ދިވެހިރާއްޖޭ އާއި މޮންގޯލިއާއާއި، ދެމެދު ވިސާ ވެއިވަރ އެއްބަސްވުމުގައި ސޮއިކޮށްފިއެވެ. މިއެއްބަސްވުމުގެ ދަށުން، ދުރާލާ ވިސާ ނެގުމަކާއި ނުލައި ދިވެހިންނަށް މޮންގޯލިއާއަށް 30 ދުވަހުގެ މުއްދަތަކަށް އެތެރެވެވޭނެއެވެ. އަދި މޮންގޯލިއާ ރައްޔިތުންނަށް ވެސް ވިސާނެގުމެއް ނެތި 30 ދުވަހުގެ މުއްދަތަކަށް ދިވެހިރާއްޖެއަށް ދަތުރުކުރެވޭނެއެވެ.

އެމަނިކުފާނަށް ވެރިކަން ލިބިވަޑައިގެންފިނަމަ، ދިރާސީ އަހަރުގެ ކިޔެވުން ފެށުން 2025 ވަނަ އަހަރުން ފެށިގެން ޖެނުއަރީމަށް ބަދަލުކުރައްވާނެ ކަމުގައި ޑރ މުޙައްމަދު މުޢިއްޒު ވިދާޅުވީ، ދ ކުޑަހުވަދޫގައި ބޭއްވި ކެމްޕޭން ބައްދަލުވުމެއްގައެވެ. ދިރާސީ އަހަރުގެ ކިޔެވުން ޖެނުއަރީއަށް ބަދަލުކުރައްވާނެ ކަމުގައި މުޢިއްޒު ވިދާޅުވުމާއި ގުޅިގެން ރާއްޖޭގެ ރިޒޯޓުތަކުގައި މަސައްކަތްކުރާ ދިވެހި މުވައްޒަފުންގެ ޖަމިއްޔާ، ޓީމުން ވަނީ މުޢިއްޒަށް ފާޑު ކިޔާފައެވެ. ރާއްޖޭގެ ފަތުރުވެރިކަމުގެ ސިނާޢަތުގައި މަސައްކަތް ކުރާ އެތައް ހާސް މުވައްޒަފުންނެއް އެބަތިއްބެވެ.

އާބަންކޯއިން ވަނީ، ފަޅުތެރޭގައި އަޅާފައިވާ އުޅަނދުތަކާއި އަޑިޔަށް ގޮސްފައިވާ އުޅަނދުތައް ނެގުމަށް މިއަދުން ފެށިގެން 10 ދުވަހުގެ މުއްދަތެއް ދީފައެވެ. އަދި އެކުންފުނިން ބުނީ، އެއުޅަނދުތަކުގެ ވެރިފަރާތްތަކުން، 1516 ހޮޓްލައިނަށް ގުޅުއްވައި މައުލޫމާތު ސާފުކުރެއްވުމަށްފަހުގައި އުޅަނދުތައް ފަޅުތެރެއިން ނެގުމުގެ މަސައްކަތް ކުރިޔަށް ގެންދިޔުމަށް އެދޭ ކަމަށެވެ.

ރާއްޖޭގެ 24 ރަށެއްގައި، 40 މެގަވޮޓް އަވާގެ ބެޓަރީ އެނާޖީ ސްޓޯރޭޖް ސިސްޓަމް ގާއިމްކުރުމަށް ބަޔަކާ ހަވާލުކޮށްފި އެވެ.

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް، އަރިއަތޮޅު އުތުރުބުރީ ފެރިދޫ ޞިއްޙީމަރުކަޒަށް އިތުރުކުރެވުނު އައު ޢިމާރާތް ހުޅުއްވައިދެއްވައިފިއެވެ.

ނުކުޅެދުންތެރިކަން ހުންނަ ކުދިންނަށް، ހާއްސަކޮށްގެން މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ކުރިއަށްގެންދިޔަ އިންޓާންޝިޕް ޕްރޮގްރާމް ނިންމާލައިފިއެވެ.

ހޮސްޕިޓަލުން ކުއްޖާގެ ފުރާނަ ނެތް މަސްގަނޑު ނެރުނު އިރު ވެސް އާއިލާއަށް ކުއްޖާގެ ކަރު ވަކިވެފައިވާކަން ނޭނގޭކަމަށް އާއިލާއިން ފާހަގަކުރެއެވެ. އަދި މިކަން ހާމަވީ ޖަނާޒާގެ ކަންކަން ފެށި ފަހުން ކަމަށް އާއިލާއިން ބުނެއެވެ.

އައިޖީއެމްއެޗްގެ އޮންކޮލޮޖީ ވޯޑު ތަރައްޤީކޮށްފައި ވަނީ، ބޭންކް އޮފް މޯލްޑިވްސްއިން އެކުންފުނީގެ އަހަރީ ދުވަހާއި ގުޅުވައިގެން އެހޮސްޕިޓަލަށް ފޯރުކޮށްދިން މާލީ އެހީގެ އިތުރުން ހޮސްޕިޓަލުގެ ބަޖެޓުން ޚަރަދުކޮށްގެންނެވެ. އޮންކޮލޮޖީ ވޯޑު ހުޅުއްވައިދެއްވުމަށްފަހު، ރައީސުލްޖުމްހޫރިއްޔާގެ ނައިބު އެ ވޯޑުގެ ޚިދުމަތްތައް ހަމަޖެހިފައި ހުރިގޮތް ބައްލަވާލައްވައި މަޢުލޫމާތު އޮޅުން ފިލުއްވެވިއެވެ.

މަތިވެރީ ފެނުގެ ނިޒާމް ޤާއިމްކުރުމުގެ މަސައްކަތްކޮށްފައި ވަނީ، މާލޭ ވޯޓަރ އެންޑް ސްވަރޭޖް ކޮމްޕެނީ (އެމް.ޑަބްލިއު.އެސް.ސީ)އާ ހަވާލުކޮށްގެންނެވެ. މިމަޝްރޫޢުގެ މަސައްކަތް ނިންމައި މިހާރު ވަނީ ގޭގެއަށް ފެނުގެ ކަނެކްޝަންތައް ގުޅައިދީފައެވެ.

ރައީސުލްޖުމްހޫރިއްޔާގެ ކެމްޕޭން ދަތުރުފުޅުގައި އެމަނިކުފާނުގެ އަރިހުގައި ކޯލިޝަން ޕާޓީތައް ކަމުގައިވާ އަދާލަތު ޕާޓިއާ އެމްޑިއޭގެ އިސް ބޭފުޅުން ބައިވެރިވެވަޑައިގަންނަވައެވެ. ރައީސުލްޖުމްހޫރިއްޔާގެ މިދަތުރުފުޅުގައި މިއަދު އެންމެ ފުރަތަމަ ވަޑައިގެންނެވީ އއ. ތޮއްޑޫއަށެވެ. އޭގެ ފަހުން، ރަސްދޫ، ބޮޑުފޮޅުދޫއަށް ވަޑައިގެންނެވިއެވެ. އެމަނިކުފާނު ވަނީ، ބޮޑުފުޅުދޫގައި ސަރުކާރުން އަޅާފައިވާ ފުޓުބޯޅަ ދަނޑާއި، ވޮލީކޯޓް ހުޅުއްވައި ދެއްވާފައެވެ.

މޯލްޑިވިއަނުން މުޅިން އަލަށް އިންޑިއާގެ ބެންގަލޫރަށް ދަތުރު ފެށުމަށް ތައްޔާރުވެއްޖެއެވެ. މޯލްޑިވިއަން ހިންގާ އައިލެންޑް އޭވިއޭޝަނުން ބުނީ ބެންގަލޫރަށް ދަތުރު ފެށުމަށް ހަމަޖެހިފައިވަނީ އޮކްޓޯބަރ މަހުގެ 30 ވަނަ ދުވަހުކަމަށެވެ.

ޢުމްރާއަށް މީހުން ގެންދިއުމުގެ ހުއްދަ ދީފައިނުވާ ކުންފުނިތަކުން ޢުމްރައަށް މީހުން ގެންދާނަމަ ފިޔަވަޅު އަޅާނެކަމަށް އިސްލާމިކް މިނިސްޓްރީން ބުނެފިއެވެ.

ލ. މާވަށުގައި އައިސް ޕްލާންޓަކާއި ކޯލްޑް ސްޓޯރޭޖެއް ޤާއިމްކުރުމަށް ފިޝަރީޒް މިނިސްޓްރީން ފެނަކަ ކޯޕަރޭޝަނާއި ހަވާލުކޮށްފިއެވެ.

ރިޔާސީ އިންތިޚާބުގައި ވޯޓުލާންޖެހޭ ފޮށީގައި އެއްވެސް މައްސަލައެއް އުޅޭނަމަ ޝަކުވާ ހުށައެޅުމުގެ ފުރުސަތު އިލެކްޝަންސް ކޮމިޝަނުން ހުޅުވާލައްވައިފިއެވެ.