ސްޓެލްކޯއިން ހާމަކުރާ ގޮތުގައި މި ޕްރޮގްރާމްތައް ހިންގުމުގެ މައިގަނޑު މަގުސަދަކީ ސްޓެލްކޯގެ މުވައްޒަފުންނަކީ ދާއިރާތަކުން އެމްކިއުއޭއިން ކަނޑައަޅާފައިވާ މިނިމަމް ކޮލިފިކޭޝަން ހާސިލްކޮށް، އިލްމީ އަދި ފަންނީ ގޮތުން ގާބިލް އަދި ހުނަރުވެރި މުވައްޒަފުންތަކެއް ސްޓެލްކޯގައި ބިނާކުރުމެވެ.

މިޙަފްލާގައި ވާހަކަފުޅު ދައްކަވަމުން، ރައީސުލްޖުމްހޫރިއްޔާގެ ނައިބު ވިދާޅުވީ، ފެނަކީ އަސާސީ އެއްޗަކަށް ވާއިރު، އެމް.ޑަބްލިޔު.އެސް.ސީއިން މެދުކެނޑުމެއްނެތި ފޯރުވައިދެނީ ވަރަށް މުޙިއްމު އަސާސީ ޚިދުމަތެއް ކަމަށެވެ. އަދި މާލެ ސަރަހައްދާއި އަތޮޅުތަކުގެ ރަށްތައް ހިމެނޭ ގޮތުން މުޅި ރާއްޖޭގައި އެކުންފުނިން މިހާރުވެސް ގިނަ މަޝްރޫޢުތަކެއް ހިންގަމުންދާކަން އަދި އަތޮޅުތަކުގައި ފެނާއި ނަރުދަމާގެ ނިޒާމްތައް ޤާއިމްކޮށް ޚިދުމަތް ދިނުމުގައި އެމް.ޑަބުލިޔު.އެސް.ސީގެ ހީވާގި މުވައްޒަފުން ކުރައްވާ މަސައްކަތަށް އެމަނިކުފާނު ތަޢުރީފް ކުރެއްވިއެވެ. އަދި ކުންފުނިން މުވައްޒަފުންގެ ޚިދުމަތްތަކުގެ އަގު ވަޒަންކުރައްވައި މުހިއްމު ދާއިރާތަކުން އެވޯޑްތައް ދެއްވަމުންގެންދަވާތީ އެކަންވެސް ރައީސުލްޖުމްހޫރިއްޔާގެ ނައިބުގެ ވާހަކަފުޅުގައި ފާހަގަކުރެއްވިއެވެ.

އެމްއެންޑީއެފުން ބުނީ، މިރޭގެ 20:31 ހާއިރު އަލިފާން ރޯވީ މަކުނުދޫ، އަލްފާ ނަމަކަށް ކިޔާގޭގައި ކަމަށެވެ. އެމްއެންޑީއެފުން ބުނީ މިހާދިސާގައި އެއްވެސް މީހަކަށް އަނިޔާއެއް ވެފައި ނުވާކަމަށެވެ. އެގޭގައި ރޯވި އަލިފާން ނިއްވުމުގައި އެ ރަށު ކައުންސިލާއި ރައްޔިތުންނާއެކު އެ ރަށުގައި ޤާއިމްކޮށްފައި ހުންނަ ރާޑަރ ސްޓޭޝަނުގައި މަސައްކަތް ކުރާ ސިފައިން ހަރަކާތްތެރިވި ކަމުގައި އެމްއެންޑީއެފުން ބުނެފައިވެއެވެ.

އެމްއެންޑީއެފުން ހާމަކޮށްފައިވާ ގޮތުގައި، ރާއްޖެގެ ސަރަހައްދުން މިބޯޓު އަތުލާފައި ވަނީ، ވ.އަތޮޅުގެ އިރުން 109 ނޯޓިކަލް މޭލު ބޭރުން މެއި 24 ވަނަ ދުވަހުގައެވެ. އޭރު އެބޯޓުގައި، 6 ފަޅުވެރިން ތިއްބެވެ. މިބޯޓުގެ ނަމަކީ "ސަތަސަރާނި 06"އެވެ. އެމްއެންޑީއެފުން ބުނީ، އެމްްެއެންޑީއެފް ކޯސްޓްގާޑް ޝިޕް ޣާޒީއިން އަތުލައިގަތް ސްރީލަންކާގެ މި މަސް ބޯޓު  ބުރާސްފަތި ދުވަހު ހެނދުނު 06:00 ހާއިރު މާލެ ގެނެސް، ފުލުހުންނާ ހަވާލުކޮށްފައިވާ ކަމަށެވެ. ރާއްޖޭގެ ސަރަހައްދަށް ޤަވާއިދާއި ޚިލާފަށް ވަދެ އުޅޭ ބޯޓުތައް ދޭތެރެ ދޭތެރެއިން ސިފައިން އަތުލައިގަނެއެވެ.

މި ރަސްމިއްޔާތުގައި ރައީސުލްޖުމްހޫރިއްޔާގެ ނައިބު ވަނީ ޕަބްލިކް ސެކްޓަރ ކުރިއެރުވުމުގައި ޔޫ.އޭ.އީ.ގެ ސަރުކާރުން ރާއްޖެއަށް ވެދެއްވަމުން ގެންދަވާ އެއްބާރުލެއްވުމާއި އެހީތެރިކަން ފާހަގަކުރައްވައި އެކަމަށްޓަކައި ޝުކުރު އަދާކުރައްވާފައެވެ. ހަމައެއާއެކު އެމަނިކުފާނު ވަނީ، ޔޫއޭއީގެ ތަޖުރިބާއިން އުނގެނުމުގެ އަގުހުރި ފުރުޞަތު ޤަބޫލުކުރައްވައި، ޢާންމު ޚިދްމަތް ފޯރުކޮށްދިނުމާއި، ޕަބްލިކް ސެކްޓަރ އިޞްލާޙުކުރެއްވުމަށް މި ސަރުކާރުން ދެއްވާ އަހަންމިއްޔަތުކަމުގެ މައްޗަށް އަލިއަޅުއްވާލައްވައި ވާހަކަފުޅު ދައްކަވާފައެވެ.

ފުލުހުން ބުނީ މިހާދިސާގައި މަރުވެފައި ވަނީ އުމުރުން 35 އަހަރުގެ އިންޑިއާ މީހެއް ކަމަށެވެ. އަދި އޭނާ މާފަރު ޞިއްޙީ މަރުކަޒަށް ގެންދިޔައިރުވެސް އޮތީ މަރުވެފައި ކަމުގައި އެމަރުކަޒުގެ ޑޮކްޓަރުންނާއި ހަވާލާދީ ފުލުހުން ވަނީ ބުނެފައެވެ. ފުލުހުން ބުނީ މިހާދިސާ ހިނގާފައި ވަނީ މިއަދުގެ ހެނދުނު 9:27 ހާއިރުގައި ކަމަށެވެ. އަދި މިހާދިސާ އާއި ގުޅިގެން ބަލަންޖެހޭ ކަންކަން ބަލަމުންދާކަގައިވެސް ފުލުހުން ވަނީ ބުނެފައެވެ.

އެމްޓީސީސީގެ ފަރާތުން އެއްބަސްވުންތަކުގައި ސޮއެކުރެއްވީ، އެކުންފުނީގެ މެނޭޖިންގ ޑައިރެކްޓަރ އާދަމް އާޒިމެވެ. ފ.ނިލަންދޫ ބަނދަރު ތަރައްގީ ކުރުމުގެ މަޝްރޫޢު އެމްޓީސީސީ އާ ހަވާލުކޮފައި ވަނީ 66.9 މިލިޔަން ރުފިޔާ އަށެވެ. މަޝްރޫޢު ނިންމުމަށް ދީފައިވަނީ 510 ދުވަހުގެ މުއްދަތެކެވެ. ފ.ބިލެތްދޫ ބަނދަރު ތަރައްގީ ކުރުމުގެ މަޝްރޫޢު އެމްޓީސީސީ އާ ހަވާލުކޮށްފައި ވަނީ، 72.3 މިލިޔަން ރުފިޔާ އަށް 450 ދުވަހުގެ ތެރޭގައި މަސައްކަތް ނިންމާ ގޮތަށެވެ.

އަދި ފުލުހުންނަށް ލިބުނު މައުލޫމާތަކާއި ގުޅިގެން ހިންގި އެއޮޕަރޭޝަން މިހާރު ނިންމާލާފައިވާ ކަމުގައިވެސް ފުލުހުންގެ އިދާރާއިން ވަނީ ބުނެފައެވެ. ކަނޑުއަޑިއަށް މަސްތުވާތަކެތި ފައްތާފައި ހުރިކަމަށް ލިބުނު ރިޕޯޓާއި ގުޅިގެން ފުލުހުން އޮޕަރޭޝަނެއް ފެށީ މި މޭ މަހުގެ 18 ވަނަ ދުވަހުގައެވެ. މަސްތުވާތަކެތީގެ މިމައްސަލައާ ގުޅިގެން އަދި މިހާތަނަށް އެއްވެސް މީހަކު ހައްޔަރުކޮށްފައި ނުވާކަމުގައި ފުލުހުން ވަނީ ބުނެފައެވެ.

ރައީސް މައުމޫނު އިސްވެ ހުންނަވައި ތިންޕާޓީއެއް އުފެއްދެވިއެވެ. އެމަނިކުފާނު އެންމެ ފުރަތަމަ އުފެއްދެވިޕާޓީއަކީ، 2005 ވަނަ އަހަރު އުފެއްދެވި ދިވެހި ރައްޔިތުންގެ ޕާޓީއެވެ. ރައީސް މައުމޫނަށް 2008 ވަނަ އަހަރުގެ ރިޔާސީ އިންތިޚާބުގައި ނާކާމިޔާބުވެވަޑައިގެންނެވުމަށް ފަހުގައި، އެޕާޓީގެ ތެރޭގައި ހަމަނުޖެހުން ބޮޑުވެ ޒެޑް ޑިއާރްޕީގެ ނަމުގައި ވަކިފެކްޝަނެއް ހިންގެވުމަށްފަހު ފަހުން ރައީސް މައުމޫނު އިސްވެ ހުންނަވައި އުފެއްދެވީ، ޕްރޮގްރެސިވް ޕާޓީ އޮފް މޯލްޑިވުސް ޕީޕީއެމްއެވެ. ކޮއްކޯފުޅު ޔާމީނަށް 2013ގެ ވެރިކަން ހޯއްދަވައި ދެއްވުމުން، ރައީސް މައުމޫނުގެ އަތްޕުޅުން ޕާޓީ އަތުލެއްވީ ރައީސް ޔާމީނެވެ. ރައީސް މައުމޫނު އިސްވެ ހުންނަވައި، އެމްއާރްއެމް އުފެއްދެވީ މައުމޫން ރިފޯމް މޫވްމެންޓްގެ ނަމުގައި ސިޔާސީ ހަރަކާތެއް ހިންގެވުމަށްފަހުގައި 2019 ވަނަ އަހަރުގައެވެ.

މިއީ ރައީސް ނަޝީދު އިސްވެ ހުންނަވައި އެމްޑީޕީގެ ތެރޭގައި އުފެއްދެވި ފިކުރެއްގެ ދިރުމުގައި އިސްކޮށްތިއްބެވި ބޭފުޅުން އެމްޑީޕީން ވަކިވެ އުފައްދާ ޕާޓިއެކެވެ. އެފެކްޝަނާއި އެކު މަސައްކަތް ކުރި އެމްޑީޕީގެ ރައްޔިތުންގެ މަޖިލީހުގެ 1 މެމްބަރަކު ޕާޓީން ވަކިވެފައިވާ ކަމަށް އެމްޑީޕީގެ ފިޔަވަޅު އަޅާކޮމިޓީން ނިންމާފައި ވާއިރު، މިދިޔަ ބުދަ ދުވަހު އެފެކްޝަންގައި ހިމެނޭ އެމްޑީޕީގެ އިތުރު 12 މަޖިލިސް މެމްބަރަކު ވަނީ އެމްޑީޕީން ވަކިިވެވަޑައިގެންފައެވެ.

މިބައްދަލުވުމުގައި ކައުންސިލުން ނޮޅިވަރަންފަރަށް އެންމެ ބޭނުންވެފައިވާ ކަންކަމުގެ ތެރޭގައި، މަގުހެދުމާއި ނެރު ފުންކުރުމުގެ މަސައްކަތް ފާހަގަކުރެއްވިއެވެ. މީގެ އިތުރުން ސްކޫލުގެ ޖާގަ އިތުރުކުރުމާއި، ޞިއްޚީ ޚިދުމަތާއި، ކުޅިވަރުކުޅުމުގެ ވަޞީލަތްތައް އިތުރަށް ތަރައްޤީކުރަން ބޭނުންވާކަން ކައުންސިލުން ފާހަގަކުރެއްވިއެވެ. އަދި ނޮޅިވަރަންފަރަކީ، 3 ރަށަކުން މީހުން ހިޖުރަކޮށްފައިވާ ރަށަކަށް ވުމާއިއެކު ކައުންސިލް އިދާރާގައި އިދާރީ މުވައްޒަފުންގެ ގޮތުގައި 40 ވުރެ ގިނަ މުވައްޒަފުން ތިބިކަން ފާހަގަކުރައްވައި މުސާރައިގެ އޮނިގަނޑުގައި މިހާރުހުރި މައްސަލަތައްވެސް ކައުންސިލުން ފާހަގަކުރެއްވިއެވެ.

ރައްޔިތުންގެ މަޖިލީހުގެ ނައިބު ރައީސާގެ މަޤާމުން އީވާ ވަކިކުރުމަށް ބޭނުންވަނީ 43 މެމްބަރުންގެ ވޯޓުކަމަށް ވާއިރު، އީވާގެ އިތުބާރު ނެތްކަމުގެ މައްސަލައިގައި 50 މެމްބަރުން ސޮއެކުރައްވާފައިވެއެވެ. ރައީސް ނަޝީދު މަޖިލީހުގެ ރައީސް ކަމުގެ މަޤާމުން ވަކި ނުކުރެވޭނެކަމުގައި އެމަނިކުފާނު ވިދާޅުވެފައި ވާއިރު، ރައީސް ނަޝީދުގެ އެވިދާޅުވުން އެއްވެސް އަސާސެއްގެ މައްޗަށް ބިނާކުރައްވާފައެއް ނުވެއެވެ. އެމްޑީޕީގެ މަޖިލިސް މެމްބަރުންގެ ތެރޭގައި 54 މެމްބަރުން ތިއްބަވާއިރު އެމެމްބަރުންގެ ތެރޭގައި ރައީސް ނަޝިދަށް ތާއީދުކުރައްވައިގެން ތިއްބެވި މެމްބަރުންނެއް ނެތެވެ.

އީވާ މަޖިލީހުގެ ނައިބު ރައީސާ ކަމުގެ މަޤާމުން ވަކިކުރަން ބޭނުން ވަނީ، 43 މެމްބަރުންގެ ވޯޓެވެ. އެހެން ނަމަވެސް އެމައްސަލަ އެމްޑީޕީން މަޖިލީހަށް ވެއްދީވެސް އިތުބާރު ނެތްކަމުގެ މައްސަލަ ފާސްކުރެވޭނެ އަދަދަށް ވުރެވެސް އިތުރު މެމްބަރުންގެ ސޮޔާއެކުގައެވެ. މިގޮތުން މަޖިލީހުގައި އެމްޑީޕީގެ 56 މެމްބަރުން ތިއްބަވާއިރު، އީވާގެ އިތުބާރުނެތްކަމުގެ މައްސަލަ މަޖިލީހަށް ވެއްދީވެސް 50 މެމްބަރުންގެ ސޮޔާއެކުގައެވެ. އެހެންކަމުން ރައްޔިތުންގެ މަޖިލީހުގެ ނައިބު ރައީސާގެ މަޤާމުން އީވާ ވަކިކުރާނެ ކަމަކީ ޔަޤީންވާކަމެއް ކަމުގައި ސިޔާސީ ދާއިރާގެ ބޭފުޅުން ވިދާޅުވެއެވެ.

ފުލުހުންގެ އިދާރާއިން ވިދާޅުވީ، ކ. މާލެ / މއ. ނައިޓްވިލާ، އިބްރާހީމް ޢަބްދުﷲ (32އ) 30 ދުވަހުގެ މުއްދަތަށް ބަންދުކުރުމަށް ކްރިމިނަލް ކޯޓުން ބަންދުގެ މުއްދަތު ޖަހައިދީފައިވާ ކަމަށެވެ. ފުލުހުން އޭނާ ހައްޔަރުކުރީ، ފުލުހުން އޭނާ ހޯދުމަށް އާއްމުކޮށް އިޢުލާނުކޮށްފައި ވަނިކޮށް ފިލައިގެން އުޅުމަށް ފަހުގައި، އިއްޔެ އަމިއްލައަށް ފުލުހުންގެ އިދާރާއަށް ހާޟިރު ވުމުންނެވެ.

ރައީސުލްޖުމްހޫރިއްޔާގެ ޚާއްސަސްކޮލަރޝިޕް ދެއްވުމުގެ ބޭނުމަކީ މަތީ ސާނަވީ މަރުޙަލާގައި ކިޔަވާ ދަރިވަރުންނަށް ކިޔެވުމަށް ބާރުއެޅުއްވުމާއި، ރަނގަޅު ނަތީޖާ ހޯދުމަށް ހިތްވަރުދެއްވުމެވެ. ރައީސުލްޖުމްހޫރިއްޔާގެ ޚާއްސަ ސްކޮލަރޝިޕް ދެއްވަނީ ފުރަތަމަ ޑިގްރީއަށް ކިޔެވުމަށް ނުވަތަ ފުރަތަމަ ޑިގްރީއަށްވުރެ ދަށުގެ ސަނަދަކަށް ކިޔެވުމަށެވެ. މި ސްކޮލަރޝިޕްގައި ދަރިވަރު ބޭނުންވާ ކޮންމެ ދާއިރާއަކުން ކިޔެވުމުގެ ފުރުސަތު ލިބޭނެއެވެ. މި ސްކޮލަރޝިޕްތައް ދީފައިވަނީ އިސްލާމާއި ދިވެހި ހިމެނޭގޮތަށް 5 މާއްދާއިން އޭ.ސްޓަރ ޙާޞިލްކޮށްފައިވާ ނުވަތަ ޝަހާދާ ސާނަވިއްޔާ އިމްތިޙާނުގައި ބައިވެރިވެ ހުރިހާ މާއްދާއަކުން އޭ.ސްޓަރ ހާސިލްކޮށްފައިވާ ދަރިވަރުންނަށެވެ. އަދި ޖީސީއީ އޯލެވެލް / އައިޖީސީއެސްސީ ނުވަތަ އެއާ އެއް ފެންވަރުގެ އިމްތިހާނަކުން އިނގިރޭސިން "ސީ" އިން ފެށިގެން މަތީ ގްރޭޑް ލިބިފައިވާ ދަރިވަރުންވެސް މީގެތެރޭގައި ހިމެނެއެވެ.