Advertisement
ވިލުނުވެރި ކަނބަލުން ޕްރޮގްރާމް ނިންމުމުގެ ރަސްމިއްޔާތުގެ ތެރެއިން.
ވިލުނުވެރި ކަނބަލުން: އާންމު ދިރިއުޅުމުގެ ގިނަ ހުނަރުތަކެއް ކަނބަލުންނަށް
އާއްމު ދިރިއުޅުމުގެ ހުނަރުތައް ކަނބަލުންނަށް ދަސްކޮށްދިނުމަށް ކުރިއަށްގެންދިޔަ ވިލުނުވެރި ކަނބަލުންގެ ޕްރޮގްރާމް ނިމި ސެޓްފިކެޓް ހަވާލުކޮށްފި އެވެ. މި ޕްރޮގްރާމް ކުރިއަށްގެންގޮސްފައިވަނީ އާބަންކޯ އަދި އެމްއައިޓީ ގުޅިގެންނެވެ.
މި ޕްރޮގްރާމް 150 ކަނބަލަކު ވަނީ ފުރިހަމަކޮށްފައެވެ. މި ޕްރޮގްރާމަކީ އަންހެނުންނަށް ހާއްސަކޮށްގެން، އަންހެނުން ބާރުވެރިކުރުމަށް ކުރިއަށްގެންދެވުނު ޓްރެއިނިންގ ޕްރޮގްރާމެކެވެ.
މި ޕްރޮގްރާމްގައި އާއްމު ދިރިއުޅުމުގައި ގޭތެރޭގައި ބޭނުންކުރާ ހިފާގެންގުޅޭ ކަރަންޓުސާމާނު ރައްކާތެރިކޮށް ބޭނުންކުރާނެ ގޮތާއި، އެތަކެއްޗަށް ދިމާވާ ކުދިކުދި ކަރަންޓު މައްސަލަތަކަކީ ކޮބާކަމާއި އެ ކަންކަން ހައްލު ކުރާނެގޮތައް ވަނީ ދަސްކޮށްދީފައެވެ.
އާބަންކޯއިން ބުނީ ކުރިއަށް އޮތްތަނުގައިވެސް މިފަދަ ތަފާތު ޓްރެއިނިންގްތައް ކުރިއަން ގެންދަން ނިންމާފައިވާކަމަށެވެ.
