Advertisement
ރައީސް ޔާމީނާއި ޕީއެންއެފް އުފެއްދެވުމުގައި އިސްކޮށް މަސައްކަތް ކުރައްވާ ބޭފުޅުން ---
ރައްޔިތުންގެ މަޖިލީހުން އިލެކްޝަން ކޮމިޝަން ޖަވާބުދާރީ ކުރުވަން ޖެހޭ - ރައީސް ޔާމީން
ރައްޔިތުންގެ މަޖިލީހުގެ ނިންމުން ތަންފީޒް ވާންޖެހޭ ކަމަށާއި، އެކަމާއި އިލެކްޝަންސް ކޮމިޝަންގެ މެމްބަރުން ދެކޮޅު ހައްދަވާނަމަ، އެ އެމެމްބަރުން ޖަވާބުދާރީ ކުރުވަން ޖެހޭ ކަމުގައި ކުރީގެ ރައީސް ޢަބުދުﷲ ޔާމީން ޢަބުދުލްޤައްޔޫމް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، އެމަނިކުފާނުގެ ފަރާތްޕުޅުން އުފެއްދެވުމަށް މަސައްކަތް ކުރައްވަމުން ގެންދަވާ ސިޔާސީ ޕާޓީ، ޕީއެންއެފްގެ އޮފީހުގައި ރޭ ބޭއްވި ބައްދަލުވުމުގައި ރައްޔިތުންގެ މަޖިލީހުގެ އިންތިޚާބަށް އެމަނިކުފާނު ތާއީދު ކުރައްވައިގެން ވާދަކުރައްވާ ބޭފުޅުންނާއި އެކު ބޭއްވި ބައްދަލުވުމެއް ގައެވެ.
ޕީއެންއެފްގެ އޮފީހުގައި ރޭ ބޭއްވި ބައްދަލުވުމުގައި، މެމްބަރުން ދެންނެވި ސުވާލަށް ޖަވާބު ދެއްވަމުން، ކުރީގެ ރައީސް ޔާމީން ވިދާޅުވީ، ރޯދަމަސް ނިމި 10 ދުވަސް ފަހުން އިންތިޚާބު ބާއްވާގޮތަށް ޤާނޫނަށް ގެނައި ބަދަލު ތަންފީޒްވާން ޖެހޭ ކަމަށެވެ. އަދި އިލެކްޝަންސް ކޮމިޝަންގެ މެމްބަރުންނަށް މަޖިލީހުގެ ނިންމުމަށް އަމަލު ނުކޮށް، މަޖިލީހުގެ އިންތިޚާބުގެ ކަންކަން ނިންމެވުމަށް އިލެކްޝަންސް ކޮމިޝަންގެ މެމްބަރުންގެ ގޮތުގައި ތިއްބެވިގެން ނުވާނެ ކަމަށާއި މަޖިިލީހުން އެމެމްބަރުން ޖަވާބުދާތީ ކުރުވަން ޖެހޭ ކަމުގައިވެސް ރައީސް ޔާމީން ވަނީ ވިދާޅުވެފައެވެ.
ރައްޔިތުންގެ މަޖިީހުގެ އިންތިޚާބު ރޯދަމަހުގެ ފަހުން ބޭއްވުމަށް، އާއްމު އިންތިޚާބާިއ ބެހޭ ޤާނޫނަށް ރައްޔިތުންގެ ގެ މަޖިލީހުން އިސްލާޙް ގެނެސްފައިވާ އިރު، އެބިލް ތަސްދީޤު ކުރުމަށް މިއަދަކީ، ރައީސުލްޖުމްހޫރިއްޔާއަށް ލިބިވަޑައިގަންނަވާ އެންމެ ފަހު ދުވަހެވެ. އެހެން ނަމަވެސް އެބިލް އަދި އެމަނިކުފާނު ތަސްދީޤެއް ނުކުރައްވައެވެ.
ރައްޔިތުންގެ މަޖިލީހާއި ސިޔާސީ ޕާޓީތަކުން ކަންބޮޑުވެފައި ވަނީ، ރޯދަ މަހުގެ ތެރޭގައި މަޖިލިސް އިންތިޚާބު ބޭއްވުމަށް އިލެކްޝަންސް ކޮމިޝަނުން ކަނޑައަޅާފައިވާތީއެވެ. ބުރާސްފަތި ދުވަހު ބޭއްވި އެމްޑީޕީން ބޭއްވި ނޫސްވެރިންގެ ބައްދަލުވުމުގައި، ރައްޔިތުންގެ މަޖިލީހުގެ ނައިބު ރައީސް އަދި ހޯރަފުށީ ދާއިރާގެ މެމްބަރު އަޙްމަދު ސަލީމް ވިދާޅުވީ، ރޯދަމަހުގެ ފަހުން އިންތިޚާބު ބޭއްވެން ނެތްކަމަށް ބުނެ އިލެކްޝަންސް ކޮމިޝަނުން ދައްކަނީ ބަހަނާއެއް ކަމަށެވެ.
ރައްޔިތުންގެ މަޖިލީހުގެ އިންތިޚާބު، ރޯދަމަހުގެ ތެރޭގައި ބޭއްވުމަށް، އިލެކްޝަންސް ކޮމިޝަނުން ނިންމާފައިވަނީ، އެގޮތް ސަރުކާރުން ބޭނުން ވެގެން ކަމުގައި ސިޔާސީ އެހެން ޕާޓީތަކުންނާއި ލީޑަރުން ތުހުމަތު ކުރައްވައެވެ.
