ހަމާސްއިން އާންމުކޮށްފައިވާ ވީޑިއޯއެއްގައި އަސީރުން ބަދަލުކުރުމަށް ޑިމާންޑްކޮށް، އަދި އިސްރާއީލު ސަރުކާރުން އެ ގައުމުގެ މީހުން ރައްކާތެރި ކުރުމުގެ މަސައްކަތް ނުކުރާތީ އެކަމަށް ފާޑުކިޔާފައިވޭ. އިސްރާއީލުން މި ވީޑިއޯއާ ގުޅިގެން ބުނަނީ އެއީ ހަމާސްގެ "ސައިކޮލޮޖިކަލް ޕްރޮޕެގެންޑާ" އެއް ކަަމަށް.

މިކަމަށްޓަކައި އިސްލާމީ މަރުކަޒުގައި ބޭއްވި ރަސްމިއްޔާތުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރ އޮފް އިސްލާމިކް އެފެއާޒް ޑރ. އަޙްމަދު ޒާހިރު ޢަލީއެވެ. މި މަޝްރޫޢުގެ ކޮންޓްރެކްޓަރ އެލް.އެފް.ކޮންސްޓްރަކްޝަން ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ ޑިރެކްޓަރ އަޙްމަދު ފިރާޤެވެ.

ލުއިސް ޑިއާޒްގެ ބައްޕަ ހޯދުމަށް ފުލުހުންނާއި ސިފައިން ގުޅިގެން ބޮޑު މިލިޓަރީ އޮޕަރޭޝަނެއް މިހާރު ފަށާފައިވާއިރު، މި އިދާރާތަކުންވަނީ ޑިއާޒްގެ ބައްޕަ ހޯދުމަށް މައުލޫމާތު ދޭ ފަރާތަކަށް 40،000 ޕައުންޑު ދޭނެކަމަށް އިއުލާންކޮށްފައެވެ. ފުލުހުންނާއި ސިފައިން ކުރިޔަށް ގެންދާ އޮޕަރޭޝަންގައި 120 ސިފައިންގެ އިތުރުން ގިނަ އަދަދެއްގެ ފުލުހުން އަންނަނީ ހަރަކާތްތެރިވަމުންނެވެ.

މިހަފްތާގެ ކުރީކޮޅު އެމަނިކުފާނު އަރިއަތޮޅަށް ކުރެއްވި ދަތުރުފުުޅުގައި ވަނީ، އއ. ތޮއްޑޫ، އުކުޅަސް، ރަސްދޫ، ހިމަންދޫ، ފެރިދޫ އަދި މަތިވެރިއަށް ވަޑައިގެން، އެރަށްރަށުގެ މެޖިސްޓްރޭޓް ކޯޓުތަކުގައި މަސައްކަތްކުރައްވާ، މެޖިސްޓްރޭޓުންނާއި، މުވައްޒަފުންނާއި ބައްދަލުކުރައްވާފައި ކަމުގައި، ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ހާމަކުރައްވާފައިވެއެވެ.

އެ އޮފީހުން މިއަދު ނެރުނު ބަޔާނެއްގައި ބުނީ، އިންތިޤާލީ މަރުހަލާގައި ދައުލަތގެ ހަރުމުދަލާއި، ފައިސާއާގުޅޭ ވިޔަފާރީގެ މުއާމަލާތްތައް ހިންގުމުގައި ޤާނޫނީ އިންތަކުގެ ތެރެއިން ކަންކަން ކުރިޔަށް ގެންދިޔުމަށާއި އިންތިޤާލީ މަރުހަލާގެ ރޫހަށް އިހްތިރާމްކުރުމަށް އިލްތިމާސްކުރާ ކަމަށެވެ.

ޕީއެންސީގެ އިސްބައެއް ފަރާތްތަކުން ރާއްޖޭގެ މީޑިއާތަކަށް މައުލޫމާތުދީފައިވާ ގޮތުގައި، އިންތިޚާބީ ރައީސް ޑރ. މުޙައްމަދު މުއިއްޒު މިރޭ ސިންގަޕޫރަށް ފުރާވަޑައިގަންނަވާނީ ސިންގަޕޫރް އެއާލައިންސްގެ ފްލައިޓެއްގައެވެ. އެހެން ނަމަވެސް މިދަތުރުފުޅަކީ ނުރަސްމީ ދަތުރުފުޅެއްކަން ހާމަކުރުން ފިޔަވައި އިތުރު އެއްވެސް މައުލޫމާތެއް ކަމާއި ބެހޭ ފަރާތްތަކުން ހާމަކުރައްވާފައެއްނުވެއެވެ.

ވެރިކަން ބަދަލުވުމުގެ މި މަރުހަލާގައި ހުޅުމާލޭގެ ބިންތައް ވިއްކުމާ ގުޅޭ އެއްވެސް މުއާމަލާތެއް ނުހިންގަން އެންޓި ކޮރަޕްޝަން ކޮމިޝަން (އޭސީސީ) އިން އާބަންކޯ އަށް އަންގައިފިއެވެ.

އިންތިހާބީ ރައީސް ޑރ. މުހައްމަދު މުއިއްޒު ހުވާކުރެއްވުމުގެ ރަސްމިއްޔާތުގެ އިންތިޒާމުތައް ހަމަޖެއްސުން 22 މިލިއަން ރުފިޔާއަށް ކުންފުންޏަކާއި ހަވާލުކޮށްފިއެވެ. މި މަސައްކަތް ހަވާލުކޮށްފައިވަނީ ސިފައިންގެ ވެލްފެއާ ކުންފުންޏާއެވެ.

ނުނިމި ދިގުލައިގެން ގޮސްފައިި އޮތް ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ އާ ޓާމިނަލްގެ މަޝްރޫއު، އެންމެ ލަސްވެގެން އަންނަ ސެޕްޓެމްބަރަށް ނިންމޭނެ ކަމުގެ ޔަގީންކަން އެބައޮތް ކަމަށް އިންތިހާބީ ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.

ރައްޔިތުންގެ މަޖިލީހުގެ ނާއިބު ރައީސް އީވާ ޢަބްދުﷲ މިއަދުވެސް ސަލާމުގައި ހުންނެވުމުން، ރައްޔިތުންގެ މަޖިލީހުގެ ރައީސްކަމުން ރައީސް މުޙައްމަދު ނަޝީދު ވަކިކުރެއްވުމަށް ހުށައަޅުއްވާފައިވާ ޤަރާރުގެ މައްސަލަ މިއަދުވެސް ކުރިއަށް ނުގެންދެވި ޖަލްސާ ކެންސަލް ކޮށްފިއެވެ.

އެސްޓީއޯއަށް 2023 ވަނަ އަހަރުގެ ތިންވަނަ ކުއާޓަރގައި ޖުމްލަ އާމްދަނީގެ ގޮތުގައި 4.1 ބިލިއަން ރުފިޔާ ލިބިއްޖެއެވެ. މިއީ މީގެ ކުރީ ކުއާޓާރއާއި އަޅާ ބަލައިއިރު 9 އިންސައްތައިގެ ކުރިއެރުމެކެވެ.

އިނގިރޭސިވިލާތުގެ ލިވަރޕޫލް ފުޓުބޯޅަ ކުލަބަށް މިދިޔަ ސީޒަނުގައި ބަދަލުވި ކޮލްމަބިއާގެ ހަލުވި މިޑްފިލްޑަރ، ލުއިޒް ޑިއާޒްގެ މަންމަ އާއި ބައްޕަ ހޮނިހިރު ދުވަހު ކޮލަންބިއާގައި ރަހީނުކޮށްފިއެވެ.

ފުލުހުންގެ އިދާރާއިން ބުނެފައި ވަނީ، ހއ. އިހަވަންދޫ ކައިރީގައި އޮންނަ ހުވަހަންދޫ ކައިރީގައި ލޯންޗަކާއި ދޯންޏެއް ޖެހި އެކްސިޑެންޓްވި ހާދިސާ ފުލުހުންނަށް ރިޕޯޓްކޮށްފައި ވަނީ، ރޭގައި ކަމަށެވެ. އެހާދިސާގައި އެކަކުމަރުވެ 3 މީހަކަށް އަނިޔާވެފައި ވާއިރު، އެހާދިސާގައި ނިޔާވެފައި ވަނީ، އިހަވަންދޫ ނަޔާޑޭޒީގޭ ޢަބުދުއްރަޝީދު މުޙައްމަދު (68އ) އެވެ. މިއެކްސިޑެންޓްގައި އަނިޔާވި މީހުންނަށް އިހަވަންދޫ ޞިއްޙީމަރުކަޒުގައި ދަނީ ފަރުވާދެމުންނެވެ.

އެމްޑީޕީގެ މެމްބަރުން ތުހުމަތު ކުރައްވާފައިވާ ގޮތުގައި އީވާ މަޖިލީހަށް ސަލާމް ފޮނުއްވާފައި ވަނީ މަޖިލީހުގެ ރައީސް އަދި އެކަމަނާގެ ބޮޑުބޭބޭފުޅު ރައީސް ނަޝީދު މަޤާމުން ވަކި ކުރުމުގެ މައްސަލައަށް ހުރަސް އެޅުމުގެ ގޮތުން ކަމަށެވެ. ޖަލްސާ ނުބޭއްވޭނެ މަޖިލީހުގެ ތަޅުމުގައި އިއުލާނު ކުރައްވަމުން ނިއުޝާ ވިދާޅުވީ، އީވާ މަޖިލީހުގެ އިދާރާއަށް ސަލާމް ފޮނުއްވާފައި ވަނީ މިއަދު ހެނދުނު ކަމަށެވެ.

މަޖިލީހަށް ހޮވޭ އަންހެނުންނަށް ޕާޓީގެ ފަރާތުން ހާއްސަ އެލަވަންސެއް ދޭ ގޮތަށް ހަމަޖައްސަން މަސައްކަތް ކުރައްވާނެ ކަމަށް ޕީއެންސީގެ ރައީސް އަދި އިންތިހާބީ ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ. މުއިއްޒު މިހެން ވިދާޅުވީ، ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި ޕީޕީއެމް-ޕީއެންސީން %20 ގޮޑިއަށް އަންހެނުން ވާދަކޮށް، އެ ކަމަށް ހިތްވަރު ދިނުމުގެ ގޮތުންނެވެ.

ޔަހޫދީ އިޒްރާއީލުން ފަލަސްޓީނުގެ ގައްޒާއަށް ދެމުންދާ ލާއިންސާނީ ހަމަލާތަކުން ހާލުގައި ޖެހިފައިވާ ފަލަސްޠީނުގެ ރައްޔިތުންނަށް އެހީވުމަށް ދިވެހިން 24 މިލިއަނަށްވުރެ ގިނަ ރުފިޔާ ހަދިޔާކޮށްފިއެވެ.