Advertisement
ލިޓަސް އޮޓޯ މޮބައިލްސްއިން އެމްއެންޑީއެފަށް ހަދިޔާކުރި ސައިކަލުތައް -- ފޮޓޯ: އެމްއެންޑީއެފް
ލިޓަސްއިން އެމްއެންޑީއެފަށް 3 ސައިކަލު ހަދިޔާކޮށްފި
ލިޓަސް އޮޓޯމޯބައިލްސްގެ ސީއެސްއާރުގެ ދަށުން އެމްއެންޑީއެފް މާލެ އޭރިއާ ކޮމާންޑަށް ހައުޖިއު ބްރޭންޑްގެ ތިން ސައިކަލް ހަދިޔާކޮށްފިއެވެ.
އެމްއެންޑީއެފުން ވިދާޅުވީ، ލިޓަސް އޮޓޯ މޯބައިލްގެސް ހެޑް އޮފީހުގައި މިއަދު ބޭއްވި ޚާއްޞަ ރަސްމިއްޔާތެއްގައި މި ސައިކަލްތައް އެމްއެެންޑީއެފާއި ހަވާލުކޮށްދެއްވީ ލިޓަސް އޮޓޯމޯބައިލްސްގެ ޖެނެރަލް މެނޭޖަރ، އަޙްމަދު ޒާހިރުކަމަށެވެ. އެމްއެންޑީއެފް މާލެ އޭރިއާ ކޮމާންޑްގެ ފަރާތުން ސައިކަލްތަކާ ހަވާލުވެލެއްވީ މާލެ އޭރިއާ ކޮމާންޑްގެ ކޮމާންޑަރ، ބްރިގޭޑިއަރ ޖެނެރަލް އިބްރާހީމް ރަޝީދެވެ.
އެމްއެންޑީއެފުން ވިދާޅުވާ ގޮތުގައި، މި ސައިކަލްތައް ބޭނުން ކުރުމަށް ހަމަޖެހިފައި ވަނީ އެމްއެންޑީއެފް މާލެ އޭރިއާ ކޮމާންޑްގެ ކޮމްޕޯނަންޓްތަކުގެ އޮޕަރޭޝަނަލް ބޭނުންތަކަށެވެ.
ލިޓަސް އޮޓޯ މޯބައިލްސްއިން މާލެ އޭރިއާ ކޮމާންޑަރ ހަދިޔާ ކުރައްވާފައިވަނީ ހައުޖިއު ޓީއާރު 150އެސްގެ ނޫ ކުލައިގެ ތިން ސައިކަލުކަމަށްވެސް އެމްއެންޑީއެފުން ހާމަކުރައްވާފައި ވެއެވެ.
