އިންޑިއާގެ މަހުޖަނު އަދި ދުނިޔޭގެ އެންމެ މުއްސަނދި ދިހަ މީހުންގެ ތެރޭގައި ހިމެނޭ މުކޭޝް އަމްބާނީގެ ފިރިހެން ދަރިފުޅު، އަމިތު އަމްބާނީގެ ކައިވެނީގެ ކުލަގަދަ ހަފްލާއަށް ދިއުމުގެ ދައުވަތު ލިބުނު މީހުންގެ ތެރޭގައި، ރާއްޖޭގެ ކުރީގެ ރައީސް، ރައީސް މުޙައްމަދު ނަޝީދު ހިމެނެއެވެ. އަދި އެމަނިކުފާނު ވަނީ އަމްބާނީގެ ދައުވަތު ގަބޫލުކުރައްވާ، އެ ހަފްލާއަށް ވަޑައިގެންފައެވެ.

އާނަންތު އާއި ރާދިކާ ކައިވެނިކުރީ މުމްބާއީގެ ޖިއޯ ވޯލްޑް ސެންޓަރުގައި ބޭއްވި ބޮޑު ހަފުލާއެއްގައި ހުކުރު ދުވަހުއެވެ.  ރައީސް ނަޝީދުގެ އިތުރުން ދުނިޔޭގެ އެހެން ބައެއް ގައުމުތަކުގެ ލީޑަރުން ވެސް މި ހަފުލާއަށް ވަޑައިގެންނެވިއެވެ. އިނގިރޭސިވިލާތުގެ ކުރީގެ ބޮޑު ވަޒީރު ޓޯނީ ބްލެއަރ އަދި ބޮރިސް ޖޯންސަންވެސް ހިމެނެއެވެ.

މި ހަފްލާގައި ނަޝީދު ނެގި ޕޮޓޮއެއް ވަނީ މިހާރު ސޯޝަލް މީޑިއާގައި އާންމު ވެފައެވެ.

އާނަންތު އަމްބާނީ ކައިވެނިކޮށްފައިވަނީ ވެސް އިންޑިއާގެ ބޮޑު މުއްސަންޖެއްގެ ދަރިއަކާއެވެ. އެ އާއިލާއަކީ ފުޅާ ދާއިރާއެއްގައި އިންޑިއާގައި ބޭސްވެރިކަމުގެ ބާވަތްތަކުގެ ވިޔަފާރިކުރާ އާއިލާއެކެވެ.