އިންތިޚާބީ ރައީސް ޑރ. މުޙައްމަދު މުއިއްޒު ނަރަސްމީ ދަތުރުފުޅެއްގައި މިރޭ ސިންގަޕޫރަށް ފުރާވަޑައިގަންނަވާނެ ކަމުގައި ޕީއެންސީން ހާމަކޮށްފިއެވެ.

ޕީއެންސީގެ އިސްބައެއް ފަރާތްތަކުން ރާއްޖޭގެ މީޑިއާތަކަށް މައުލޫމާތުދީފައިވާ ގޮތުގައި، އިންތިޚާބީ ރައީސް ޑރ. މުޙައްމަދު މުއިއްޒު މިރޭ ސިންގަޕޫރަށް ފުރާވަޑައިގަންނަވާނީ ސިންގަޕޫރް އެއާލައިންސްގެ ފްލައިޓެއްގައެވެ. އެހެން ނަމަވެސް މިދަތުރުފުޅަކީ ނުރަސްމީ ދަތުރުފުޅެއްކަން ހާމަކުރުން ފިޔަވައި އިތުރު އެއްވެސް މައުލޫމާތެއް ކަމާއި ބެހޭ ފަރާތްތަކުން ހާމަކުރައްވާފައެއްނުވެއެވެ.

އިންތިޚާބީ ރައީސް ޑރ. މުޙައްމަދު މުއިއްޒުގެ ސިންގަޕޫރް ދަތުރުފުޅަކީ، އެމަނިކުފާނޫ ރާއްޖެގެ ރައީސުލްޖުމްހޫރިއްޔާ ކަމުގެ މަޤާމަށް އިންތިޚާބުވެވަޑައިގެންނެވުމަށްފަހުގައި ޤައުމުން ބޭރަށް ކުރައްވާ ދަތުރުފުޅެވެ. އެމަނިކުފާނު ވެރިކަމުގެ ހުވާކުރައްވާނީ، އަންނަ ނޮވެމްބަރު މަހުގެ 17 ވަނަ ދުވަހުގެ ހަވީރު ބާއްވާ ޚާއްސަ ރަސްމިޔާތުގައެވެ.

އިންތިޚާބީ ރައީސް ޑރ. މުޙައްމަދު މުއިއްޒު މިރޭ ސިންގަޕޫރަށް ވަޑައިގަންނަވާއިރު، ވެރިކަމުގެ ބާރުތައް ބަދަލުކުރުމުގެ މަސައްކަތްތައް މިހާރު ދަނީ ހިނގަމުންނެވެ.