އެމްޑީޕީގެ މެނިފެސްޓޯގެ މައިގަނޑު ބައިތަކުގެ ތެރޭގައި ހިމެނޭ ބާރުވެރި އިޤުތިޞާދުގެ ސިޔާސަތުތައް ހާމަކޮށްފިއެވެ.

މެނިފެސްޓޯގެ އިޤުތިޞާދީ ސިޔާސަތުތައް ހާމަކުރީ، އުފާވެރި އަމާންރާއްޖެ ކެމްޕެއިންގެ ދަށުން، މިރޭ "ޒަމާނަކުން އައި ޒަމާނޭ"ގެ ނަމުގައި ބޭއްވި ހަފްލާގައެވެ.

އިޤުތިޞާދީ ބޮޑު ބަދަލު މެނިފެސްޓޯގައި ބަހާލާފައި ވަނީ މައިގަނޑު ހަތަރު ބަޔަކަށެވެ. އެއީ:

1. ބާރުވެރި އިގުތިސާދު

2. އެކާވީސްވަނަ ގަރުނަށް މާލީ ދާއިރާ

3. އިގުތިސާދީ ހަރަކާތްތަކުގައި އެންމެ ބައިވެރިވުން

4. ވިލުންތެރި އިގުތިސާދު

އެމްޑީޕީން މިރޭ ހާމަކުރި މެނިފެސްޓޯގައި ހިމެނޭ ބާރުވެރި އިޤުތިޞާދީ ސިޔާސަތުގައި، ޑިޖިޓަލް އިންޤިލާބާއި، މަސްވެރިކަމުގެ ނަފާއިތުރުކުރުމާއި، ސިނާޢީ ދަނޑުވެރިކަމުގެ ނަފާ އާއި، ދަތުރުފަތުރާއި ޢުމުރާނީ ސިނާއަތަށް މާނަވީ އިންވެސްޓްކުރުން ހިމަނާފައިވެއެވެ.

މެނިފެސްޓޯގެ އިޤުތިޞާދީ ބޮޑު ބަދަލުގެ، އެކާވީސްވަނަ ގަރުނަށް މާލީ ދާއިރާގައި ހިމަނާފައި ވަނީ، ފަހިމާލީ ސިޔާސަތާއި، ފައިނޭންޝަލް ސެކްޓަރ ރިފޯމް ކުރުމާއި، ރެގިއުލަރޭޓަރީ ނިޒާމް އިޤުތިޞާދީ ހަރަކާތްތަކަށް ފަހިކުރުމާއި، އިސްލާމިކް ފައިނޭންސްގެ ސަރަޙައްދީ މައި ހަބަކަށް ރާއްޖެ ހެދުމެވެ.

2028 ވަނަ އަހަރު ރާއްޖޭގެ އިޤުތިޞާދު ދެގުނަކޮށް ދައުަލަތަށް ލިބޭ ޢާމްދަނީ 45 ބިިލިއަން ރުފިޔާއަށް އިތުރު ކުރުމަކީ، އިޤުތިޞާދީ ބަދަލުގައި ސަރުކާރުން ޙާޞިލްކުރުމަށް އަމާޒު ހިފާފައިވާ އެއް ލަނޑުދަނޑިއެވެ.