Advertisement
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް --
ރިޔާސީ އިންތިޚާބުގެ ކެމްޕޭނުގައި މާލެއިން އުތުރުގެ ހުރިހާ ރަށަކަށް ރައީސުލްޖުމްހޫރިއްޔާ ވަޑައިގެންފި
ރިޔާސީ އިންތިޚާބުގެ ކެމްޕޭނުގައި މާލެއިން އުތުރުގެ ހުރިހާ ރަށަކަށް ރައީސުލްޖުމްހޫރިއްޔާ ވަޑައިގެންފިއެވެ.
އެމަނިކުފާނު މިހަފްތާގައި ވަނީ، ހދ. އަތޮޅާއި ރ. އަތޮޅުގެ ބައެއް ރަށްރަށަށް ޒިޔާރަތްކުރައްވާފައެވެ. ހދ. އަތޮޅާއި ރ.އަތޮޅަށް ކުރެއްވި ކެމްޕޭން ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ އެނބުރި މާލެ ވަޑައިގެންނެވީ މިރޭގައެވެ.
ރިޔާސީ އިންތިޚާބުގެ ކެމްޕޭނުގައި މާލެއިން އުތުރުގެ އެންމެ ފަހުރަށަކަށް އެމަނިކުފާނު ވަޑައިގެންނެވީ، ރ. އަލިފުއްޓަށެވެ. ރިޔާސީ އިންތިޚާބުގެ ކެމްޕޭނުގައި ރައީސުލްޖުމްހޫރިއްޔާ ވަނީ، ރާއްޖޭގެ މީހުން ދިރިއުޅޭ 187 ރަށުގެ ތެރެއިން މިހާތަނަށް 130 ވުރެ ގިނަ ރަށަށް ވަޑައިގެންފައެވެ. އެހުރިހާ ރަށެއްގެ ރައްޔިތުންނާއިވެސް ބައްދަލު ކުރައްވައި، އެރަށްރަށުގެ ތަރައްޤީއަށް އެމަނިކުފާނުގެ ރިޔާސީ ދެވަނަ ދައުރުގައި ކޮށްދެއްވާނެ ކަންކަން އެމަނިކުފާނު ވަނީ ޢިއުލާނުކޮށްދެއްވާފައެވެ.
މީގެ އިތުރުން، ރަށްރަށުގައި ސަރުކާރުން ކުރިޔަށް ގެންދިޔަ މަޝްރޫޢުތަކުގެ ނިމުން ފާހަގަކޮށްދެއްވައި، ބައެއް ތަންތަން އެމަނިކުފާނު ވަނީ ހުޅުއްވައިދެއްވާފައެވެ.
