މި ޢިމާރާތުގެ ބިންގާ މިއަދު އަޅުއްވައިދެއްވީ، މިނިސްޓަރ އޮފް ޑިފެންސް، އަލްއުސްތާޛާ މާރިއާ އަޙްމަދު ދީދީ އާއި ޗީފް އޮފް ޑިފެންސް ފޯސް ލެފްޓިނެންޓް ޖެނަރަލް ޢަބްދުﷲ ޝަމާލްއެވެ.

އެމްއެންޑީއެފުން ބުނީ، މިއަދު ފެށިގެން ކުރިޔަށް އޮތް 4 ދުަވަހު މިލިޓަރީ ޕެރޭޑްގެ ހަރަކާތްތައް ބާއްވާއިރު، މިއަދު އެހަރަކާތް ކުރިޔަށް ގެންދިޔުމަށް ހަމަޖައްސާފައި ވަނީ، ހދ. އަތޮޅުގެ ވެރިކަންކުރާރަށް، ކުޅުދުއްފުށީ ސިޓީގައިކަމަށެވެ. އަދި އާދީއްތަ ދުވަހު، ހއ. އަތޮޅުގެ ވެރިކަންކުރާރަށް، ދިއްދޫގައި މިލިޓަރީ ޕެރޭޑް ބޭއްވުމަށް ހަމަޖައްސާފައި ވާއިރު، ހޯމަދުވަހު މިލިޓަރީ ޕެރޭޑް ބާއްވާނީ، ހއ. އިހަވަންދޫގައެވެ. އަދި އަންގާރަ ދުވަހު މިހަރަކާތް ބާއްވާނީ ހދ. ނޮޅިވަރަށް ފަރުގައެވެ.

ފުލުހުންގެ އިދާރާއިން ބުނީ، ވީނުވީއެއް ނޭނގި ގެއްލިގެން ހޯދަމުންދަނީ، ހއ. ބާރަށް / ސައިނިންގސްޓަރ، މުޙައްމަދު ތަޢުފީޤު (35އ) ކަމަށެވެ. އަދި އޭނާގެ ޚަބަރެއް ނުވާތީ، އާއިލާގެ ފަރާތުން ފުލުހުންނަށް ރިޕޯޓްކޮށްފައި ވަނީ، އޮގަސްޓް 26 ވަނަ ދުވަހުގެ 01:35 ހާއިރު ކަމަށްވެސް ފުލުހުން ވަނީ ބުނެފައެވެ.

ރައީސް ނަޝީދަށް ކުރެއްވި ތާއީދު ދޫކޮށްލައްވައި، އެމްޑީޕީއާ ގުޅިވަޑައިގެންނެވުމަށްފަހު، ޝިޔާން ވިދާޅުވީ، އަލުން އެމްޑީޕީއާ ގުޅިވަޑައިގެންނެވީ، އެއީ ދާއިރާގެ ރައްޔިތުންނާއި އަދި މުޅިރާއްޖޭގ ގިނަ ދިވެހި ރައްޔިތުންގެ ވިންދުވެސް ހުރިގޮތަކީ އެއީ ކަމަށްވާތީއެވެ. މީގެ އިތުރުން ތޮއްޑޫދާއިރާ ސާފު ބޮޑު އަޣުަލަބިއްޔަތާއި އެކު، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް މި އިންތިޚާބު އެއްބުރުން ކާމިޔާބު ކުރައްވާނެ ކަމުގައިވެސް ޝިޔާން ވަނީ ވިދާޅުވެފައެވެ.

މަސްތުވާތަކެއްޗާއި ދެކޮޅަށް ރާއްޖޭގައި ކުރިއަށްގެންދާ ފުރަތަމަ އެކްސްޕޯ "އަހަރެމެންނާއެކު" އެކްސްޕޯ ފަށައިފިއެވެ. މި އެކްސްޕޯ ފައްޓަވައިދެއްވީ ރައީސުލްޖުމްހޫރިއްޔާގެ ނައިބު ފައިސަލް ނަސީމްއެވެ.

ނ. މާފަރުގައި ތަރައްޤީކުރާ ކަސްޓަމްސްގެ އޮފީސް ޢިމާރާތުގެ ބިންގާ އަޅައިފިއެވެ. މި މަސައްކަތަކީ ރީޖަނަލް ކަސްޓަމްސްގެ ޚިދުމަތްތައްވެސް ލާމަރުކަޒުކޮށް އަތޮޅުތަކުގައި ފުޅާކުރުމަށް ސަރުކާރުން ގެންގުޅުއްވާ ސިޔާސަތުގެ ދަށުން ކުރާ މަސައްކަތެކެވެ.

ބިންކުޑަވުމުގެ ސަބަބުން އިޤްތިޞާދީ ފުރުޞަތުތައް ހުއްޓިފައި އޮތް އއ.ބޮޑުފޮޅުދޫގެ ބިން ހިއްކުމުގެ ޢަމަލީ މަސައްކަތް ފަށައިފިއެވެ. މި ޕްރޮޖެކްޓް ކުރިއަށްގެންދަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީއާއި ހަވާލުކުރައްވައިގެންނެވެ.

ހއ. މުރައިދޫއާއި ގއ. ގެމަނަފުށީގައި މިސްކިތެއް އަޅަން އިސްލާމިކް މިނިސްޓްރީން ބަޔަކާއި ހަވާލުކޮށްފިއެވެ. ސަރުކާރުގެ ޕީއެސްއައިޕީ ބަޖެޓުން ޚަރަދުކޮށްގެން ކުރިއަށް ގެންދާ މި ދެ މިސްކިތަކީވެސް 300 މީހުންގެ ޖާގައިގެ ދެ މިސްކިތެވެ. 365 ދުވަހުގެ ތެރޭގައި ނިންމާގޮތަށް އެއްބަސްވެވުނު މި މިސްކިތަކީ އަންހެންނާއި ފިރިހެނުންނަށްވެސް ނަމާދުކުރެވޭ ގޮތަށް ބިނާކުރާ މިސްކިތެވެ.

ކާބޯތަކެތީގެ ރައްކާތެރިކަން ކަށަވަރުކުރުމަށް ރާއްޖޭގެ ރަށްތަކުގައި އަނބު ދަނޑު ހެއްދުމުގެ ޕްރޮގްރާމެއް މިނިސްޓްރީ އޮފް ފިޝަރީޒް މެރިން ރިސޯސް އެންޑް އެގްރިކަލްޗަރއިން ފަށައިފިއެވެ. އަނބު ދަނޑު ހެއްދުމުގެ ޕްރޮގްރާމަކީ، ރާއްޖޭގެ ރަށްތަކުގައި ކާނާ ލިބޭ ގަސް އާލާކުރުމަށް އެގްރިކަލްޗަރ މިނިސްޓްރިއިން މުޅިން އަލަށް ފެށި ޕްރޮގްރާމެކެވެ.

ސްޓާލިންކް ސާވިސަސްއަށް ރާއްޖޭގައި އިންޓަނެޓް ހިދުމަތް ދިނުމުގެ ލައިސެންސް ކޮމިއުނިކޭޝަންސް އޮތޯރިޓީ އޮފް މޯލްޑިވްސް (ކޭމް) އިން ދޫކޮށްފި އެވެ. ސްޓާލިންކް އަކީ ސެޓެލައިޓް ޓެކްނޮލޮޖީގެ ޒަރިއްޔާއިން އިންޓަނެޓް ހިދުމަތް ފޯރުކޮށްދޭ ކުންފުންޏެކެވެ. ސްޓާލިންކަކީ މަހުޖަނު އަދި ސްޕޭސްއެކްސް އާއި ޓެސްލާގެ ބާނީ އީލޮން މަސްކުގެ ކުންފުންޏެކެވެ.

އިލެކްޝަންސް ކޮމިޝަންގެ މައި އޮފީހާއި އިންތިޚާބީ މައި މަރުކަޒު ކައިރީ އެއްވެސް ސިޔާސީ ޕާޓީއެއްގެ އަދި ރިޔާސީ ކެންޑިޑޭޓެއްގެ ކެމްޕޭން ބެނާތަކާއި ދިދަތައް ނުދެމުމަށް އިލެކްޝަންސް ކޮމިޝަނުން އަންގަވައިފިއެވެ. އަންނަ މަހުގެ 9 ވަނަ ދުވަހު ބާއްވާ އިންތިހާބުގެ ކެންޕެއިން ބެނާތައް މުޅި މާލޭގައި ވަނީ ދަމާފައެވެ. އަދި އިންތިހާބީ މައި މަރުކަޒު ދަރުބާރުގެ ކައިރީގައިވެސް މިފަދަ ބެނާތައް އެބަހުއްޓެވެ.

އެމަނިކުފާނު މިހެން ވިދާޅުވީ، އެމްޑީޕީގެ އުފާވެރިއަމާން ރާއްޖެ ކެމްޕޭނުގައި، އެމްޑީޕީގެ މެނިފެސްޓޯގައި ހިމެނޭ އިޤުތިޞާދީ ސިޔާސަތުތައް ޙާމަކުރުމަށް، "ޒަމާނަކުން އައި ޒަމާނެކޭ"ގެ ނަމުގައި މިރޭ ސޯޝަލް ސެންޓަރުގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.

މެނިފެސްޓޯގެ އިޤުތިޞާދީ ސިޔާސަތުތައް ހާމަކުރީ، އުފާވެރި އަމާންރާއްޖެ ކެމްޕެއިންގެ ދަށުން، މިރޭ "ޒަމާނަކުން އައި ޒަމާނޭ"ގެ ނަމުގައި ބޭއްވި ހަފްލާގައެވެ.

"ދަނޑުވެރިޔާ" ވެބްސައިޓް މިނިސްޓަރ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރ ޑރ. ހުސައިން ރަޝީދު ހަސަން އިފްތިތާހްކޮށްދެއްވައިފިއެވެ. މި ވެބްސައިޓް އިފްތިތާހްކުރެއްވީ މިކަމަށްޓަކައި ށ. ގޮއިދޫގައި ބޭއްވި ހަފްލާއެއްގައެވެ. ދަނޑުވެރިންނަށް ބޭނުންވާ މުހިންމު ގިނަ މައުލޫމާތެއް އެއް ތަނަކުން ލިބޭނެއެވެ.

މާލޭގެ ހިންގަމުންދާ ސެލޫނަކުން ފިރެހެނަކު އަންހެނަކަށް ވެގެން އަންހެން ކަސްޓަމަރަކަށް ހިދުމަތްދިން މައްސަލައެއް ފެންމަތިވެއްޖެއެވެެެ. ސޯޝަލް މީޑިއާގައި ހިދުމަތް ލިބިގަތް މީހާ ވަނީ މިކަމުގެ ކަންބޮޑުވުން ފާޅުކޮށްފައެވެ. އޭނާ ބުނެފައިވަނީ މާލޭގެ މި ސެލޫނުން ފިރެހެނަކު އަންހެނެއްގެ ހެދުން އަޅައިގެން އޭނާއަށް ހިދުމަތް ދީފައިވާކަމަށެވެ. އެއީ ފިރެހެނެއްކަން އޭނާއަށް އިނގުނީ ހިދުމަތް ހޯދާ މާފަހުން ކަމަށް ވަނީ ބުނެފައެވެ.

ރިޔާސީ އިންތިޚާބުގައި ވޯޓުލުމުގެ ހައްގު ލިބިފައިވާ މީހުންގެ ވޯޓާސް ލިސްޓުގައި މާދަމާއިން ފެށިގެން އިންތިޚާބުގައި ވާދަކުރައްވާ ކެންޑިޑޭޓުންނަށް ސޮއިކުރަން ފުރުސަތު ހުޅުވާލާނެ ކަމަށް އިލެކްޝަންސް ކޮމިޝަނުން ވިދާޅުވެއްޖެެއެވެ. ކުރިއަށް އޮތް ރިޔާސީ އިންތިޚާބުގައި އަށް ކެންޑިޑޭޓުން ވާދަކުރެއެވެ.