Advertisement

11 Jul 2024
ޚަބަރު

ކަރަންޓުގެ ބޮޑު ހާދިސާއެއް ހިނގި ނަމަވެސް، 24 ގަޑިއިރު ތެރޭ ޚިދުމަތަށް ރުޖޫއަވެވޭ މިންވަރަށް ސްޓެލްކޯއިން ތައްޔާރުވާން ފަށައިފި

ނުރައްކާތެރި ހާދިސާއަކާ ގުޅިގެން އިންޖީނުގެއެއް އަނދާ ހުލިވިޔަސް 24 ގަޑިއިރުގެ ތެރޭގައި އެތަނެއް އޮޕަރޭޝަނަށް ގެނައުމުގެ ވިސްނުމާއެކު، އިންޖީނުގެއަކަށް ބޭނުންވާ ހުރިހާ ސާމާނެއް ލިބޭ ފިހާރައެއް ހުޅުވުމަށް ސްޓެލްކޯއިން އެބަ ތައްޔާރުވެއެވެ.

މިކަމާއި ގުޅިގެން ރާއްޖޭގެ ނޫހަކަށް ދެއްވި އިންޓަވިއުއެއްގައި ސްޓެލްކޯގެ މެނޭޖިންގ ޑިރެކްޓަރ ހުސެއިން ފަހުމީ ވިދާޅުވީ، މި ފިހާރަ ހުޅުވުމަށް ނިންމެވީ، އެހެން ބަޔަކަށް ބަރޯސާނުވެ ރާއްޖޭގައި ހަކަތަ އުފެއްދުމުގެ ކެޕޭސިޓީ އިތުރުކުރުމަށް ކަމަށެވެ.

މި މޭރުމުން ވާހަކަފުޅު ދައްކަވަމުން ފަހުމީ ވިދާޅުވީ، އިންޖީނުގެއެއް އަނދައި ހުލިވެއްޖެނަމަ، ހަމަ އެ ފެންވަރުގެ އިންޖީނުގެއެއް ހަދާނެ ކެޕޭސިޓީ މި ވަގުތު ނެތް ކަމަށެވެ. އެހެންކަމުން، ފަހުމީގެ ދުރު ވިސްނުންފުޅަކީ، މި މައްސަލަ ހައްލުކޮށް ސްޓެލްކޯގެ ކެޕޭސިޓީ އިތުރު ކުރުމެވެ.

"އަޅުގަނޑުމެން މި ވިޔަފާރި ތެރެއަށް މި ވަންނަ ސަބަބަކީ، އަޅުގަނޑުމެން އަތަކު މިހާރު ނެތް އަޅުގަނޑުމެން އަމިއްލަ އިންޖީނުގެއެއް އަނދައި ހުލިވިޔަސް، ނުވަތަ ފެނަކައިގެ އިންޖީނުގެއެއް އަނދައި ހުލިވިޔަސް، ނޫނީ ރިސޯޓެއްގެ ތަނެއް އަނދައި ހުލިވިޔަސް އިންޖީނުގެއެއް ބިލްޑް ކުރާނެ ކެޕޭސިޓީއެއް،"

ސްޓެލްކޯގެ މެނޭޖިންގ ޑިރެކްޓަރ ހުސެއިން ފަހުމީ ވިދާޅުވެފައި ވެއެވެ.

އަދި މި ފިހާރައިގައި އިންޖީނުގެއަކަށް ބޭނުންވާނެ ހުރިހާ ސާމާނެއް ލިބެން ހުންނާނެކަމީ، ބޮޑު ހާދިސާއެއް ދިމާވި ނަމަވެސް އެކަން އަވަހަށް ހައްލުކުރުމަށް ހުޅުވިގެންދާނެ ފަސޭހަ ދޮރެއް ކަމަށް ފަހުމީ ވިދާޅުވިއެވެ. މީގެ އިތުރުން، މުޅިން އަލަށް އިންޖީނުގެއެއް ހެދޭނެ މިންވަރަށް މި ފިހާރައިގައި ތަކެތި ލިބެން ހުންނާނެކަމަށް ވެސް ފަހުމީ ފާހަގަ ކުރެއްވިއެވެ.

"މިތަން ހުޅުވައި މިތަނުގައި މިތަނުން އެ ބޭނުންވާ ހުރިހާ ސާމާނެއް ހުރުމުން އިންޖީނުގެއެއް ހަލާކު ވިޔަސް ރައްޔިތުންނަށް ޔަގީންކަން ދެވޭނެ 24 ގަޑިއިރު ތެރޭގައި ހިދުމަތް ދޭން ފެށޭނެކަން. މިއީ ހާޑްވެއާތަކުން ކުރާ ވިޔަފާރިއެއް ނޫން. އާންމު ވިޔަފާރިވެރިން މި ކުރާ ވިޔަފާރިއެއް ނޫން މިއީ. މި ހިދުމަތާ އެކު އަޅުގަނޑުމެންނަށް މުޅި ތަން އަލުން އަޅައިގެން ވެސް ބޭނުންކުރަން ފެށޭނެ ފެންވަރު ހުންނަނާނެ."

ފިހާރައިގެ ކެޕޭސިޓީއާ ގުޅިގެން ސްޓެލްކޯގެ މެނޭޖިންގ ޑިރެކްޓަރ ހުސެއިން ފަހުމީ ވިދާޅުވެފައި ވެއެވެ.

މި ފިހާރަ ހުޅުވުމަކީ ހާޑްވެއަރ ސާމާނާއެކު ކުދި ވިޔަފާރިތައް ކުރައްވާ ބޭފުޅުން ހާސްވާން ޖެހޭ ކަމެއް ނޫން ކަމަށް ވެސް އިންޓަވިއުގައި ފަހުމީ ވިދާޅުވެފައިވެއެވެ. ސަބަބަކީ މި ފިހާރާގައި ހުންނާނީ އާންމު ހާޑްވެއަރ ފިހާރަ ތަކުގައި ނުހުންނާނެ ބާވަތްތަކެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.