މާލޭގައި ހިންގަމުންދާ ސެލޫނަކުން ފިރެހެނަކު އަންހެނަކަށް ވެގެން އަންހެން ކަސްޓަމަރަކަށް ހިދުމަތްދިން މައްސަލައެއް ފެންމަތިވެއްޖެއެވެެެ. މިވާހަކަ އާންމުންނާއި ހިއްސާކޮށްފައިވަނީ ހިދުމަތް ލިބިގަތް އަންހެން ޒުވާނާ އިންސްޓަގްރާމް މެދުވެރިކޮށެވެ.

ބުދަ ދުވަހުގެ ހަވީރު އިންސްޓަގްރާމްގައި ހިއްސާކޮށްފައި ވާ ލިޔުމުގައި އޭނާ ބުނެފައިވަނީ، މި ވާހަކަ އޭނާ ސޯޝަލް މީޑީއާގައި ހިއްސާ ކުރުމުގެ ބޭނުމަކީ އޭނާއަށް ކުރެވުނު ތަޖުރިބާ އެހެން މީހަކަށް ކުރެވުމުގެ ކުރިން އެކަމަށް އެހެން މީހުން ހޭލުންތެރި ކުރުވުމެވެ. އަދި އޭނާގެ ތަޖުރިބާ ޙިއްސާ ކޮށްފައިއެވަނީ އޭނާއަށް ޚިދުމަތްދިނީ އަންހެނެއް ނޫންކަން ކަށަވަރު ކުރުމަށްފަހުގައި ކަމަށް ވެސް ބުނެފައިވެއެވެ. މިކަން އޭނާ ކަށަވަރުކުރީ އިންސްޓަގްރާމް މެދުވެރިކޮށް އެ "ބިއުޓީޝަން" ގެ ވަނަވަރު އެކި ގޮތްގޮތުން ބަލާ، އަދި އޭނާ ކުރިން ވަޒީފާގައި ގެންގުޅުނު ފަރާތުން އެކަން ޔަގީންކޮށްފައިކަމަށް ބުނެފައިވެއެވެ. 

ހާދިސާ އިތުރަށް ހިއްސާކުރަމުން ޒުވާނާ ބުނެފައިވަނީ މާލޭގެ މި ސެލޫނުން އޭނާއަށް ހިދުމަތް ދިން ފިރެހެނާ ހުރީ އަންހެނެއްގެ ހެދުން އަޅައިގެން ކަމަށާއި، އަދި ވާހަކަ ދައްކާފައިވަނީ ވެސް އަންހެން އަޑަކުން ކަމަށެވެ. އަދި ފިރެހެނެއްކަން އޭނާއަށް އެނގުނީ ހިދުމަތް ހޯދުމަށްފަހު ގެޔަށް ދިޔަފަހުން ކަމަށެވެ. 

ހިދުމަތް ލިބިގަތް ޒުވާނާ ވަނީ، މި "ބިއުޓީޝަން" ގެ ވީޑިއޯ ވެސް އޭނާގެ އިންސްޓަގްރާމްގައި އާންމުކޮށްފައެވެ. މި ވީޑިއޯތަކުން އެނގޭ ގޮތުގައި އެއީ ބިދޭސީއެކެވެ.

މި ހާދިސާ އިތުރަށް އޮޅުންފިލުވާ ދެމުން ޒުވާނަ ކިޔާދީފައިވާ ގޮތުގައި، އެޕޮއިންޓްމަންޓު ހެއްދިއިރުވެސް ދެފަހަރެއްގެ މަތިން އޭނާ ވާނީ ޚިދުމަތް ހޯދަން ބޭނުންވަނީ އަންހެން މުވައްޒަފެއް މެދުވެރިކޮށްކަމަށް ބުނެފައެވެ. އެހެންނަމަވެސް ކަނޑައެޅިފައިވާ "ވެކްސިންގ އެޕޮއިންޓްމަންޓަށް" އޯގަސްޓު މަހުގެ 14 ވަނަ ދުވަހު އޭނާ ސެލޫނަށް ދިއުމުން، އޭނާއަށް ޚިދުމަތް ދީފައިވަނީ އަންހެން ހެދުން އަޅައިގެން ހުރި ފިރިހެނެއްކަން މިހާރު މިވަނީ އެނގިފައި ކަމަށެވެ.

ކަން ހިނގާދިޔަގޮތް އޮޅުން ފިލުމުން އޭނާއަށް ކުރެވުނު އިހްސާސްތައް ވަނީ ކިޔައިދީފައެވެ. އެގޮތުން އެ ބަޔާނުގައި ލިޔެފައިވަނީ، "This revelation left me feeling not only uncomfortable but also violated and traumatized"، މިހެންނެވެ.

މި ކަންބޮޑުވުން ސެލޫނާ ހިއްސާ ކުރުމުން، މިހާތަނަށްވެސް އެކަށީގެންވާ އެއްބާރުލުން އެކަމުގައި ލިބިފައިނުވާކަމަށް ޒުވާނާ ބުނެއެވެ. އެގޮތުން ގެއްލުމުގެ ބަދަލު ހޯދުމަށް ކުރި މަސައްކަތްވެސް ނާކާމިޔާބުވެފައިވާކަން އޭނާ ވަނީ ފާހަގަކޮށްފައެވެ. 

ގިނަ ބަޔަކު ދަނީ މި މައްސަލަ ތަހުގީގުކޮށް، ޚިދުމަތް ހޯދާ ފަރާތްތަކުގެ ރައްކާތެރިކަން ކަށަވަރު ކުރުމަށް ގޮވާލަމުންނެވެ.