އިޒްރޭލުގެ ރައްޔިތުން ރާއްޖެއަށް ނުދިޔުމަށް އެޤައުމުގެ ފޮރިން މިނިސްޓްރީން އަންގައިފި

އިޒްރާއީލުގެ އަސްކަރިއްޔާއިން ކެނޑިނޭޅި ޣައްޒާއަަށް ވައިގެ މަގުން ދެމުންދާ ހަމަލާތަކާއި ގުޅިގެންނާއި، ހުޅަނގު އައްސޭރީގައި އިޒްރޭލު ސިފައިން ހިންގަމުންދާ ލާއިންސާނީ އަމަލުތަކާއި ގުޅިގެން އެކަމާއި ދެކޮޅު ހެދުމުގެ ގޮތުން ރާއްޖޭގައިވެސް ދަނީ ހަރަކާތްތައް ހިންގަމުންނެވެ. އަދި ރާއްޖެއިން ގެންދަނީ، ޣައްޒާގައި ތިބި ރައްޔިތުންނަށް، ކާބޯތަކެއްޗާއި ފައިސާގެ އެހީތައް ފޮނުވަމުންނެވެ. މީގެ އިތުރުން ރާއްޖެއިން ތިބީ ފަލަސްޠީނުގެ ރައްޔިތުންނާއި އެކުގައިކަން ހާމަކުރުމުގެ ގޮތުން ރާއްޖޭގެ އެކި ކަންކޮޅުތަކުގައި ދަނީ އެއްވުންތަކާއި، ހިނގާލުންތައް ބާއްވަމުންނެވެ. މިގޮތުން ފަލަސްޠީނުގެ ރައްޔިތުންނަށް ތާއީދުކޮށް ރާއްޖޭގައި ބާއްވާ އެންމެ ބޮޑު ހިނގާލުން މިއަދު ހަވީރު މާލޭގައި އޮންނާނެއެވެ.