ލޯކަލް ކައުންސިލްތަކަށްދޭ މާލީ އެހީ އިތުރު ކޮށްދެއްވާނެ ކަމަށް އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހު މިިއަދު ވިދާޅުވެއްޖެ އެވެ.

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، މާޅޮސްމަޑުލު ދެކުނުބުރީ، ދަރަވަންދޫ އަދި ކުޑަރިކިލުގައި ސަރުކާރުން ހިންގާފައިވާ ބައެއް މަޝްރޫޢުތަކުގެ ނިމުން ފާހަގަކޮށްދެއްވައިފިއެވެ.

މި ސަރުކާރުން ފައްޓަވާފައިވާ ރުއް އިންދުމުގެ ޤައުމީ ޕްރޮގްރާމް އަންނަ އަހަރު ފުޅާކޮށް ރާއްޖޭގެ ފަޅުރަށްތަކުގައިވެސް ރުއް އިންދަވާނެކަމަށް މިނިސްޓަރ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރ ޑރ. ޙުސައިން ރަޝީދު ޙަސަން ވިދާޅުވެއްޖެއެވެ.

ރާއްޖޭގެ އިންޝުއަރެންސް ދާއިރާ ފުޅާކޮށް ހަރުދަނާ ކުރުމަށް މޯލްޑިވްސް މަނިޓަރީ އޮތޯރިޓީ، އެމްއެމްއޭއާއި ޔޫއެންޑީޕީއާއި ދެމެދު އެއްބަސްވުމެއްގައި ސޮއިކޮށްފިއެވެ.

ބޮޑުތިލަދުންމަތީގެ 2 ރަށެއްގައި ޓޫރިސްޓް ރިޒޯޓް ތަރައްޤީކޮށް ހިންގާނެ ފަރާތެއް ހޯދުމަށް ޓޫރިޒަމް މިނިސްޓްރީއިން އިޢުލާންކޮށްފިއެވެ.

2 ރަށެއްގެ ބިން ހިއްކުމާއި، 2 ރަށެއްގެ ބަނދަރުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، އެމްޓީސީސީއާއި ޙަވާލުކޮށްފިއެވެ.

ރައީސް އިބްރާހިމް މުހައްމަދު ސޯލިހްގެ ސަރުކާރުން ނޫނީ ރާއްޖެއަށް ސިޔާސީ ހަމަޖެހުން ގެނެސްދިން ސަރުކާރެއް މިހާތަަނަށް ނެތްކަމަށް ހިސާން ހުސައިން ވިދާޅުވެއްޖެއެވެ.

"ޕްރައިވެޓް ހައުސިންގ އިންފޮމޭޝަން ޕޯޓަލް" ގެ ނަމުގައި ހުޅުމާލޭގައި އަމިއްލަ ކުންފުނިތަކުން ހިންގާ ހައުސިންގ މަޝްރޫޢުތަކުގެ މަޢުލޫމާތު ފަސޭހައިން ބަލައިލެވޭ ޕޯޓަލެއް އާރބަންކޯއިން އިފްތިތާޙުކޮށްފިއެވެ.

ހުޅުމާލެ ހޮސްޕިޓަލުގެ ސެންޓްރަލް ސްޓެރައިލް ސާވިސަސް ޑިޕާޓްމެންޓް (ސީއެސްއެސްޑީ) ތަރައްގީކުރުމަގެ މަސައްކަތް އެސްޓީއޯއިން ފަށައިފިއެވެ. އެގޮތުން ހުޅުމާލެ ހޮސްޕިޓަލަށް އެންމެ އެކަށޭނެ ސީއެސްއެސްޑީގެ ސެޓަޕެއް ކުރަހައި، މި ޑިޕާޓްމެންޓްގެ އިންޓީރިއާ ހުރިހާ މަސައްކަތަކާއި، އިކުއިޕްމެންޓްތައް ގެނައުމާއި، އިންސްޓޯލްކުރުން އަދި ބޭނުންވާ ޓްރެއިނިންތައް ދިނުމަށް އެސްޓީއޯއިން ސްޕެއިންގެ ކުންފުންޏެއްކަމަށްވާ "މަޓަޗާނާ" އާއި އެއްބަސްވުމއްގައި ވަނީ މިއަދު ސޮއިކޮށްފައެވެ.

މިއަންނަ އަހަރުގެ ޖެނުއަރީ މަހުން ފެށިގެން ސަރުކާރުގެ ހުރިހާ މުވައްޒަފުންނަށް %40 މުސާރަ ބޮޑުކުރައްވާނެ ކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ. އެމަނިކުފާނު މިހެން ވިދާޅުވީ، ރިޔާސީ އިންތިޚާބުގެ ކެމްޕޭނުގައި، ބ. ތުޅާދޫއަށް ވަޑައިގެން އެރަށުގައި މިރޭ ބޭއްވި ޖަލްސާގައި ދެއްކެވި ވާހަކަފުޅުގައެވެ.

ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ރިޔާސީ އިންތިޚާބުގެ ކެމްޕޭނަށް އަތޮޅުތެރެއަށް ކުރައްވަމުން ގެންދަވާ ދަތުރުފުޅުގެ ތެރެއިން، މިހާތަނަށް ރާއްޖޭގައި މީހުން ދިރިއުޅޭ ރަށްރަށުގެ ތެރެއިން ދެބައިކުޅަ އެއްބައި ރަށަށް ވަޑައިގެންފިކަމުގައި އެމްޑީޕީން ހާމަކޮށްފިއެވެ. އެމްޑީޕީން މިކަން ހާމަކޮށްފައި ވަނީ، ރިޔާސީ އިންތިޚާބުގެ ކެމްޕޭނަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަދު މާޅޮސްމަޑުލުގެ ރަށްރަށަށް ފައްޓަވާފައިވާ ދަތުރުފުޅުގެ ތެރެއިން، މާޅޮސްމަޑުލު ދެކުނުބުރީ، އޭދަފުށީގައި ބޭއްވި ބަދަރު ބައްދަލުވުމުގައެވެ.

ހުޅުމާލެ ފޭސް 2ގައި އަޅާފައިވާ، ވިނަރެސް ފްލެޓްތައް ލިބިފައިވާ ފަރާތްތަކަށް މިއަދު ފްލެޓް ތަޅުދަނޑި ހަވާލުކުރަން ފަށައިފިއެވެ. މިކަމަށްޓަކައި މިއަދު ހުޅުމާލެ ފޭސް 2 ގައި ބޭއްވި ރަސްމިއްޔާތުގައި ފްލެޓްތައް ލިބޭ ބައެއް ފަރާތްތަކަށް ފްލެޓްތަކުގެ ރަމްޒީ ތަޅުދަނޑިތައް ހަވާލުކޮށްދެއްވީ، ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީނެވެ.

މާޅޮސްމަޑުލު ދެކުނުބުރީ އޭދަފުށީގައި ހުންނަ ބ އަތޮޅު ހޮސްޕިޓަލަށް ދިމާވެފައިވާ ޖާގައިގެ ދަތިކަން ހައްލު ކުރުމަށާއި އަދި އެހޮސްޕިޓަލްގައި އިތުރު ޚިދުމަތްތައް ފުޅާ ކުރެއްވުމުގެ ގޮތުން އެހޮސްޕިޓަލްގައި މިސަރުކާރުން ބިނާކުރި އައު ޢިމާރާތް ރައީ ސުލްޖުމްހޫރިއްޔާާ އިބްރާހީމް މުޙައްމަދު ޞާލިޙް މިއަދު ހުޅުއްވައި ދެއްވައިފިއެވެ. އެމަނިކުފާނު މި ޢިމާރާތް ހުޅުއްވައި ދެއްވީ، މިއަދު މާޅޮސް މަޑުލުގެ ރަށްތަކަށް އެމަނިކުފާނު ފެއްޓެވި ކެމްޕޭން ދަތުރުފުޅުގައި މިއަދު މެންދުރުފަހު، އޭދަފުއްޓަށް ކުރެއްވި ޒިޔާރަތުގައެވެ. ރައީސުލްޖުމްހޫރިއްޔާ މިއަދު ހުޅުއްވައި ދެއްވި، ބ. އަތޮޅު ހޮސްޕިޓަލްގެ އެކްސްޓެންޝަން ޢިމާރާތަކީ، އެހޮސްޕިޓަަލަށް ދިމާވެފައިވާ ޖާގައިގެ ދަތިކަން ޙައްލުކުރުމުގެ ގޮތުން އިތުރު ކުރެވުނު ޢިމާރާތެކެވެ. މިޢިމާރާތުގައި، 6 އެނދުގެ ޑަޔަލިސިސް ޔުނިޓަކާއި، އޯޕީޑީ 6 ކޮންސަލްޓޭޝަން ރޫމާއި، ވެއިޓިންގ އޭރިޔާއަކާއި، ރިސެޕްޝަން ހިމެނެއެވެ. ބ.އަތޮޅު ހޮސްޕިޓަލްގައި ޑަޔަލިސިސްގެ ޚިދުމަތް ފަށާފައި ވަނީ ހުސްވި އަހަރުގެ ޑިސެމްބަރު މަހުގައެވެ.

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ބ ގޮއިދޫ ފެނާއި ނަރުދަމާގެ ނިޒާމްގެ ޚިދުމަތް އިފްތިތާހްކޮށްދެއްވައިިފިއެވެ. ރައީސުލްޖުމްހޫރިއްޔާ އެރަށުގައި މިޚިދުމަތް އިފްތިތާޙްކޮށްދެއްވީ ރިޔާސީ އިންތިޚާބުގެ ކެމްޕޭނުގައި މިއަދު މާޅޮސްމަޑުލުގެ ރަށްރަށަށް ފެއްޓެވި ދަތުރުފުޅުގެ ތެރެއިން މިއަދު މެންދުރުފަހު ގޮއިދޫއަށް ކުރެއްވި ޒިޔާރަތުގައެވެ. ގޮއިދޫގެ ފެނައި ނަރުދަމާގެ ނިޒާމްގެ ޚިދުމަތް އިފްތިތާޙްކޮށްދެއްވުމުގެ އިތުރުން ރައީސުލްޖުްހޫރިއްޔާ ވަނީ އެރަށުގައި ސަރުކާރުން ތަރައްޤީކުރެއްވި ސްކޭޓް ޕާކާއި، ވޮލީކޯޓު ހުޅުއްވައި ދެއްވާފައެވެ.

މާޅޮސްމަޑުލު ދެކުނުބުރީ ފުޅަދޫ އާއި ފެހެންދޫގައި މިސަރުކާރުން މުޅިން އަލަށް ތަރައްޤީކުރި ބަނދަރުތައް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަދު ހުޅުއްވައި ދެއްވައިފިއެވެ. ރައީސުލްޖުމްހޫރިއްޔާ މިދެރަށުގެ ބަނދަރު ހުޅުއްވައި ދެއްވި، ރިޔާސީ އިންތިޚާބުގެ ކެމްޕޭނުގައި މިއަދު އެދެރަށަށް ކުރެއްވި ދަތުރުފުޅުގައެވެ.