Advertisement
ސޯލާ ޕެނަލްތަކަށް ކާރު އަރާފައިވާ މަންޒަރު، ފޮޓޯ: އެމްވީ ކްރައިސިސް
ހައިވޭގައި ހުންނަ ސޯލާ ޕެނަލްތަކަށް އަނެއްކާ ވެސް ކާރެއް އަރައިފި
މާލެ-ހުޅުމާލެ ހައިވޭގައި ހުންނަ ސޯލާ ޕެނަލްތަކަށް ކާރެއް އަރައި އެކްސިޑެންޓެއް ހިނގައިފިއެވެ. މި ކާރު ސޯލާ ޕެނަލަށް އަރާފައިވަނީ ވެލާނާ އިންޓަނޭޝަނަލް އެއާރޕޯޓުގެ ޓަވަރާ ދިމާލުން، ކޮންމެ ކޮޅަކަށް ދުއްވުމަށް ހަތަރު ލޭން ހަދާފައިވާ ހިސާބުގައެވެ.
މި ހާދިސާގައި އެއްވެސް މީހަކަށް އަނިޔާވެފައި ނުވާކަމަށް ފުލުހުން ވަނީ ހާމަކޮށްފައެވެ. އަދި މި ހާދިސާއާ ގުޅިގެން ބަލަންޖެހޭ ކަންކަން ބަލަމުން އަންނަ ކަމަށް ވެސް ފުލުހުން ބުނެއެވެ.
ސޯޝަލް މީޑިއާގައި ދައުރުވަމުންދާ ފޮޓޯ ތަކުން ފެންނަ ގޮތުގައި، މި ހާދިސާގައި ކާރުގެ ކުރީކޮޅަށާއި، ސޯލާ ޕެނަލްތަކަށް ވަނީ ގެއްލުންވެފައެވެ.
މި އަހަރު ތެރޭގައި މިފަދަ އިތުރު އެކްސިޑެންޓުތައް ވެސް ހިނގާފައި އެބަހުއްޓެވެ. އެގޮތުން ފެބުރުވަރީ މަހު ހިނގާފައިވާ ދެ އެކްސިޑެންޓެއް ފާހަގަ ކޮށްލެވެއެވެ. މީގެ ތެރެއިން އެއް އެކްސިޑެންޓުގައި ކާރު ދުއްވަން އިން ޑްރައިވަރަށް އަނިޔާވެގެން ފަރުވާ ދީފައިވެއެވެ. ނަމަވެސް އަނެއް އެކްސިޑެންޓުގައި އެއްވެސް މީހަކަށް އަނިޔާވެފައެއް ނުވެއެވެ.
