޯރަމް އަދި ފާސްވާ އަދަދު ކަނޑައެޅުމުގައި ބަލަންޖެހޭނީ މަޖިލީހުގެ ޖުމުލަ މެމްބަރުންގެ އަދަދަށެވެ. އެއަދަދަކީ ވަކި އަދަދެއްގެ ގޮތުގައި ޤާނޫނު އަސާސީގައި ކަނޑައަޅާފައެއް ނުވެއެވެ.

ކުރީގެ ރައީސް، މުޙައްމަދު ނަޝީދުގެ ވެރިކަމުގައި، އެމަނިކުފާނު ވަނީ، ރައްޔިތުންގެ މަޖިލީހުން މާލިއްޔަތުގެ ޤާނޫނަށް ގެނައި އިސްލާޙެއް ތަސްދީޤު ނުކުރައްވައި އަނބުރާ މަޖިލީހަށް ފޮނުއްވާ ލެއްވުމަށްފަހުގައި އަލުން މަޖިލީހުން އެބިލް ފާސްކުރުމުންވެސް ތަސްދީޤު ނުކުރައްވައި ހިފަހައްޓަވާފައެވެ. އެމައްސަލައިގައި އޭރުގެ އިދިކޮޅު ފަރާތްތަކުން، ދިވެހިރާއްޖޭގެ ސްޕްރީމްކޯޓަށް ހުށައެޅި މައްސަލައިގައި، 10 ޑިސެމްބަރު 2010ގައި ކުރެއްވި ޙުކުމްގައި ބުނެފައި ވަނީ، ލަސްކުރުމަކާއި ނުލައި ރައީސުލްޖުމްހޫރިއްޔާ ބިލް ތަސްދީޤުކުރައްވަން ވާނެ ކަމަށެވެ.

ސްޕްރީމްކޯޓުން މިއަމުރު ނެރުނީ، ހައިކޯޓުގެ އަމުރު މިއަދު ދައުލަތުގެ ފަރާތުން ސްޕްރީމްކޯޓުގައި އިސްތިޢުނާފް ކުރުމުންނެވެ.ސްޕްރީމްކޯޓުގެ އަމުރުގައި ބުނެފައި ވަނީ، ހައިކޯޓުން ނެރުނު ވަގުތީއަމުރަށް އަމަލުކޮށްފިނަމަ، ދައުލަތަށް އެކަމުގެ ސަބަބުން ލިބިދާނެ ގެއްލުންތައް އިންތިހާއަށް ބޮޑުކަމަށް ފެންނާތީ ކަމަށެވެ.

ސްޕްރީމްކޯޓުން ހާމަކޮށްފައިވާ ގޮތުގައި، ކުރިން އެމަޤާމުގައި ހުންނެވި، ޢާއިޝާ ޝުޖޫންގެ ބަދަލުގައި އެމަޤާމަށް ފަނޑިޔާރު ޙުސްނު ސުޢޫދު ހަމަޖެއްސެވީ، ސުޕްރީމްކޯޓުގެ ފަނޑިޔާރުންގެ މެދުގައި މަޝްވަރާކުރެއްވުމަށްފަހުގައި އެކަން އެގޮތަށް ހަމަޖެއްސެވުމަށް އެބޭފުޅުންނަށް ފެނިވަޑައިގެންނެވެ.

ރައީސުލްޖުމްހޫރިއްޔާ ޢަޒުލްކުރުމުގެ އިޖުރާއަތްތައް ފަސޭހަވެގެންދާ ގޮތަށް މަޖިލީހުގެ ޤަވާއިދަށް ގެނައި އިސްލާޙަަށް ޢަމަލުކުރުން ހުއްޓުވުމަށް ދިވެހިރާއްޖޭގެ ސުޕްރީމްކޯޓުން މިއަދު ވަގުތީ އަމުރެއް ނެރުއްވާފައި ވަނީ އެކޯޓުގެ ބެންޗުގައި ތިއްބެވި 5 ފަނޑިޔާރުންގެ ތެރެއިން 2 ފަނޑިޔާރުންގެ އަޣުލަބިއްޔަތުންނެވެ.

މިމައްސަލަ ސްޕްރީމްކޯޓަށް ހުށައަޅާފައި ވަނީ، ހުސްވި ހަފްތާގެ އާދިއްތަ ދުވަހުގައެވެ. މައްސަލަ ބަލައިގަނެ ރަޖިސްޓްރީކޮށްފައި ވަނީ މިއަދުއެވެ.

އުއްތަމަ ފަނޑިޔާރު އަޙްމަދު މުޢުތަސިމް އަދުނާނު ވިދާޅުވީ، މަދަނީ މައްސަލަތަކުގައި ވަކީލަކު އައްޔަނުކުރުމުގެ ޤާބިލްކަން ނެތުމުގެ ސަބަބުން އެފަރާތްތަކުގެ ޙައްޤުތައް ގެއްލިގެންދާ ކަމަށެވެ. އެހެންކަމުން އެފަދަ ފަރާތްތަކަށްވެސް ޤާނޫނީ އެހީތެރިކަން ފޯރުކޮށްދެވޭނެ ދެމެހެއްޓެނިވި ނިޒާމެއް އޮތުމަކީ މުހިއްމު ކަމެއްގެ ގޮތުގައި އެމަނިކުފާނު ފާހަގަކުރެއްވިއެވެ.

އުއްތަމަ ފަނޑިޔާރުގެ ވާހަކަފުޅުގައި ކުރިމިނަލް ކޯޓަށް ދިމާވެފައިވާ ދަތިތަކާއި އެކު ޖިނާޢީ އަދުލުގެ ނިޒާމަށް ކުރާ އަސަރުގެ މައްޗަށް އަލިއަޅުއްވާ ލައްވައި އެކަމުގެ ކަންބޮޑުވުން ފާޅުކުރެއްވިއެވެ. މިގޮތުން އުއްތަމަ ފަނޑިޔާރުގެ ވާހަކަފުޅުަގައި ކުރިމިނަލް ކޯޓުެގެ އިމާރާތް ބާވުމުގެ ސަބަބުން އެކޯޓުގެ މަސައްކަތްތަކާއި ޝަރީއަތްތައް ހުއްޓިފައިވާ ކަމުގައި ވިދާޅުވިއެވެ.

ޤަޟާއީ އަހަރު އިފްތިތާޙްކުރުމުގެ ރަސްމިއްޔާތު ބޭއްވުމުގެ އެންމެ މުހިންމު އެއް މަޤްޞަދަކީ، ފާއިތުވި އަހަރުގެ ތެރޭގައި ޝަރުޢީ ދާއިރާއިން ކަނޑައެޅި ލަނޑުދަނޑިތަކުގެ ތެރެއިން ހާސިލުވީ މިންވަރު ދެނެގަނެ ފެށޭ އަހަރަށް ލަނޑުދަނޑިތައް ކަނޑައެޅުމެވެ. މިރަސްމިއްޔާތުގައި ވަނީ ޝަރުޢީ ދާއިރާއަށް 35 އަހަރަށްވުރެ ދިގުމުއްދަތެއްގައި ޚިދުމަތްކުރައްވާފައިވާ މުވައްޒަފުންނަށް އެބޭފުޅުންގެ އަގުވަޒަންކުރުމުގެ ގޮތުން ހަނދާނީ ފިލާ އަރުވާފައެވެ. އެ ބޭފުޅުންނާ ހަނދާނީ ފިލާ ހަވާލުކޮށްދެއްވީ ރައީސުލްޖުމްހޫރިއްޔާ ޑޮކްޓަރ މުޢިއްޒެވެ.

ވޭވަށު މެޖިސްޓްރޭޓްކޯޓުގެ އައު އިމާރާތް ހުޅުއްވައި ދެއްވީ، އުއްތަމަ ފަނޑިޔާރު އަޙްމަދު މުޢުތަސިމް އަދުނާނާއި، ސްޕްރީމްކޯޓުގެ ފަނޑިޔާރު، ޑރ. އަޒްމިރާލްދާ ޒާހިރެވެ.

މިޙުކުމް އިއްވާފައި ވަނީ އެމައްސަލަ ބެއްލެވި ފަސް ފަނޑިޔާރުންގެ އިއްތިފާޤުންނެވެ. މިމައްސަލައިގެ ޙުކުމް އިއްވުމަށް ބޭއްވި ޝަރީޢަތުގެ މަޖިލިސް ބާއްވާފައި ވަނީ މިއަދު ހަވީރުގައެވެ. ފަނޑިޔާރުންގެ މަޖިލީހުގެ ރިޔާސަތު ބެލެހެއްޓެވީ ފަނޑިޔާރު މަހާޒު އަލީއެެވެ.