ބާރަށުގެ އިކޯ ޓޫރިޒަމް މަޝްރޫއު އިންޓަރަނޭޝަނަލް ބިޑަށް ހުޅުވާލައިގެން ކުރިޔަށްގެންދަވާނެ ކަމުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. މި މަޝްރޫއަކީ އިޤްތިޞާދީ ގޮތުން ބަލާއިރުގައި، ރަށުގެ ތަރައްޤީއަށް އެންމެ ފައިދާ ހުރި މަޝްރޫއުކަމުގައި ވެސް ރައީސް ވިދާޅުވެފައިވެއެވެ. 

އަދި މިއީ ރިޔާސީ ކެމްޕެއިންގައި ބާރަށު ރައްޔިތުން އެ މަނިކުފާނު ވެވަޑައިގެންނެވި ވައުދެއްކަމަށާއި، އެކަންކަން ފުއްދުމަށް ރެއާއި ދުވާލު މަސައްކަތް ކުރާނެ ކަމުގައި ރައީސުލް ޖުމްހުރިއްޔާ ވިދާޅުވެފައިވެއެވެ.

ރައީސުލްޖުމްހޫރިއްޔާ ވިދާޅުވީ އެމަޝްރޫޢު އެމަނިކުފާނު ވަޢުދުވެވަޑައިގެންފައިވާ ގޮތަށް ކުރިއަށް ގެންދަވާނެކަމަށެވެ. އަދި މަޝްރޫޢު ކުރިއަށްދާއިރު ރަށުގައި ވެހިކަލް ދުއްވުމުގައި ހުރި އުނދަގޫތައް ނައްތާލުމަށް ރިންގު ރޯޑެއްވެސް ތަރައްޤީ ކުރެވިގެންދާނެކަމުގައެވެ. 

މި މަޝްރޫއުތައް ހަލުވި ސްޕީޑެއްގައި ކުރިޔަށް ގެންދިއުމަށް ކުރިއަށް މިއޮތް މަޖިލިސް އިންތިހާބުގައި އެ މަނިކުފާނުގެ ޕާޓީއަށް ވޯޓު ދެއްވުމަށް ވެސް އިދެވަޑައިގެންނެވިއެވެ. މި މައުޟޫއުގައި ރައީސް އިތުރަށް ދެންނެވީ، މިހާރުގެ މަޖިލީހުން އެ މަނިކުފާނާއި ކެބިނެޓަށް ޖެއްސުންކުރާ ކަމަށާއި، އެކަނ ނިމުމަކަށް ގެންނަންޖެހޭ ކަމަށެވެ.