މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 13 ވަނަ ދުވަސް، 19 އޮކްޓޯބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 އިސްރާއީލުގެ ޑިފެންސް މިނިސްޓަރު ވަނީ ޣައްޒާއަށް ވަނުމަށް ތައްޔާރަށް ތިބުމަށް، ޣައްޒާ ވަށާލާފާއިތިބި އިސްރާއީލުގެ ގްރައުންޑް ސިފައިންނަށް އަންގާފައި. 

🔴 އިސްރާއީލުން ޣައްޒާއަށް ދެމުންގެންދާ ބޮމުގެ ހަމަލާތައް ކުރިއަށްދާއިރު، ޣައްޒާ ސިޓީގެ މެދުތެރޭގައި ހުންނަ ޖަބަލިއާ ރެފިއުޖީ ކޭމްޕަކާއި ގްރީކް އޯތޮޑޮކްސް ޗާޗަކަށް ވަނީ ހަމަލާދީފައި.

🔴 އިސްރާއީލާއި ލުބުނާނާއި ދެމެދު، ލުބުނާނުގެ ބޯޑަރުގައި ބަދަލުކުރަމުންދާ ހަމަލާތައް ވެސް ވަރުގަދަވެފައިވާއިރު، އިސްރާއީލުން ބޯޑަރު ހުރަސްކޮށް ދިން ހަމަލާތަކުގައި ލުބުނާނުގެ އާންމު މީހަކު މަރުވެފައިވާކަމަށް އ.ދ. އިން ރިޕޯޓުކޮށްފައިވޭ.

🔴 ރަފާ ބޯޑަރު ހުރަސްކޮށް ޣައްޒާއަށް ފަސްޓް އެއިޑް ފޯރުކޮށްދިނުމަށް މިސްރުން ތައްޔާރުވަމުންދާކަމުގެ މައުލޫމާތު ލިބިފައިވީނަމަވެސް، މިކަން ހިނގާނެ ވަގުތެއް އަދި ހާމަކޮށްފައެއްނުވޭ.

🔴 ހިފާފައިވާ ހުޅަނގު އައްސޭރީގައި އިސްރާއީލުގެ ސިފައިން ހިންގަމުންދާ ގްރައުންޑް އޮޕަރޭޝަނުގައި ފާއިތުވި 24 ގަޑިއިރުގެ ތެރޭގައި ފަލަސްތީނުގެ ނުވަ މީހަކު މަރުވެފައިވާއިރު، އިތުރު އެތައް ބަޔަކު ހައްޔަރުކޮށްފައިވޭ. އެގޮތުން ހުޅަނގު އައްސޭރިން މަރާލި ފަލަސްތީނުގެ މީހުންގެ ޖުމްލަ އަދަދު މަދުވެގެން 75 އަށް އަރާ.

🔴 އިސްރާއީލާއި ހަމާސް ހަނގުރާމައިގެ އެންމެ އުނދަގޫ ދުވަސްތައް އަދި އޮތީ ކުރިމަތީގައިކަމަށް ބުނެ އުރުދުންގެ ފޮރިން މިނިސްޓަރު އައިމަން ސަފާދީ ވަނީ އިންޒާރު ދެއްވާފައި.

🔴 އިސްރާއީލަށް އަމާޒުކޮށްކަމަށް ބެލެވޭ، ޔަމަނުން ފޮނުވާލި މިސައިލްތަކަކާއި ޑްރޯންތަކެއް، މެދުއިރުމަތީގައި އޮތް އެމެރިކާގެ ހަނގުރާމަމަތީ މަނަވަރަކުން ވައްޓާލައިފި.