Advertisement
ރިޔާސީ އިންތިޚާބުގެ ކެމްޕޭނުގައި، ހދ. އަތޮޅުގެ ބައެއް ރަށްރަށަށް ރައީސުލްޖުމްހޫރިއްޔާ ކުރައްވަމުން ގެންދަވާ ދަތުރުފުޅުގެ ތެރެއިން ---
ކެމްޕޭން ދަތުރުފުޅުގައި ރައީސް ހދ. އަތޮޅަށް ވަޑައިގެންފި
ރިޔާސީ އިންތިޚާބުގެ ކެމްޕޭނަށް، ހދ. އަތޮޅުގެ ބައެއް ރަށްރަށަށް ކުރައްވާ ދަތުރުފުޅެއް ރައީސުލްޖުމްހޫރިއްޔާ މިއަދު ފައްޓަވައިފިއެވެ.
ރައީސުލްޖުމްހޫރިއްޔާ އަތޮޅުތަކަށް ކުރައްވަމުން ގެންދަވާ ކެމްޕޭން ދަތުރުފުޅުގެ ތެރެއިން މިއަދު ވަނީ، ހދ. ހަނިމާދޫ އާއި، ނޮޅިވަރަންފަރު، އަދި ނޮޅިވަރަމާއި، ހިރިމަރަދޫ އަދި ފިނޭއަށް ވަޑައިގެންފައެވެ. މިރަށްރަށަށް ވަޑައިގެން ރައީސުލްޖުމްހޫރިއްޔާ ވަނީ ބަނދަރު ބައްދަލުވުންތައް ބާއްވަވައި ރައްޔިތުންނާއި ބައްދަލު ކުރައްވާފައެވެ.
މިދަތުރުފުޅުގައި މާދަމާ ރައީސުލްޖުމްހޫރިއްޔާ، ހދ. އަތޮޅުގެ އެހެން ބައެއް ރަށްރަށަށްވެސް މާދަމާ ވަޑައިގަންނަވާނެއެވެ.
ރިޔާސީ އިންތިޚާބުގެ ކެމްޕޭނުގައި ރައީސުލްޖުމްހޫރިއްޔާ މިހާރު ވަނީ، ރާއްޖޭގެ މީހުންދިރިއުޅޭ 187 ރަށުގެ ތެރެއިން 110 ވުރެ ގިނަ ރަށަށް ވަޑައިގެންފައެވެ. އަދި ރައްޔިތުންގެ ތާއީދާއިއެކު، މި ރިޔާސީ އިންތިޚާބު އެއްބުރުން ކާމިޔާބު ކުރެއްވޭނެ ކަމަށް ޔަޤީން ކުރައްވާ ކަމުގައިވެސް ރައީސުލްޖުމްހޫރިއްޔާ ވަނީ ވިދާޅުވެފައެވެ.
