Advertisement

ފޮޓޯ: ބީއެމްއެލް

28 Oct 2023
ޚަބަރު

ބޭންކުތަކުން 1.2 މިލިއަން ކާޑު ދޫކޮށްފި

ރާއްޖޭގެ ބޭންކްތަކުން ކަސްޓަމަރުންނަށް ކާޑު ދޫކުރަން ފެށުނީއްސުރެ މިހާތަނަށް 1.2 މިލިއަން ކާޑު ދޫކޮށްފައިވާ އެމްއެމްއޭއިން ބުނެފިއެވެ. އެމްއެމްއޭގެ ޕޭމެންޓްސް ބުލެޓިންގައިވާ ގޮތުން އޭގެ ތެރެއިން 74 އިންސައްތަ ކާޑު އަދިވެސް އެކްޓިވްއެވެ. 

ރާއްޖޭގެ ބޭންކަކުން ޑެބިޓް ކާޑު އެންމެ ފުރަތަމަ ތައާރަފް ކުރީ 2000 ވަނަ އަހަރު އެވެ. އަދި 2004 ވަނަ އަހަރު ވަނީ ކްރެޑިޓް ކާޑު ތައާރަފްކޮށްފައެވެ. 

އެމްއެމްއޭގެ ޕޭމެންޓްސް ބުލެޓިންގައިވާ ގޮތުން، ޑެބިޓް ކާޑުގެ ތެރެއިން 48 ޕަސެންޓަކީ ވިސާ ކާޑެވެ. އަދި 24 ޕަސެންޓު މާސްކާޑަށް ވާ އިރު 22 ޕަސެންޓަކީ އެމެރިކަން އެކްސްޕްރެސް (އެމެކްސް) ކާޑެވެ.

ކާޑުތަކުގެ މުއާމަލާތްތަކުގެ 85 ޕަސެންޓަކީ ޕީއޯއެސް ނުވަތަ ކާޑު މެޝިނުން ހިންގި މުއާމަލާތްތަކެވެ. ބާކީ 15 ޕަސެންޓު ކާޑު މުއާމަލާތް ހިންގީ އޮންލައިންކޮށެވެ.

ކްރެޑިޓް ކާޑުގެ ތެރެއިން 64 ޕަސެންޓަކީ ވިސާ ކާޑެވެ. އަދި 28 ޕަސެންޓު ނިސްބަތްވަނީ އެމެކްސްއަށެވެ. ބޭންކްތަކުން ދޫކުރާ ޕްރިޕެއިޑް ކާޑުގެ 99 ޕަސެންޓަކީ މާސްޓަކާޑެވެ.

މިދިޔަ އަހަރު 46 މިލިއަން ޓްރާންސެކްޝަން ކާޑުތަކުން ކުރިއެވެ. އެއީ 18 ބިލިއަނެއްހާ ރުފިޔާގެ މުއާމަލާތެވެ. އޭގެ ތެރެއިން 17 ބިލިއަން ރުފިޔާގެ ޓްރާންސެކްޝަން ހިންގީ ޑެބިޓް ކާޑުތަކުންނެވެ. ބާކީ އެއް ބިލިއަން ރުފިޔާގެ މުއާމަލާތް މިދިޔަ އަހަރު ހިންގީ ކްރެޑިޓް ކާޑުތަކުންކަމަށް އެމްއެމްއޭގެ ރިޕޯޓުގައިވެއެވެ. 

އޭގެ ކުރީ އަހަރު ކާޑު ބޭނުންކޮށްގެން 39 ޓްރާންސެކްޝަނުން 16 ބިލިއަން ރުފިޔާގެ މުއާމަލާތް ހިންގިއެވެ. މިދިޔަ އަހަރު އެކަނި ބޭންކްތަކުން ވަނީ 750 ޑެބިޓް ކާޑު ދޫކޮށްފައެވެ. އޭގެ ތެރެއިން 64 ޕަސެންޓަކީ އެކްޓިވް ނުވަތަ ބޭނުން ކުރަމުން އަންނަ ކާޑުތަކެވެ.

ބޭންކުތަކުގެ އިތުރުން ރާއްޖޭގައި ރެމިޓެންސްގެ ޙިދުމަތް ދެމުންދަނީ 2 ކުންފުންޏަކުންނެވެ. އެމްއެމްއޭއިން ހާމަކުރާގޮތުގައި 2020ވަނަ އަހަރު ރެމިޓެންސްގެ ޙިދުމަތަކަށް އޮތް ޑިމާންޑު ބޮޑުވެގެން ދިޔަ ނަމަވެސް 2019 އިން 2022ވަނަ އަހަރާއި ހަމައަށް މި ޙިދުމަތަށް އޮތް ޑިމާންޑުވަނީ 35 އިންސައްތަ ދަށްވެފައެވެ. މިއީ ފައިސާގެ އަދަދުން ބަލާނަމަ 80 މިލިއަން ޑޮލަރުން 52 މިލިއަން ޑޮލަރުގެ ދަށްވުމެކެވެ.

 މިދިޔަ އަހަރުތެރޭ ރެމިޓެންސްގެ ގޮތުގައި ރާއްޖެއިން 49 މިލިއަން ޑޮލަރު އެކި ޤައުމުތަކަށް ފޮނުވާފައެވެ. މިއީ މުޅި ޖުމްލަ ރެމިޓެންސްގެ 94 އިންސައްތައެވެ. މިދިޔަ އަހަރުތެރޭ އިންވާޑް ރެމިޓެންސް ނުވަތަ ބޭރު ޤައުމުތަކުގައި ދިރިއުޅޭ މީހުން ރާއްޖޭގައި ދިރިއުޅޭ މީހުންނަށް ފޮނުވާފައިވާ ފައިސާގެ ޖުމްލަ އަކީ 3 މިލިއަން ޑޮލަރެވެ. މިއީ ޖުމްލަ ރެމިޓެންސްގެ 6 އިންސައްތައެވެ.



ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.