ޕީއެންސީގެ މަޖިލިސް ޕްރައިމަރީގައި ބައެއް ކެނޑިޑޭޓުންނަށް ފުރުޞަތު ނުދިނުމުން ހައިޖާނު ބޮޑުވެއްޖެ

ޕީއެންސީގެ މަޖިލިސް ޕްރައިމަރީގައި ވާދަކުރަން ބޭނުންވެ ފޯމް ހުށައެޅި ބައެއް ކެންޑިޑޭޓުންގެ ކެންޑިޑެންސީ ބަލައި ނުގަތުމަށް ނިންމައި، އެކެނޑިޑޭޓުންނަށް، ޕީއެންސީގެ ޗެއާ ޕާސަން ޢަބުދުއްރަހީމް ޢަބުދުﷲ ސޮއިކުރައްވައި މިއަދު ވަނީ ސިޓީ ފޮނުވަން ފައްޓަވާފައެވެ. އެހެން ނަމަވެސް ކެންޑިޑެންސީ ބަލައި ނުގަތުމަށް ނިންމީ ކިތައް މެމްބަރުންގެ ކަމެއް އެޕާޓީން ހާމަކޮށްފައެއް ނުވެއެވެ. ކެންޑިޑެންސީ ބަލައި ނުގަންނަ ކަމުގެ ސިޓީ ލިބުނު ބައެއް މީހުން ވަނީ އާދިއްތަ ދުވަހުގެރޭ، ޕީއެންސީގެ އޮފީހަށް ވަދެ ނުރުހުން ފާޅުކޮށްފައެވެ.