މުހައްމަދު ތަކުރުފާނުގެ ޖިހާދާއި ގުޅިގައިފައިވާ، ހއ. ބާރަށުގައި ހުރި 400 އަހަރަށްވުރެ ގިނަ ދުވަސްވީ ކާނިގަހުގައި ރޯކޮށް އަންދާލައިފިއެވެ.

ބާރަށު ކައުންސިލްގެ ނައިބު ރައީސް ޢަލީ ރަމީޒު ވިދާޅުވީ، ގަހުގައި ބަޔަކު ގަސްތުގައި ރޯކޮށްލީ ކަމަށް ވަރަށް ބޮޑަށް ބެލެވޭ ކަމަށެވެ. ގަހުގައި ރޯވެފައި ހުއްޓައި ފެނުނީ، ރަށުތެރެ ޕެޓްރޯލް ކުރަމުން ދިޔަ ފުލުހުންނަށް ރޭ މެންދަމުން އަލިވެ 3:00 ޖަހައި އެހާކަންހާއިރު ކަމަށާއި، ފުލުހުުންނާއި އާއްމު ރައްޔިތުން ގުޅުގެން ކުރި މަސައްކަތުން، ގަހުގައި ރޯވެފައި ހުރި އަލިފާން ނިވާލެވުނީ، މިއަދު ހެނދުނު 7 ޖެހިފަހުން ކަމުގައި އަލީ ރަމީޒް ވިދާޅުވިއެެވެ.

ބާރަށުގައި ހުރި އެ ކާނިއަގަހަކީމ މިހާރު އޭގެ އުުމުރުން 500 އަހަރު ފުރުމާއި ގާތްވެފައިވާ ގަހެއް ކަމަށް ބެލެވިފައިވެއެވެ. ތާރީޚު ދިރާސާކުރައްވާ ބޭފުޅުން ވިދާޅުވާ ގޮތުގައި، އަދި ތާރީޚީ ލިޔުންތަކުގައި ފާހަގަކޮށްފައިވާ ގޮތުގައި އެކާނި ގަހަކީ، މުހައްމަދު ތަކުރުފާނު، ޕޯޗުގީޒުންގެ އަތްދޮށުން ރާއްޖެ ސަލާމަތްކުރެއްވުމަށް ބާރަށުގައި ބެންނެވި އޮޑި، ކަޅު އޮއްފުންމީގެ ރިޔާ ވިޔުމަށް ޖެހި ކާނި ކަޑައަކުން ހެދި ބޮޑުވެފައިވާ ގަހެކެވެ.

ކާނިގަސް ކުރިން ހުރި ގޮތް ފެންނަ ފޮޓޯއެއް -- ފޮޓޯ: ނާޖިޙް

ބާރަށުގެ ކައުންސިލްގެ ނައިބުރައީ ޢަލީ ރަމީޒް ވިދާޅުވީ އަލިފާނުެ ހާދިސާގައި އާސާރީ އެގަހުގެ %90 މުޅިން އަނދައިގެން ގޮސްފައިވާ ކަމަށާއި، ގަސް އަލުން ރޯވެ ހެދިދާނެ ކަމުގެ އުއްމީދުވެސް ވަރަށް ކުޑަކަމަށެވެ. އޭނާ ވިދާޅުވީ، ބާރަށުގެ ތާރީޚާއި އަދި ދިވެހިރާއްޖޭގެ ތާރީޚާއި ގުޅިފައިވާ މިފަދަ އާސާރަކަށް މިލިބުނު ބޮޑު ގެއްލުމަކީ، އެކަމާއި މެދު ބާރަށު ކައުންސިލުން އިންތިހާއަށް ކަންބޮޑުވާ ކަމެއް ކަމަށެވެ.