ޖުޑީޝަލް ސަރވިސް ކޮމިޝަނުގައި، ސްޕްރީމް ކޯޓުގެ ފަރާތުން އިންނަވާ ފަނޑިޔާރަކަށް ފަނޑިޔާރު ހުސްނު ސުޢޫދު ސުޕްރީމްކޯޓުން ހަމަޖައްސަވައިފިއެވެ.

ސްޕްރީމްކޯޓުން ހާމަކޮށްފައިވާ ގޮތުގައި، ކުރިން އެމަޤާމުގައި ހުންނެވި، ޢާއިޝާ ޝުޖޫންގެ ބަދަލުގައި އެމަޤާމަށް ފަނޑިޔާރު ޙުސްނު ސުޢޫދު ހަމަޖެއްސެވީ، ސުޕްރީމްކޯޓުގެ ފަނޑިޔާރުންގެ މެދުގައި މަޝްވަރާކުރެއްވުމަށްފަހުގައި އެކަން އެގޮތަށް ހަމަޖެއްސެވުމަށް އެބޭފުޅުންނަށް ފެނިވަޑައިގެންނެވެ.

ފަނޑިޔާރު ޢާއިޝާ ޝުޖޫން ދިވެހިރާއްޖޭގެ ސްޕްރީމް ކޯޓުގެ ފަނޑިޔާރުންގެ ބެންޗަށް ޢައްޔަނުކުރައްވާފައި ވަނީ، 03 ސެޕްޓެމްބަރު 2019 ގައެވެ. ޖޭއެސްސީއަށް ކަނޑައަޅާ ސްޕްރީމްކޯޓުގެ ފަނޑިޔާރުގެ ގޮތުގައި، ޝުޖޫން ހަމަޖެއްސެވީ، 22 ޑިސެމްބަރު 2019 ގައެވެ. އިއްޔެއާ ހަމައަށް ފަނޑިޔާރު އައިޝާ ޝުޖޫން ޖޭއެސްސީގައި އިންނެވި އިރު، ހުސްވި އަހަރުގެ ޑިސެމްބަރު މަހުގެ 18 ވަނަ ދުވަހު، ޖުޑީޝަލް ސަރވިސް ކޮމިޝަންގެ ނައިބު ރައީސާގެ މަޤާމަށްވެސް އެކޮމިޝަނުން ޝުޖޫން ހަމަޖައްސަވާފައިވެއެވެ.