Advertisement

22 Aug 2023
ޚަބަރު

ސިޔާސީ ހަމަޖެހުން ގެނެސްދިން ސަރުކާރެއް މިނޫނީ ނެތް: ހިސާން

ރައީސް އިބްރާހިމް މުހައްމަދު ސޯލިހްގެ ސަރުކާރުން ނޫނީ ރާއްޖެއަށް ސިޔާސީ ހަމަޖެހުން ގެނެސްދިން ސަރުކާރެއް މިހާތަަނަށް ނެތްކަމަށް ހިސާން ހުސައިން ވިދާޅުވެއްޖެއެވެ. އޭނާ މިހެން ވިދާޅުވީ، މަޖިލީހުގައި އޭނާ ނިސްބަތްވެ ވަޑައިގަންނަވާ ބ. ތުޅާދޫގައި ރޭ ބޭއްވި ޖަލްސާގައި ވާހަކަދައްކަވަމުންނެވެ. 

މި ޖަލްސާގައި ހިސާން ވަނީ އާ ގާނޫނުއަސާސީއަށް އަމަލުކުރަން ފެށީއްސުރެ ރާއްޖެއަށް ސިޔާސީ ހަމަޖެހުން ލިބިފައި އޮތީ ކޮން ސަރުކާރެއްގައިތޯ ސުވާލު ކުރައްވާފައެވެ. އޭނާ ވިދާޅުވީ، ތަރައްގީ އާއި ހާސިލުކުރަން ބޭނުންވާ މަގުސަދުތައް ސިޔާސީ ހަމަޖެހުމާ ނުލައި ހާސިލު ނުކުރެވޭނެ ކަމަށާއި، ހަމަނުޖެހުމުގެ ތެރެއިން ކުރިމަތިވާނީ އިތުރު ލަސްކަމެއް ކަމަށެވެ.

"މި ސަރުކާރު ނޫނީ މި ރާއްޖެއަކަށް ސިޔާސީ ހަމަޖެހުން ގެނެސްދެއްވާފައެއް ނެތް،"  ހިސާން ވިދާޅުވި އެވެ.

އޭނާ ވިދާޅުވީ ސަރުކާރު ބަދަލުވެއްޖެ ނަމަ، އަނެއްކާވެސް ސިޔާސީ ބާރުވެރިކަން ދެއްކުމާއި ފަސާދަ އާއި އަނިޔާވެރިކަމަށް ދޮރު ހުޅުވިގެން ދާނެ ކަމަށެވެ. އެހެންކަމުން އެމްޑީޕީން އިސްވެ އޮވެ ހިންގައި ސަރުކާރެއް ރާއްޖޭގައި އޮތުން މުހިންމުކަމަށް އޭނާ ވަނީ ވިދާޅުވެފައެވެ. 

ހިސާންވަނީ ރާއްޖޭގެ ހަމަޖެހުން ކަށަވަރުކޮށްދިނުމަށް ތުޅާދޫ ރައްޔިތުންގެ ވޯޓު މުހިންމުކަން ފާހަގަކުރައްވާފައެވެ. 

މި ދަތުރުފުޅުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ ބ. ތުޅާދޫގައި ސަރުކާރުން ހިންގާފައިވާ ތަރައްޤީގެ ބައެއް މަޝްރޫޢުތައް ވެސް އިފްތިތާޙްކޮށްދެއްވައިފިއެވެ. އެމަނިކުފާނު ވަނީ ތުޅާދޫ ގޮނޑުދޮށް ޙިމާޔަތްކުރުމުގެ މަޝްރޫޢާއި، އެރަށުގެ 100 ހައުސިންގ ޔުނިޓްގެ މަސައްކަތުގެ ނިމުން ފާހަގަކޮށްދެއްވައި، ފެނަކަ އައު އޮފީސް ހުޅުއްވައިދެއްވާފައެވެ.

ތުޅާދޫ ގޮނޑުދޮށް ޙިމާޔަތްކުރުމުގެ މަޝްރޫޢުގެ މަސައްކަތް ކޮށްފައި ވަނީ މޯލްޑިވްސް ޓްރާސްޕޯޓް އެންޑް ކޮންޓްރެކްޓިންގ ކޮމްޕެނީ (އެމް.ޓީ.ސީ.ސީ) އާ ޙަވާލުކޮށްގެންނެވެ. މި މަޝްރޫޢުގެ ދަށުން 140 މީޓަރުގެ ޖިއޯބޭގް ރިވެޓްމަންޓް އަދި 30 މީޓަރުގެ ޖިއޯބޭގް ގްރޮއިން ޖަހާފައިވެއެވެ.

ތުޅާދޫގައި ތަރައްޤީކުރި 100 ހައުސިންގ ޔުނިޓްގެ މަސައްކަތް ކޮށްފައިވަނީ ޖޮއިންޓް ވެންޗަރ އުސޫލުން ޕްރިސިޝަން އިންޖިނިއަރިން ސަރވިސަސް ޕްރައިވެޓް ލިމިޓެޑް އަދި ފްލެކްސްއިން ޕްރައިވެޓް ލިމިޓެޑުންނެވެ. މި ހައުސިންގ ޔުނިޓްތަކަކީ 3 ކޮޓަރީގެ އެޕާޓްމަންޓްތަކެކެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.