Advertisement
މިނިސްޓަރ އޮފް ސްޕޯޓްސް، ފިޓްނަސް އެންޑް ރެކްރިއޭޝަން، އަބްދުﷲ ރާފިޢު، ފޮޓޯ: ކުޅިވަރާއި ހަށިހެޔޮކަމާ ބެހޭ ވުޒާރާ
ގައުމީ ފެންވަރުގެ މޮޅެތި އެތުލީޓުން ބިނާކުރުމުގެ ދުރުރާސްތާ ޕްލޭންގެ ޑްރާފްޓު އިފްތިތާހުކޮށްފި
ރާއްޖޭގެ އެތުލީޓުންނަކީ ގާބިލް އަދި ހުނަރުވެރި އެތުލީޓުން ތަކަކަށް ހެދުމުގެ މަގުސަދުގައި، އެކަމަށް ހާއްސަ އިސްތިރާޖީ ޕްލޭނެއްގެ ޑްރާފްޓު އެކުލަވާލައި، އެ ޑްރާފްޓު އިފްތިތާހުކޮށްފިއެވެ.
މިކަމަށްޓަކައި މިއަދު އޮތް ހާއްސަ ރަސްމިއްޔާތުގައި މި ދިގުރާސްތާ ޕްލޭންގެ ޑްރާފްޓު ހުށަހަޅައިދެއްވީ މިނިސްޓަރ އޮފް ސްޕޯޓްސް، ފިޓްނަސް އެންޑް ރެކްރިއޭޝަން، އަބްދުﷲ ރާފިޢުއެވެ.
މި ޑްރާފްޓު އިފްތިތާހު ކުރެއްވުމަށްފަހު މި ރަސްމިއްޔާތުގެ ހާޒިރީންނާއި މުހާތަބު ކުރައްވައި މިނިސްޓަރު ވިދާޅުވީ މިއީ ރާއްޖޭގެ އެތުލީޓުންނަށް ބައިނަލްއަގްވާމީ މައިދާނުގައި ރަން ވަނަތަކެއް ހޯދަން އަމާޒު ހިފައިގެން އެކުލަވާލާ ޕްލޭނެއް ކަމަށެވެ. މިނިސްޓަރު އިތުރަށް ފާހަގަ ކުރެއްވި ގޮތުގައި މި ޕްލޭނާއިއެކު ކުޅިވަރު ކުރިއަރުވައި، އެތުލީޓުންގެ ތަމްރީންތަކާއި، ކުޅިވަރުގެ ސިޔާސަތުތައް ކަނޑައެޅުމަށް ފަސޭހަތަކެއްވެގެން ދާނެއެވެ.
މޮޅެތި އެތުލީޓުން ބިނާ ކުރުމުގެ ދިގުރާސްތާ ޕްލޭންގެ ޑްރާފްޓަކީ ގާތްގަނޑަކަށް މަހެއްހާ ދުވަހުން އެކުލަވާލި ޑްރާފްޓެކެވެ. މި ޑްރާފްޓު މިނިސްޓްރީގެ ވެބްސައިޓުގައި ޝާޢިއުކޮށްފައި ވެއެވެ.
