ސްޓެލްކޯއިން ހާމަކޮށްފައިވާ ގޮތުގައި، ކަރަންޓު ކަނޑާލަން ޖެހެނީ އެ ކުންފުނީގެ ހައިވޮލްޓޭޖު ގްރިޑް ނެޓްވޯކުގައި ކޮންމެހެން ކުރަންޖެހޭ މަސައްކަތެއް ކުރުމަށްޓަކައެވެ. އަދި މި މަސައްކަތް ކުރިޔަށްދާއިރު، ހުޅުމާލޭގެ ފުރަތަމަ ފިޔަވައްސާއި ދެވަނަ ފިޔަވަހީގެވެސް ބައެއް ސަރަހައްދުތަކުން ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއްކަމުގައި އެ ކުންފުނިން ހާމަކުރެއެވެ.

ރައްޔިތުންގެ މަޖިލީހުގެ އިއްޔެގެ ޖަލްސާއަށް ފަހުގައި އެމްޑީޕީގެ ޕާލަމެންޓްރީ ގްރޫޕުން ބޭއްްވި ނޫސްވެރިންގެ ބައްދަލުވުމުގައި، އެޕާޓީގެ މަޖިލިސް މެމްބަރުން ވަނީ، ސަރުކާރުގެ ސިޔާސީ މަޤާމުތަކުގެ އަދަދު ހާމަ ނުކޮށް ހިފަހައްޓާތީ އެކަމާއި ގުޅޭ ގޮތުން ކަންބޮޑުވުން ފާޅުކޮށް އެކަން ކުއްވެރިކޮށްފައެވެ.

ކައުންސިލްތަކުން ޚަރަދުތައް ކުޑަކުރެއްވުމަށް މިނިސްޓަރު އެންގެވި އިރު، އަންގާރަ ދުވަހު ބޭއްވި ރައްޔިތުންގެ މަޖިލީހުގެ ޖަލްސާގައި މަޖިލީހުގެ ބައެއް މެމްބަރުން ވަނީ ކައުންސިލްތަކުގެ މުހިއްމު ނޫން ޚަރަދުތައް ކުރަމުންދާކަން ފާހަގަކުރައްވާފައެވެ. މަޖިލީހުގެ ނައިބުރައީސް އަޙްމަދު ނާޒިމްވެސް ބައެއް ކައުންސިލްތަކުން ކުރުމަށް ރާވާފައިވާ މުހިއްމު ނޫން ބައެއް ދަތުރުތަކާއި ކަންކަމާއި ގުޅޭ ވާހަކަތައް ހާމަކުރެއްވިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމަށް، "ފަލަސްޠީނާއެކު ދިވެހީން"ގެ ނަމުގައި ޕީއެސްއެމްއިން ކުރިޔަށް ގެންދިޔަ 18 ގަޑިއިރުގެ ޓެލެތޯނަށް، 19.1 މިލިޔަން ރުފިޔާ ލިބުނު ކަމުގައި އެކުންފުނިން ހާމަކުރައްވާފައި ވެއެވެ.

މީގެ އިތުރުން ރައީސް ވިދާޅުވީ، އޭލެވެލްއަށް ކިޔެވުމަށް އޮތް ފުރުޞަތުތައް ރާއްޖޭގެ ހުރިހާ އަތޮޅެއްގައިވެސް ފުޅާކުރައްވައި، ރަނގަޅު ޓީޗަރުން ބިނާކުރަން މަސައްކަތް ކުރައްވާނެ ކަމަށެވެ. އަދި ގެދޮރުގެ ފުރުޞަތު އިރާދަ ކުރެއްވިއްޔާ ތިޔަ ހުރިހާ ކުދިންނާއި ބެލެނިވެރިންނަށް ލިބޭނެގޮތް ފަހިކުރުމުގެ މަސައްކަތް ފައްޓަވާފައިވާ ކަމުގައިވެސް އެމަނިކުފާނު ވިދާޅުވިއެވެ.

މިއަދު ޢައްޔަނު ކުރެއްވި ސަފީރުންނަކީ، ޕީޕަލްސް ރިޕަބްލިކް އޮފް ބަންގްލަދޭޝްއަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުގެ ގޮތުގައި ސ. ހުޅުދޫ، އަސަރީގެ ޝިއުނީން ރަޝީދު، ރިޕަބްލިކް އޮފް ތުރުކިޔޭއަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުގެ ގޮތުގައި ގަލޮޅު ކަނޑިތޮޅިއާގެ ލެފްޓެނަންޓް ޖެނެރަލް (ރޓ) ޢަބްދުއްރަޙީމް ޢަބްދުއްލަޠީފް އަދި އިސްލާމިކް ރިޕަބްލިކް އޮފް ޕާކިސްތާނަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުގެ ގޮތުގައި ނ. ހޮޅުދޫ އުފަންވެލި އަލްއުސްތާޛު މުޙައްމަދު ޠާހާއެވެ.

މަޖިލީހުގެ އިދާރާއިން މިކަން ހާމަކުރެއްވީ، ރައްޔިތުންގެ މަޖިލީހުގެ މެމްބަރުން މާލީ ބަޔާންތައް ހުށައަޅުއްވާފައި ނުވާކަން ފާހަގަކޮށް ސޯޝަލް މީޑިއާގައި އެކަމުގެ ކަންބޮޑުވުންތައް ފާޅުކޮށްފައި ވަނިކޮށެވެ.

ކުއްލި މައްސަލަ މަޖިލީހަށް ހުށައެޅުއްވި ސަބަބެެއް ކަމުގައި، މީކާއީލް ނަސީމް ފާހަގަކުރެއްވީ، ސަރުކާރުން އެމައުލޫމާތު ހާމަކުރުމަށް ދެކޮޅު ހަދަމުންދާ ކަމެވެ. މީޑިއާތަކުން ތަކުރާރުކޮށް ސުވާލުކޮށްގެންވެސް އަދި ރައްޔިތުންގެ މަޖިލީހުގެ ކޮމިޓީއެއްގައި ކޮމިޓީ މެމްބަރުން އެސުވާލުކޮށްގެންވެސް ސަރުކާރުން އެ މައުލޫމާތެއް ހާމަ ކޮށްފައެއް ނުވެއެވެ. އަދި މަޢުލޫމާތު ހޯދައި ލިބިގަތުމުގެ ޤާނޫނުގެ ދަށުން ފޯމް ހުށައަޅައިގެންވެސް އެމައުލޫމާތު ސަރުކާރުން ނުދިނެވެ.

މި ބޯޓުތައް ރާއްޖެއިން ފުރީ، މިއަދު ހެނދުނު 11:15 ހާއިރުގައެވެ. އިއްޔެ ރާއްޖެއަށް އައިސް ފަނީ އިޓަލީ އަސްކަރިއްޔާގެ ހަނގުރާމަމަތީ ހަތަރު މަތިންދާ ބޯޓާއި އެބޯޓުތަކަށް ބޭނުންވާ ފިއުލް އުފުލާ އެހެންބޯޓެކެވެ.

ސޮވްރިން ޑިވެލޮޕްމަންޓް ފަންޑަކީ، ދައުލަތުގެ ދަރަނިތައް ދެއްކުމަށް ބޭނުންވާ ފައިސާ ޖަމާކުރަމުންދާ ފަންޑެވެ. މިގޮތުން މިފަންޑަށް ޖަމާކުރަމުން ގެންދަނީ، އެއާޕޯޓް ޑިވެލޮޕްމެންޓް ފީ (އޭ.ޑީ.އެފް) އާއި، ކްރޮސް ސަބްސިޑީ މަޝްރޫޢުތަަކަށް ލިބޭ ފައިސާ އެވެ. 19 ވަނަ ރައްޔިތުންގެ މަޖިލީހުގައި މިބިލް މަޖިލީހުން ބޭރުކޮށްލިއެވެ. އެދުވަހު މައްސަަލަ މަޖިލީހުން ބޭރުވީ ވޯޓަށް އެހި ގަޑީގައި މަޖިލީހުގެ ތަޅުމުގައި ސަރުކާރުގެ އެއްވެސް މެމްބަރެއް ނެތުމުން، ބިލާއި އެއްކޮޅަށް ވޯޓު ނުލިބިގެންނެވެ.

އެންސްޕާއިން ވިދާޅުވީ، ފުރަތަމަ ބުރުގައި އެހީ ހަމަޖެހިފައިވާ ފަރާތްތަކުން 30 ޖުލައި 2024 ގެ ކުރިން ފަރުވާ ކުރިއަށްގެންދާނެގޮތުގެ ޕްލޭން ހިއްސާކުރުމާގުޅޭގޮތުން އެ އެޖެންސީން އެފަރާތްތަކަށް މަޢުލޫމާތު ފޯރުކޮށްދޭނެ ކަމަށެވެ.

ވެލާނާ އިންޓަރނޭޝަނަލް އެއާޕޯޓުގައި ޖައްސާފައި ވަނީ، ހަނގުރާމަމަތީ ހަތަރު މަތިންދާބޯޓާއި، އެ ބޯޓުތަކަށް އެހީތެރިކަން ފޯރުކޮށްދިނުމަށް އެކުގައި ދަތުރުކުރާ އަސްކަރީ އެހެން މަތިންދާބޯޓެވެ.

ހީނާ ވަލީދު މިހެން ވިދާޅުވީ، ސަމޯއާ އެގްރިމެންޓްގައި ރާއްޖެއިން ސޮއެކުރުމަށް ރައްޔިތުންގެ މަޖިލީހުން ފާސްކުރުމާއިއެކު އިއްޔެ އެ އެއްބަސްވުމުގައި ރާއްޖެއިން ސޮއެކުރުމާއި ގުޅިގެން ސަރުކާރަށް އަމާޒުވެފައިވާ ފާޑުކިޔުންތަކަށް ރައްދުދެއްވައި، އެކްސްގައި ލިޔުއްވި ޕޯސްޓުގައެވެ.

ރައްޔިތުންގެ މަޖިލީހުގެ މެމްބަރުންގެ މުސާރަ ކުޑަކުރެއްވުމާއި ދެކޮޅަށް ޤާސިމް އިބްރާހީމް ވާހަކަފުޅު ދެއްކެވީ، ރައްޔިތުންގެ މަޖިލީހުގެ މެންބަރުންގެ ޢަދަދު ކޮންމެ 5 އަހަރަކުން އިތުރުވަމުންދާ ދިއުމާމެދު 20 ވަނަ ރައްޔިތުންގެ މަޖިލީހުގެ މެންބަރުން ދެކެވަޑައިގަންނަވާ ގޮތެއް ދެނެގަތުމަށްޓަކައި, ބާރަށު ދާއިރާގެ މެންބަރު އިބްރާހީމް ޝުޖާޢު ހުށަހަޅުއްވާފައިވާ، ޤަރާރުގެ އިބްތިދާއީ ބަހުސްގެ ވަގުތުގައި ދެއްކެވި ވާހަކަފުޅުގައެވެ.

މިނިސްޓަރ ޝިޔާމް މިހެން ވިދާޅުވީ، ރާއްޖޭގެ ބައެއް މީޑިއާތަކާއި އިއްޔެ ބައްދަލުކުރައްވައި މަސްވެރިކަމުގެ ސިނާޢަތު ރަނގަޅު ކުރުމަށް ކުރައްވަމުން ގެންދަވާ މަސައްކަތްތަކާއި، މަސްވެރިންނަށް މިފްކޯއިން ދޭން ޖެހޭ ފައިސާ ދިނުމަށް ކުރައްވަމުން ގެންދަވާ މަސައްކަތް ތަކާއި ގުޅޭ ގޮތުން ވާހަކަފުޅު ދައްކަވަމުންނެވެ.

ރައީސުލްޖުމްހޫރިއްޔާގެ އޮފީހުގެ ސީނިއަރ ސްޕޯކްސް ޕަރސަން ހީނާ ވަލީދު، އެކްސްގައި ކުރެއްވި ޕޯސްޓެއްގައި ވިދާޅުވީ، ސިޙުރުގެ މައްސަލަ އާއި ގުޅުވައި، ރައީސުލްޖުމްހޫރިއްޔާ އާއި އެމަނިކުފާނުގެ ޢާއިލާއަށް ނިސްބަތްކޮށް މީޑިއާގައި ފަތުރަމުން ދަނީ ހަގީގަތާ ޚިލާފު ދޮގު ޚަބަރުތަކެއް ކަމަށެވެ. ރައީސުލްޖުމްހޫރިއްޔާއާއި އެމަނިކުފާނުގެ ޢާއިލާއިން މިފަދަ އެއްވެސް މައްސަލައެއް އެއްވެސް ފަރާތަކާއިމެދު ފުލުހުންގެ އިދާރާއަށް ހުށަހަޅާފައި ނުވާކަމުގައިވެސް ހީނާ ވިދާޅުވިއެވެ.