Advertisement

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް --

24 Aug 2023
ޚަބަރު

މިއީ ދެވަނަ ބުރެއްނެތި އަނެއްކާވެސް އެމްޑީޕީން ވެރިކަމަށް އަންނާނޭ ފަހަރު: ރައީސް

މިއަހަރުގެ ރިޔާސީ އިންތިޚާބުގައިވެސް ދެވަނަ ބުރެއް ނޯންނާނެ ކަމަށާއި، މިއީ އަނެއްކާވެސް އެމްޑީޕީ ދެވަނަ ބުރެއް ނެތި ވެރިކަމަށް އަންނާނޭ ފަހަރު ކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، އެމްޑީޕީގެ އުފާވެރިއަމާން ރާއްޖެ ކެމްޕޭނުގައި، އެމްޑީޕީގެ މެނިފެސްޓޯގައި ހިމެނޭ އިޤުތިޞާދީ ސިޔާސަތުތައް ޙާމަކުރުމަށް، "ޒަމާނަކުން އައި ޒަމާނެކޭ"ގެ ނަމުގައި މިރޭ ސޯޝަލް ސެންޓަރުގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.

ރައީސް ވިދާޅުވީ، މިއިންތިޚާބުގެ ކެމްޕޭނުގައި ރާއްޖޭގެ ވަރަށް ގިނަ ރަށްރަށަށް ދަތުރުކުރެވިފައިވާ ކަމަށާއި، އެވާހަކަތައް ދަންނަވަނީ ސަބަބެއް ނެތި ނޫންކަމަށެވެ. މިގޮތުން ވަޑައިގެންނެވުނު ކޮންމެ ރަށަކުންވެސް ފެނިވަޑައިގަތީ އެނބުރި އަނިޔާވެރިކަމުގެ ތެރެއަށް ދާން ރައްޔިތުން ބޭނުން ނުވާ މަންޒަރުކަމުގައި އެމަނިކުފާނު ވިދާޅުވިއެވެ. 

"ބޭނުން ވަނީ އުފާވެރި އަމާން ރާއްޖެއެއް ހޯދުމަށްޓަކައި، އަޅުގަނޑުމެން ފަށާފައިވާ މިމަސައްކަތް، ގެންގޮސް ނިންމާލަން."

ރައީސުލްޖުމްހޫރިއްޔާގެ ވާހަކަފުޅުގައި 2018 ވަނަ އަހަރުގެ ރިޔާސީ އިންތިޚާބު އައިރު ރާއްޖޭގެ ޙާލަތު އޮތް ގޮތުގެ މައްޗަށްވެސް އަލި އަޅުއްވާލެއްވިއެވެ. މިގޮތުން އެމަނިކުފާނު ވިދާޅުވީ، ރައީސް ޔާމީނުގެ ސަރުކާރުން ދިޔައީ ވެރިކަމަށް ހޮވިދާނެހެން ހީވާކޮންމެ މީހަކު ގެންގޮސް ބަންދުކުރަމުން ކަމަށެވެ. އެގޮތުން ސިޔާސީ ވާހަކަ ދައްކާ ވެރިކަމުގެ ބަސް ބުނެފާނެހެން ހީވާ ކޮންމެ މީހަކު ގެންގޮސް ބޭތިއްބީ ޖަލުގައި ކަން ރައީސް ފާހަގަކުރެއްވިއެވެ.

ރައީސް ޞާލިޙް ވިދާޅުވީ އެކަމަކު މިއަހަރު މިކުރިމަތިލަނީ ރާއްޖޭގެ ތާރީޚުގައި އެންމެ ގިނަ ކެންޑިޑޭޓުން ރިޔާސީ އިންތިޚާބުގައި ވާދަކުރާ ފަހަރާއި ކަމަށެވެ. އަދި ޚިޔާލުފާޅުކުރުމާއި މިނިވަންކަމަކީ، ވެރިކަމަށް އޮތް ހުރަހެއް ނޫންކަމަށާއި، މިސަރުކާރުން ސާފުކޮށްދިނީ އެކަންކަމުގައިވެސް ރައީސް ވިދާޅުވިއެވެ.

ރިޔާސީ އިންތިޚާބުގެ ކެމްޕޭނުގައި ރައީސުލްޖުމްހޫރިއްޔާ މިހާރު ވަނީ ރާއްޖޭގެ 100 ވުރެ ގިނަ ރަށަށް ވަޑައިގެންފައެވެ. ހޯމަދުވަހު އެމަނިކުފާނު މާޅޮސްމަޑުލުގެ ރަށްރަށަށް ފެއްޓެވި ކެމްޕޭން ދަތުރުފުޅު ނިންމަވާލެއްވުމަށްފަހުގައި މާލެ ވަޑައިގެންނެވީ މިއަދު އެވެ. އެމަނިކުފާނު މާޅޮސް މަޑުލު ދެކުނުބުރީގެ ހުރިހާ ރަށަކަށް ވަޑައިގެންނެވިއިރު، މާޅޮސްމަޑުލު އުތުރުބުރީގެ 6 ރަށެއް ފިޔަވައި ހުރިހާ ރަށަކަށްވެސް ވަޑައިގެންނެވިއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.