އަޑުގެ ބާއްޖަވެރި ހެނދުނެއް ޕްރޮގްރާމަކީ، ދިވެހިރާއްޖޭގެ އަޑުން މެދުކެނޑުމެއްނެތި ގެނެސްދެމުންގެންދާ ޕްރޮގްރާމްތަކުގެ ތެރެއިން އެންމެ ދުވަސްވީ އެއް ޕްރޮގްރާމެވެ. މިއަދުގެ ޕްރޮގްރާމަކީ، ދިވެހިރާއްޖޭގެ އަޑުގެ61 ވަނަ އަހަރީދުވަހުގެ މުނާސަބަތުގައި ގެނެސްދިން ޚާއްޞަ ޕްރޮގްރާމެކެވެ.

ދަ ޑިމޮކްރެޓްސް ރަޖިސްޓްރީވެ އަދި މެމްބަރުން ޕާޓީއަށް ސޮއެކުރެއްވުމާއި އެކު، ރައްޔިތުންގެ މަޖިލީހުގެ މައިނޯރިޓީޕާޓީގެ މަޤާމު ދަ ޑިމޮކްރެޓްސްއަށް ލިބި، މައިނޯރިޓީ ލީޑަރުގެ މަޤާމު ލިބިވަޑައިގަތީ، ކުރީގެ ރައީސް އިބްރާހީމް މުޙައްމަދު ޞާލިހަށާއި، އެމްޑީޕީއަށް އެންމެބޮޑަށް ފާޑު ވިދާޅުވަމުން ގެންދެވި، ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު ޢަލީ އާޒިމަށެވެ.

އެކަމާއި ގުޅިގެން އެމްޑީޕީގެ ޗެއާ ޕާސަން ފައްޔާޒު އިސްމާޢީލް އެކްސްގައި ލިޔުއްވި ޕޯސްޓްގައި ވިދާޅުވީ، މިރޭ އެމްޑީޕީއާ ވަކިވެ ދިޔަ މަޖްލިސް މެމްބަރުން ޕާޓީގައި ކޮށްދެއްވި މަސައްކަތަށް ޝުކުރު ދަންނަވާ ކަމަށެވެ. އަދި މިދަނޑިވަޅު ރާއްޖޭގައި ހުދުމުހުތާރުކަން އާލާވިޔަ ނުދިނުމަށް ކުރަންޖެހޭ މަސައްކަތައިގެން މާތް الله ގެ ވާގިފުޅާއެކު އެމްޑީޕީ ދާނީކުރިއަށް ކަމުގައިވެސް ފައްޔާޒު ވިދާޅުވިއެވެ.

ޝާހިދު ވިދާޅުވީ، އެމް.ޑީ.ޕީ އަކީ ޑިމޮކްރެޓިކް އުސޫލުތަކުގެ މައްޗަށް ބިނާކޮށް ދިވެހިރައްޔިތުންގެ އުންމީދުތައް ޙާސިލުކޮށް ދިނުމަށް އުފެދި ކުރިއަށްދާ ރާއްޖޭގެ އެންމެ ދުވަސްވީ އެންމެ ފަޚުރުވެރި ޕާޓީކަން މިއަދުވެސް ހަނދާން އެމަނިކުފާނު ހަނދުމަފުޅުކުރައްވާ ކަމަށެވެ. އަދި އެ ޕާޓީ ވަނީ އުފަލާއި ހިތާމަޔާ، ކާމިޔާބީއާއި ނާކާމިޔާބީ ވެސް ތަޖުރިބާކޮށްފައިކަން ޝާހިދު ފާހަގަކުރެއްވިއެވެ.

ޝަރީފް ވިދާޅުވީ، ރައްޔިތުންގެ ވަރަށް ތަނަވަސް އަޣުލަބިއްޔަތަކުން ވެރިކަމަށް ގެނައި، ބޭފުޅަކު މަޤާމުން ވަކިކުރަން އުޅޭ ގޮތަކީ އޭނާއަށް ޤަބޫކު ކުރެއްވޭ ގޮތެއް ނޫން ކަމަށާއި، އަދި އެކަންކަމުގެ ސަބަބުން ގައުމު ހަލަބޮލިވެގެން ހިނގައިދާނެކަން އޭނާ ފާހަގަކުރެއްވިއެވެ.

ޕީއެންސީއަށް ގުޅިވަަޑައިގެންނެވި، އެމްޑީޕީގެ މެމްބަރުންނަށް ތަޢުރީފްކުރައްވައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވީ، އެބޭފުޅުން އެ ޚިޔާރު ކުރެއްވީ ޤައުމުކަމަށާއި އެކަމަށް ފަށްފަށުން ޝުކުރުދަންނަވާ ކަމަށެވެ. އަދި މަޖިލީހުގެ އިތުރު މެމްބަރުން ޤައުމީ ސަފަށް ވަޑައިގަންނަވާނެކަމަށް އުއްމީދުކުރައްވާކަމުގައިވެސް އެމަނިކުފާނު ވިދާޅުވިއެވެ.

އަބްދުއްރަހީމް ވިދާޅުވީ، ފެހި ޤާނޫނު އަސާސީގެ ދަށުން އުފެދިގެން އައި ކޮންމެ ވެރިކަމެއްގައިވެސް އޭރު އޮތް ރައްޔިތުންގެ މަޖިލީހުން ރުހުން ދިން ކަމަށެވެ. އަދި މިސަރުކާރުގެ ވަޒީރުންނަށް ރުހުން ދިނުން އެމްޑީޕީގެ މެޖޯރިޓީ އޮތް މަޖިލީހުން ފަސްކުރަމުން ދަނީ ކަންކަން ހަޖަމު ނުވެގެން ކަމުގައިވެސް އަބުދުއްރަހީމް ވިދާޅުވިއެވެ. މީގެ އިތުރުން އަބުދުއްރަހީމް ވިދާޅުވީ، ރުހުން ދެންޏާ ދޭންވީ ކަމަށާއި، ރުހުން ނުދިނަސް އެންމެ ރަނގަޅުކަމަށާއި އަދި އެވަރަކުން ރުހުން ހޯއްދަވަން ނުވެސް އުޅުއްވާ ކަމަށެވެ.

މި މެމްބަރުންގެ ތެރެއިން ބައެއް މެމްބަރުން މިރޭގެ ޖަލްސާގައި ބައިވެރިވަޑައި ނުގަންނަވައެވެ. މިރޭގެ ޖަލްސާގައި ޕީޕީއެމްއަށް ސޮއެކުރެއްވި މެމްބަރުން ވަނީ އެމެމްބަރުންގެ މެމްބަރޝިޕް ފޯމް ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި ހަވާލުކޮށްފައެވެ.

މިހާރު ދަރުބާރުގޭގައި ކުރިޔަށްދާ، ޕީޕީއެމް ޕީއެންސީ ޖަލްސާގައި ވާހަކަފުޅު ދައްކަވަމުން، އެޕާޓީގެ ޗެއާ ޕާސަން އަދި ސްޕެޝަލް އެޑްވައިޒަރ ޓު ދަ ޕްރެޒިޑެންޓް، ޢަބްދުއްރަޙީމް ޢަބްދުﷲ ވިދާޅުވީ، 1 އޮކްޓޫބަރުގައި ޕީޕީއެމް ޕީއެންސީއަށް، ރިޔާސީ އިންތިޚާބު ކާމިޔާބު ކުރެވުނު އިރު، ޕީއެންސީގެ މެމްބަރުންގެ ގޮތުގައި ތިބީ، 3022 މީހުންކަމަށެވެ. އެހެންނަމަވެސް މިރެއާ ހަމައަށް އައިރު، ޕީއެންސީގެ ދަފްތަރުގައި ރަޖިސްޓްރީވެފައިވާ މީހުންގެ އަދަދު 40،000 ވުރެ ގިނަ ކަމަށެ

މޯލްޑިވްސް ފިޝަރީޒް އިންޑަސްޓްރިއަލް ކޮމްޕެނީ ލިމިޓެޑް (މިފްކޯ) ބޯޑުގައި މަސްވެރިން ތަމްސީލް ކުރާނެ މަސްވެރިއަކު ބޯޑު މެމްބަރެއްގެ ގޮތުގައި އައްޔަނުކުރުަމަށްޓަކައި، އެކަމަށް ޝައުޤުވެރިކަން ފާޅުކުރުމަށް ފުރުޞަތު ހުޅުވާލާފައި ވަނީ މިއަދުއެެވެ.

މިނިސްޓަރ އޮފް އިސްލާމިކް އެފެއާޒް ޑރ. މުޙައްމަދު ޝަހީމް ޢަލީ ސައީދު ވިދާޅުވީ، އެ ޓީވީތަަކަކީ، ޚުޠުބާ ކިޔަން ހުންނަ ޚަޠީބު އިސްލާމީ މަރުކަޒުގެ އެކި ފަންގި ފިލާތަކުގައި ތިބޭ މީހުންނަށް ފެންނާނޭ ގޮތް ހެދުމަށްޓަކައި ގަނެގެން ގެނައި ޓީވީތަކެއް ކަމަށެވެ. އަދި އެމަޝްރޫޢު ނިމޭއިރު، ޓީވީތައް މެދުވެރިކޮށް އިޝާރާތުގެ ބަހުން ގެސްދޭ ތަރުޖަމާވެސް އެކި ފަންގިފިލާތަކުގައި ތިބޭ ޚާއްޞަ އެހީއަށް ބޭނުންވާ މީހުންނަށް ފެންނާނޭ ގޮތް ހަދާނޭކަމުގައި އެމަނިކުފާނު ވިދާޅުވިއެވެ.

2024 ވަނަ އަހަރުގެ އެލައިޑް އިންޝުއަރެންސްގެ ކަލަންޑަރު ނެރެފިއެވެ. އެލައިޑުން ބުނީ އަންނަ އަހަރަށް އެ ކުންފުނިން ނެރެފައިވާ ކަލަންޑަރު ފަރުމާކޮށްފައިވާނީ އެއްފަހަރަށްވުރެ ގިނަ ފަހަރު ބޭނުންކޮށް ކުނީގެ ގޮތުގައި އުކާލާ އަދަދު މަދުކުރުމަށްކަމަށެވެ.

ޕްރައިވަޓައިޒޭޝަން އެންޑް ކޯޕަރޭޝަން ބޯޑް (ޕީސީބީ)އިން ވަނީ، ކުންފުނިތަކުގެ ބޯޑުތަކަށް ގެނައި ބަދަލުތަކާއި ގުޅޭ މައުލޫމާތު މިއަދު ހާމަކޮށްފައެވެ. މިގޮތުން، ނޮން-އެކްޒެކެޓިވް ޑިރެކްޓަރުން އައްޔަނުކުރެއްވި ކުންފުނިތަކުގެ ތެރޭގައި ހިމެނެނީ، އެމްޕީއެލް، އެމްއޭސީއެލް، ސްޓެލްކޯ، އެމްޓީސީސީ، ފެނަކަ، އެމްއައިޓީޑީސީ، އާސަންދަ ކުންފުނި، ފަހި ދިރިއުޅުން ކޯޕަރޭޝަން، އެމްޓީޑީސީ، އެމްޑަބްލިއުއެސްސީ އިތުރުން ރީޖަނަލް އެއާޕޯޓްސްއެވެ. އައު ބޭފުޅުން އައްޔަނުކުރެއްވި ކުރީ ސަރުކާރުގައި އެމަޤާމުތަކަށް އައްޔަނުކުރައްވާފައިވާ މެމްބަރުން ވަކިކުރެއްވުމަށްފަހުގައެވެ.

ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި، އޮފީހުގެ ޗީފް ސްޕޯކްސްޕަރސަން މުޙައްމަދު ޝަހީބު ވިދާޅުވީ، މިހާތަނަށްވެސް ރާއްޖޭގައި ތިބި އިންޑިއާ ސިފައިންގެ ސީދާ އަދަދު ކަށަވަރު ނުވާކަމަށެވެ. ރާއްޖޭގައި ތިބީ އިންޑިއާގެ 89 ސިފައިން ކަމުގައި އެންމެ ފަހުން ސަރުކާރުން ބުނެފައި ވާއިރު އެއަދަދަށް އުނި އިތުރު އަތުވެދާނެކަމުގައިވެސް ޝަހީބު ވިދާޅުވިއެވެ.

ޝަހީބު ވިދާޅުވީ، ރައީސް ޔާމީނަށް އިތުރު ލުއިތަކެއް ނުލިބޭނަމަ އެމަނިކުފާނާއި، ރައީސުލްޖުމްހޫރިއްޔާ ޑރ. މުހައްމަދު މުއިއްޒު ބައްދަލު ނުކުރައްވާނެ ކަމަށެވެ.