Advertisement

މެލޭޝިއާގައި ބޭއްވި ކެމްޕެއިން ޖަލްސާގައި ބިގޭ ވާހަކަދައްކަނީ. ފޮޓޯ: އެމްޑީޕީ

04 Sep 2023
ޚަބަރު

ހިޔާލު ތަފާތު މީހުންނާއިއެކުވެސް ވެރިކަން ކުރެވޭނެ ލީޑަރަކީ ރައީސް އިބޫ: ބިގޭ

ހިޔާލު ތަފާތު އެންމެން ގޮވައިގެން އަދިވެސް ވެރިކަން ކުރެއްވޭނެ ލީޑަރަކީ ރައީސް އިބްރާހިމް މުހައްމަދު ސޯލިހް ކަމަށް އެމަނިކުފާނުގެ ކެމްޕޭން މެނޭޖަރު, އަލިފުށީ ދާއިރާގެ މެމްބަރު މުހައްމަދު ރަޝީދު ހުސެއިން (ބިގޭ) ވިދާޅުވެއްޖެ އެވެ. ބިގޭ މިހެން ވިދާޅުވީ، މެލޭޝިއާގައި އުޅޭ ދިވެހިންނާ އެކު ބޭއްވި ކެމްޕޭން ޖަލްސާގައި ވާހަކަދައްކަވަމުންނެވެ.

ބިގޭ ވިދާޅުވީ، ރައީސް އިބްރާހިމް މުހައްމަދު ސާލިހް އަކީ އެއްވެސް ރަށެއް އަދި އެއްވެސް ރައްޔިތެއް ތަފާތު ނުކުރެއްވި ރައީސްކަމަށެވެ. އެންމެ ކުދި އާބާދީތަކުގެ އަޑުވެސް އެއްސެވީ މި ސަރުކާރުންކަމަށް ބިގޭ ވިދާޅުވިއެވެ.  

އޭނާ ވިދާޅުވީ ވެރިކަމުގެ ދައުރުގެ ތެރޭގައި އެންމެ ބޮޑަށް ވައުދުތަކުގައި ނަތީޖާ ނެރެދެއްވި ލީޑަރަކީ ރައީސް ކަމަށެވެ. އެއާއެކު ގައުމު ހަމަނުޖެހުމުގެ ތެރެއަށް ވައްޓާނުލައި އެންމެން ގޮވައިގެން އުޅުއްވުނު ވެރިއަކު ވެސް އެމަނިކުފާނު ނޫނީ ނެތް ކަން މާޒީގެ ތަޖުރިބާއިން ސާފުވާން އޮތް ކަމަށް ވިދާޅުވި އެވެ.

"އަސާސީ ކަންތައްތަކުގެ އިތުރުން އަދި އުމްރާނީ ތަރައްގީއަށް ބެއްލެވިޔަސް ފަރުދީގޮތުން މީހެއް މީހަކަށް ހެދުމަށް ބޭނުންވާ ކަންކަން ފުރިހަމަކޮށްދިނުން ވިޔަސް ވަރަށް ރަނގަޅަށް މިސަރުކާރުގައި މި އަންނަނީ ފުއްދަމުން," ބިގޭ ވިދާޅުވި އެވެ.

ބިގޭ ވިދާޅުވީ މީގެ 38 އަހަރު ކުރިން 1985 ގައި ސިޔާސީ މަސައްކަތަށް ނުކުމެވަޑައިގެން ރައީސް އިބްރާހިމް މުހައްމަދު ސޯލިހާ އެކު ކުރެއްވި މަސައްކަތުގައި އެމަނިކުފާނު ފެނިވަޑައިގަތީ ކެތްތެރިކަމާއި ވިސްނުންތެރިކަމާ އެކު ކަންކަން ނިންމަވާ ތަން ކަމަށެވެ. ކަމެއް ނިންމެވުމުގެ ކުރިން އެންމެންގެ ވާހަކަ އަޑުއެއްސެވުމަށް ފަހު ސުލްހައަށް އިސްކަންދެއްވާ ކަމަށް ވިދާޅުވި އެވެ.

ރައީސް އިބޫއަކީ ކޯލިޝަންއަކާއިއެކު ވެރިކަން ކުރެވޭނެކަން ހާމަކޮށްދީފައިވާ ހަމައެކަނި ލީޑަރު ކަމަށް ބިގޭ ވަނީ ވިދާޅުވެފައެވެ. އެގޮތުން މާޒީގައި ފެނިފައިވަނީ ކޯލިޝަންގައި ތިއްބަވާ އެހެން ޕާޓްނަރުން މަގުމައްޗަށް ނުކުމެ ވެރިކަން ވައްޓާލުމަށް މަސައްކަތް ކުރާތަން ކަމަށާއި ނަމަވެސް ރައީސް އިބޫއަކީ ވައުދެއް ވެވަޑައިގެންފިއްޔާ އެ ވައުދަށް އިހްތިރާމްކުރައްވާ ބޭފުޅެއް ކަމަށެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.