އެވީޑިއޯއިން ފެންނަ ގޮތުގައި އެމީހާ އޮޔާދިޔައިރު އޮތީ އުޑުތިލަމަތިންނެވެ. އަދި އޭނާ އަތުން ހަރަކާތްކުރާ މަންޒަރުވެސް އެވީޑިއޯއިން ފެނެއެވެ. އެމީހާ ސަލާމަތް ކުރުމަށް މޫދަށް އެރުނު ފުލުހުން ފުރަތަމަ މަސައްކަތްކުރީ އެމީހާ ހިލަތޮށީގެ ގާތަކު ތެރެއިން އެމީހާ ތޮށިމަތިން އެއްގަމަށް ނެގުމަށެވެ. އެހެން ނަމަވެސް އެކަން ކާމިޔާބުވާ ގޮތް ނުވުމުން އެމީހާ އެއްގަމަށް އެރުވީ، ޑިންގީއަކަށް އަރުވައިގެން ހުޅަނގު ބަނދަރުންނެވެ.

"ވަރލްޑް ޔޫތް ސްކިލްސް ޑޭ" ގެ ގޮތުގައި ދުނިޔޭގައި ފާހަގަކުރަމުން އަންނަނީ، ކޮންމެ އަހަރެއްގެވެސް ޖުލައި މަހުގެ 15 ވަނަ ދުވަހެވެ. މިދުވަސް ފާހަގަކުރަނީ، ޒުވާނުންގެ ކިބައިގައި ހުރި ހުނަރުތައް ތަރައްޤީކުރުމާއި އައު ހުނަރުތައް ދަސްކުރުމަށް ބާރުއަޅައި، ހުނަރުވެރި ޤާބިލު ޒުވާނުން ވަޒީފާއަށް ނުކުންނަ ނިސްބަތް އިތުރުކުރުމުގެ ގޮތުން އ.ދ.ގެ ޢާންމު މަޖިލީހުން 2014 ޑިސެންބަރު 18 ގައި ފާސްކޮށްފައިވާ ޤަރާރާ ގުޅިގެންނެވެ.

ރައީސުލްޖުމްހޫރިއްޔާ މިގޮތަށް ނިންމެވީ، ނުކުޅެދުންތެރިކަން ހުންނަ ފަރާތްތަކަށް ދެވޭ މާލީ އެހީ މުރާޖަޢާކުރެއްވުމާ ގުޅޭގޮތުން މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސްއިން ހުށަހެޅުއްވި ކަރުދާހަށް މިއަދު ބޭއްވި ވަޒީރުންގެ މަޖިލީހުގެ ޖަލްސާގައި މަޝްވަރާކުރެއްވުމަށްފަހު، އެ މަޖިލީހުގެ ލަފާފުޅުގެމަތިންކަމުގައި ރައީސުލްޖުމްހޫރިއްޔާގެ އޮފީހުން ވިދާޅުވެއެވެ. އެއޮފީހުން ވިދާޅުވީ، ނުކުޅެދުންތެރިކަން ހުންނަ ފަރާތްތަކަށް ދެވޭ މާލީ އެހީއާ ގުޅޭގޮތުން ނިންމެވި ނިންމެވުމާ ގުޅޭ ތަފްޞީލުތައް ސަރުކާރުން ހާމަކުރައްވާނެކަމަށެވެ.

ރައީސުލްޖުމްހޫރިއްޔާގެ އޮފީހުގައި މި ތަޢުޒިޔާގެ ދަފްތަރު ހުޅުއްވާފައި ވަނީ، މިއަދު ހެނދުނުގައެވެ. ތަޢުޒިޔާގެ ދަފްތަރު ހުޅުއްވައި ދެއްވައި ރައީސުލްޖުމްހޫރިއްޔާ އިބްރާހީމް މުޙައްމަދި ޞާލިޙާއި ރައީސުލްޖުމްހޫރިއްޔާގެ ނައިބު ފައިޞަލް ނަޞީމްވަނީ އެ ދަފްތަރުގައި ލިޔުއްވައި ސޮއިކުރައްވާފައެވެ. މީގެ އިތުރުން ރައީސުލްޖުމްހޫރިއްޔާ އާއި ރައީސުލްޖުމްހޫރިއްޔާގެ ނައިބު ވަނީ، އަލްމަރްހޫމް ޢަބުދުﷲ ޖަމީލްގެ އާއިލާއާ ބައްދަލުކުރައްވައި އެބޭފުޅުންނަށް އިޚްލާސްތެރި ތަޢުޒިޔާ ވިދާޅުވެފައެވެ. މި ބައްދަލުކުރެއްވުމުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި 54 އަހަރުގެ ދިގު މުއްދަތަކަށް މަރްޙޫމް ޢަބްދުﷲ ޖަމީލް (ނ.ޢ.ޢ.ވ) ދަޢުލަތަށް ކޮށްދެއްވާފައިވާ ޚިދުމަތްތަކުގެ ހަނދާންތައް އައުކުރެއްވިއެވެ. މަރްޙޫމްގެ ޚިދުމަތްތަކުގެ ހަނދާންތައް އައުކުރައްވަމުން ރައީސުލްޖުމްހޫރިއްޔާ ވިދާޅުވީ ގެއްލިގެން އެދިޔައީ ދަޢުލަތާއި މުޅި ޤައުމުގެ ޚިދުމަތްތެރިއެއް ކަމުގައެވެ.

މިނިސްޓްރީ އޮފް އެޑިޔުކޭޝަނުން ހާމަކުރައްވާފައިވާ ގޮތުގައި، 1484 ހެލްޕްލައިންގެ ޚިދުމަތް ރަސްމީކޮށް ފެށުމަށް ހަމަޖައްސާފައި ވަނީ ޖޫން މަހުގެ 18 ވަނަ ދުވަހުން ފެށިގެންނެވެ. މިހެލްޕްލައިންގެ ޚިދުމަތް ލިބެމުންދާނީ، ހުކުރުދުވަސް ފިޔަވައި ބަންދުނޫން ދުވަސްތަކުގައި މެންދުރުފަހު 3:00 އިން ރޭގަނޑު 9:00އަށެވެ. އެޑިޔުކޭޝަން މިނިސްޓްރީގެ އިސްނެގުމާއި އެކު މި ހެލްޕްލައިން ޤާއިމްކޮށްފައި ވަނީ، ޔުނިސެފާއި، ޑަބްލިޔުއެޗްއޯ އަދި ދިވެހި ރެޑްކްރެސެންޓްގެ އެހީތެރިކަމާއި އެކުގައެވެ.

މި ބައްދަލުކުރެއްވުމުގައި ރައީސުލްޖުމްހޫރިއްޔާއާ ސޭޝެލްސްގެ ރައީސް ވަނީ ދެ ޤައުމުގެ ދެމެދު އޮންނަ ގުޅުމުގެ މައްޗަށް އަލިއަޅުވާލައްވައި ވާހަކަފުޅު ދައްކަވާފައެވެ. އަދި ސޭޝެލްސްގެ ރައީސް ރާއްޖެއަށް ކުރެއްވި ފުރަމާނަ ދަތުރުފުޅަކީ އެޤައުމުގެ އިސްވެރިއަކު ރާއްޖެއަށް ކުރެއްވި ފުރަތަމަ ދަތުރުފުޅުކަމުގައިވާތީ މިއީ ވަރަށް ތާރީޚީ ދަތުރުފުޅެއްކަން ފާހަގަކުރެއްވިއެވެ. ރައީސުލްޖުމްހޫރިއްޔާ ދެއްކެވި ވާހަކަފުޅުގައި އެމަނިކުފާނު 2019 ވަނަ އަހަރު ސޭޝަލްސްއަށް ކުރެއްވި ދަތުރުފުޅުގެ ހަނދާންތައް އާ ކުރައްވަމުން އެދަތުރުފުޅަކީ ދެޤައުމުގެ ގުޅުން އިތުރަށް ބަދަހިވެގެންދިއުމަށް ކުރިއަށް އެޅިގެންދިޔަ ފިވަޅެއްކަން ފާހަގަކުރެއްވިއެވެ.

މިއެއްބަސްވުންތަކުގައި ސޮއިކުރެއްވުމުގެ ރަސްމިއްޔާތުގައި، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި، ސޭޝެލްސްގެ ރައީސް، ވޭވަލް ރާމްކަލާވަން ބައިވެރިވެވަޑައިގެންނެވިއެވެ. ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި މިއެއްބަސްވުންތަކުން ހާމަވެގެންދަނީ، ދިވެހިރާއްޖެއާ ސޭޝެލްސްގެ ގުޅުން ބަދަހިވަމުންދާކަން ކަމަށެވެ.

އެމަނިކުފާނު މިހެން ވިދާޅުވީ، ސޭޝެލްސްގެ ރައީސް މިހާރު ރާއްޖެއަށް ކުރައްވަމުން ގެންދަވާ ފުރަމާނަ ދަތުރުފުޅުގެ ތެރެއިން، މިއަދު ބޭއްވި ރަސްމީ މަޝްވަރާތަކާއި އެއްބަސްވުންތަކުގައި ސޮއެކުރުމުގެ ރަސްމިއްޔާތަށް ފަހު ދެބޭފުޅުން ދެއްވި ގުޅިފައިވާ ބަޔާނުގައެވެ. ރައީސުލްޖުމްހޫރިއްޔާ ވިދާޅުވީ،  ރާއްޖެއާއި ސީޝެލްސްއާ ދެމެދު ވައިގެ ދަތުރުފަތުރުގެ ޚިދުމަތްތައް ފެށުމާ ގުޅޭ އެއްބަސްވުމެއްގައި މިއަދު ސޮއިކުރެވިގެން ދިޔުމަކީ، އަޅުގަނޑު ނުހަނު އުފަލާއެކު ފާހަގަކުރާ ކަމެއް ކަމަށެވެ. އަދި މި އެއްބަސްވުމުގެ ސަބަބުން ދިވެހިރާއްޖެއާއި ސީޝެލްސްއާ ދެމެދުގައި ހިނގާ ވިޔަފާރީގެ މުޢާމަލާތްތައް އިތުރުކުރުމަށް މަގުފަހިވެގެންދާނެ ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

މިބައްދަލުކުރެއްވުމުގައި ރައީސުލްޖުމްހޫރިއްޔާގެ އަނބިކަނބަލުން ދެއްކެވި ވާހަކަފުޅުގައި ވަނީ، ސޭޝެލްސްއާ ދިވެހިރާއްޖެއަކީ އެއްގޮތަށްވުރެ ގިނަ ގޮތުން އެއްގޮތް ކަންތައްތަކެއް ޙިއްޞާކުރާ ދެޤައުމުކަން ފާހަގަކުރައްވާފައެވެ. މީގެ އިތުރުން އެކަމަނާގެ ވާހަކަފުޅުގައި ވަނީ، ސީޝެލްސްގެ ރައީސްގެ އަނބިކަނބަލުން އެޤައުމުގެ ފަތުރުވެރިކަމުގެ ދާއިރާގައި ކުރައްވާފައިވާ ނަމޫނާ މަސައްކަތްތަކާއި ހޯއްދަވާފައިވާ ކާމިޔާބީތައް ފާހަގަކުރައްވައި، އެކަމަނާއަކީ އަންހެނުން އިސްނަގައި ކުރިއަށް ދިޔުމަށް ނަމޫނާ ކަނބަލެއް ކަމުގައި ވިދާޅުވިއެވެ.

ސީޝެލްސްގެ ރައީސްގެ ދެކަނބަލުންނަށް ރަސްމީ މަރުޙަބާ ދެންނެވުން އޮތީ، މިއަދު ހެނދުނު ޖުމްހޫރީ މައިދާނުގައެވެ. ސޭޝެލްސްގެ ރައީސްގެ ދެކަނބަލުންނަށް ޢިއްޒުއްދީން ފާލަމުން އިސްތިޤުބާލުކުރެއްވީ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އެމަނިކުފާނުގެ އަނބިކަނބަލުން ފަޒްނާ އަޙްމަދެވެ. އެއަށްފަހު، އެ ބޭފުޅުން ވަނީ ރާއްޖޭގެ ސްކޫލް ކުދިން އެބޭފުޅުންނަށް މަރުޙަބާ ދެންނެވުމުގެ ގޮތުން ހުށަހަޅައިދިން އައިޓަމެއް ބައްލަވާލައްވާފައެވެ. މި ރަސްމިއްޔާތުގައި، ރައީސުލްޖުމްހޫރިއްޔާއާ ސޭޝެލްސްގެ ރައީސް ޑަޔަސްއަށް އަރާވަޑައިގަތުމާއެކު، މޯލްޑިވްސް ނެޝަނަލް ޑިފެންސްފޯސް އިން 21 ބަޑީގެ ސަލާމެއް އެރުވިއެވެ. އަދި ޤައުމީ ދިފާއީބާރުގެ ބްރާސްބޭންޑުން ދިވެހިރާއްޖެއާއި ސޭޝެލްސްއާ ދެޤައުމުގެ ޤައުމީ ސަލާމް ކުޅުނެވެ. އެއަށްފަހު، ސޭޝެލްސްގެ ރައީސްގެ ޝަރަފުގައި އޮތް މޯލްޑިވްސް ނޭޝަނަލް ޑިފެންސް ފޯސްގެ ގާޑް އޮފް އޮނަރެއް، އެމަނިކުފާނު އިންސްޕެކްޓް ކޮށްދެއްވިއެވެ.

އިލެކްޝަންސް ކޮމިޝަނުގެ ނައިބު ރައީސް، އިސްމާއިލް ޙަބީބު ވިދާޅުވީ ސެޕްޓެމްބަރު 9 ވަނަ ދުވަހު އޮންނަ އިންތިހާބުގައި 282،672 މީހުންނަށް ވޯޓު ލެވޭނެ ކަމަށެވެ. އަލި ލިސްޓަށް ޝަކުވާ ހުށައެޅުމުގެ ފުރުޞަތު ޖޫން 22 ވާ ބުރާސްފަތި ދުވަހުގެ ނިޔަލަށް ހުޅުވާލެވިފައިވާ ކަމުގައިވެސް ޙަބީބު ވިދާޅުވިއެވެ.

ރައީސުލްޖުމްހޫރިއްޔާގެ އޮފީހުން ނެރުއްވި ދެންނެވުމުގައިވާ ގޮތުން، ދިވެހި ޤައުމީ ދިދަ ބައިދަނޑިއަށް ތިރިކޮށްފައި ބެހެއްޓުމަށް ނިންމަވާފައި ވަނީ، މާދަމާ މެންދުރު ފަހު 1:00އިން ފެށިގެން ޖޫން 15ވާ ބުރާސްފަތު ދުވަހުގެ މެންދުުރު 1:00އަށެވެ. ތަޢުޒިޔާގެ ދަފްތަރު ހުޅުއްވެވުމަށް ހަމަޖައްސާފައި ވަނީ، މި ޖޫން މަހުގެ 13ވާ އަންގާރަ ދުވަހުން ފެށިގެން 15ވާ ބުރާސްފަތި ދުވަހުގެ ނިޔަލަށް، ކޮންމެ ދުވަހަކު ހެނދުނު 10:00 ން މެންދުރުފަހު 1:00 އަށެވެ.

އަބުދުﷲ ޖަމީލުގެ މޫނުފުޅުދެއްކެވުމާއި، ކަށު ނަމާދު ކުރުން އޮތީ އިސްލާމީ މަރުކަޒުގައެވެ. އެމަނިކުފާނުގެ މައްޗަށް މަސްޖިދުލް ސުލްޠާން މުޙައްމަދު ތަކުރުފާނުލް އަޢުޒަމްގައި މިއަދުގެ ޢަޞްރު ނަމާދަށް ފަހު ކުރެވުނު ކަށުނަމާދުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި، ރައީސުލްޖުމްހޫރިއްޔާގެ ނައިބު ފައިޞަލް ނަސީމާއި، ޗީފް އޮފް ޑިފެންސް ފޯސް މޭޖަރ ޖެނެރަލް ޢަބުދުﷲ ޝަމާލް އާއި، ދައުލަތުގެ ވަޒީރުންނާއި ޢިއްޒަތްތެރިންނާއި ސަރުކާރުގެ މުއައްސަސާތަކުގެ މުވައްޒަފުންނާއި، ގިނަ އަދަދެއްގެ އާއްމު ރައްޔިތުން ބައިވެރިވިއެވެ.

ސޭޝެލްސްގެ ރައީސް ވޭވަލް ރަމްކަލަވަންގެ މި ދަތުރުފުޅުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި ބައްދަލުކުރައްވައި ދެ ޤައުމުގެ ދެމެދު ރަސްމީ ވާހަކަފުޅުތައް ބާއްވަވައި ދެ ޤައުމުގެ ގުޅުން އިތުރަށް ބަދަހިކުރުމާ ގުޅޭގޮތުން މަޝްވަރާކުރައްވާނެއެވެ. އަދި އެއަށްފަހު ދެ ޤައުމުގެ ދެމެދުގައި އެއްބަސްވުންތައް ބަދަލުކުރުމާއި ދެ ޤައުމުގެ ލީޑަރުން މަޝްވަރާކުރެއްވި ކަންކަމާއި ގުޅޭގޮތުން މީޑިޔާއަށް މަޢުލޫމާތު ދެއްވުމަށް ގުޅިފައިވާ ބަޔާނެއް ދެއްވުމަށް ހަމަޖެހިފައިވެއެވެ.

ރައީސް ނަޝީދު ޤާސިމް އިބްރާހީމަށް މަރުޚަބާ ވިދާޅުވި އިރު، ރޭ ބޭއްވި ޖުމްހޫރީ ޕާޓީގެ ޖަލްސާ ދިޔައީ ވަރަށް ވަނދުކޮށެވެ. ޖަލްސާއަށް މީހުން ހާޟިރު ނުވެގެން ދޮޅުގަޑި އިރަށްވުރެ ގިނަ އިރު ޖަލްސާ ނުފަށައިވެސް އޮތެވެ. އަދި ވަރަށް މަދު މީސްކޮޅަކާއި އެކު ޖަލްސާ ކުރިޔަށް ގެންދިޔައިރު، ޖަލްސާއިން ފެނިގެން ދިޔައީ ޤާސިމް އިބްރާހީމަށް ރިޔާސީ އިންތިޚާބު ކާމިޔާބު ނުވާނެ މަންޒަރުކަމަށް ސިޔާސީ ދާއިރާގެ ތަޖުރިބާކާރުން ވަނީ ވިދާޅުވެފައެވެ.

ރައީސުލްޖުމްހޫރިއްޔާގެ އޮފީހުން ބުނީ، ސޭޝެލްސްގެ ރައީސް ވޭވަލް ރަމްކަލަވަން އާއި އެމަނިކުފާނުގެ އަނބިކަނބަލުން ލިންޑާ ރަމްކަލަވަން ޖޫން މަހުގެ 11 އިން 14 އަށް ދިވެހިރާއްޖެއަށް ކުރައްވާ 4 ދުވަހުގެ ފުރަމާނަ ދަތުރުފުޅަކީ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ދަޢުވަތަކަށް ކުރައްވާ ދަތުރުފުޅެއްް ކަމަށެވެ.