Advertisement

ފޮޓޯ: އައިލްސް

26 Aug 2023
ޚަބަރު

ބޮޑުފޮޅުދޫ ބިން ހިއްކަނީ، ރައްޔިތުންގެ އެތައް އަހަރެއްގެ އުންމީދަށް ނިމުމެއް

ބިންކުޑަވުމުގެ ސަބަބުން އިޤްތިޞާދީ ފުރުޞަތުތައް ހުއްޓިފައި އޮތް އއ.ބޮޑުފޮޅުދޫގެ ބިން ހިއްކުމުގެ ޢަމަލީ މަސައްކަތް ފަށައިފިއެވެ. މި ޕްރޮޖެކްޓް ކުރިއަށްގެންދަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީއާއި ހަވާލުކުރައްވައިގެންނެވެ.

އއ.ބޮޑުފޮޅުދޫއަކީ ބިން ކުޑަ ރަށެކެވެ. މި ރަށުގެ ބޮޑު މިނަކީ 8.7 ހެކްޓަރެވެ. ރަށުގެ އާބާދީއަކީ 800 ވަރަކަށް މީހުންނެވެ. ނަމަވެސް ރަށުގައި އުޅޭ މީހުންގެ އާބާދީ މިއަށްވުރެ މަދުވާނެއެވެ. 

މިމަޝްރޫޢުގެ ދަށުން ބޮޑުފޮޅުދޫގެ 12 ހެކްޓަރު ބިން ހިއްކާނެއެވެ. އަދި ހިއްކި ސަރަޙައްދުން 180 މީޓަރުގެ ސަރަޙައްދެއް ޙިމާޔަތްކުރާނެއެވެ. މި މަޝްރޫޢު ސަރުކާރުން އެމްޓީސީސީއާ ހަވާލުކުރައްވާފައިވަނީ 74 މިލިއަން ރުފިޔާއަށެވެ.  

ބޯހިޔާވަހިކަމުގެ މައްސަލަ ކުރިމަތިވެފައިވާ އެރަށުގައި، އިތުރު އިޤްތިޞާދީ ފުރުޞަތުތައްވެސް ފުޅާކުރުމަށް އޮތް ގޮންޖެހުމަކީ ބިން ނެތުމެވެ. އެހެންކަމުން ސަރުކާރުން ވަނީ އެރަށުގެ ބިން ހިއްކުން އެމްޓީސީސީއާ ހަވާލުކުރައްވާފައެވެ. ޢަމަލީ މަސައްކަތް ފެށުމަށް ބޭނުންވާ ސާމާނު އެރަށަށް ގެންގޮސްފައިވަނީ މިދިޔަ މަހުގެ ތެރޭގައެވެ. އަދި މިހާރު މިވަނީ ބިން ހިއްކާ ޑްރެޖަރު އެރަށަށް ގޮސް، ބިން ހިއްކުމުގެ ޢަމަލީ މަސައްކަތް ފަށާފައެވެ.

ބޮޑުފޮޅުދޫގެ ބިމަށް އިތުރުކުރެވޭ 12 ހެކްޓަރުގެ ބިން 12 ދުވަސް ތެރޭގައި ހިއްކާ ނިންމާލެވޭނެކަމަށް އެމްޓީސީސީއިން ބުނެއެވެ. 

1990 ވަނަ އަހަރުން ފެށިގެން ބޮޑުފޮޅުދޫއިން ދިރިއުޅުމަށްޓަކައި ގޯތި ދޫކޮށްފައެއް ނުވެއެވެ. ސަބަބަކީ ބިމުގެ ޖާގައިގެ ދަތިކަމެވެ. އެރަށުގައި މިހާރުވެސް އަމިއްލަ ބޯހިޔާވަހިކަން ބޭނުންވާ 150އަށްވުރެ ގިނަ މީހުން ތިބިކަމަށް ކައުންސިލުން ވިދާޅުވެއެވެ. އެހެންކަމުން އެރަށުގެ ބިން ހިއްކުމަކީ ރައްޔިތުން ވަރަށް ބޮޑަށް އުންމީދު ކޮށްގެން ތިބި ކަމެކެވެ. ބިން ހިއްކާ ނިމުމުން ގޯތި އެޅުމުގެ އިތުރުން ފްލެޓް ތަރައްޤީކޮށް ދޫކުރެއްވުމަށްވެސް ނިންމާފައިވާކަމަށް ކައުންސިލުން ވިދާޅުވެއެވެ.

މި ސަރުކާރުން ކުޑަ ރަށެއް ބޮޑު ރަށެއް ނުބައްލަވައި ކޮންމެ ރަށަކަށްވެސް ތަރައްޤީ ދަނީ ގެނެސްދެއްވަމުުންނެވެ. މިއީ މީގެ ކުރީގެ އެއްވެސް ސަރުކާރަކުން ކަން ކޮށްފައިވާ ގޮތެއްނޫނެވެ. 

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.