ރިޔާސީ ބަހުސްގައި އެމްޑީޕީގެ ރިޔާސީ ކެންޑިޑޭޓް ރައީސް އިބްރާހީމް މުޙައްމަދު ޞާލިޙް ބައިވެރިވެވަޑައިގަންނަވާނެކަމަށް ރައީސްގެ ތަރުޖަމާނު މާރިޔާ އަޙްމަދު ދީދީ ވިދާޅުވެއްޖެއެވެ. މި ބަހުސަކީ ރިޔާސީ އިންތިޚާބުގައި ވާދަކުރައްވާ ކެންޑިޑޭޓުންނަށް ޚާއްޞަކޮށްގެން ޕަބްލިކް ސާރވިސް މީޑިއާ، ޕީއެސްއެމް އާއި ޤައުމީ ޔުނިވާސިޓީ ގުޅިގެން ބާއްވާ ބަހުސެކެވެ. މި ބަހުސްގައި ބައިވެރިވެވަޑައިގަތުމުގެ ފުރުސަތު މިއަހަރުގެ ރިޔާސީ އިންތިހާބުގައި ވާދަކުރައްވާ 8 ކެނޑިޑޭޓުންނަށް ވަނީ އަރުވާފައެވެ.

އިންޑިއާގެ ވިސްތާރާ އެއާލައިނުން ރާއްޖެ އާއި ނިއުދިއްލީއާ ދެމެދު ސީދާ ދަތުރުތައް ފަށަން ތައްޔާރުވެއްޖެއެވެ. މި ދަތުރުތައް ފަށާނީ އޮކްޓޫބަރު 1އިން ފެށިގެންކަމަށް އެ އެއަރލައިނުން ވަނީ ބުނެފައެވެ.

ބިންވެރިޔާ ސްކީމުގެ ދަށުން މާލެ ސަރަޙައްދުން ގޯތި ލިބޭ ފަރާތްތަކާ ގޯތި ޙަވާލުކުރުން މިއަދުން ފެށިގެން ހުޅުމާލެ ސިންތެޓިކް ޓްރެކްގައި ކުރިއަށް ދާނެކަމަށް މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރއިން ވިދާޅުވެއްޖެއެވެ. ބިންވެރިޔާ ސްކީމަކީ ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން މާލެ ސަރަޙައްދުން ބަންޑާރަގޯތި ދޫކުރުމަށްޓަކައި ހިންގާ މަޝްރޫއެކެވެ.

ރައީސް އިބްރާޙިމް މުޙައްމަދު ޞާލިޙް މުޅި ރާއްޖެއަށް ގެނައި ތަރައްޤީ ފެނި, އެކަން ތަޖުރިބާ ކުރަމުންދާ ރައްޔިތެއްގެ ހައިސިއްޔަތުން, އެ މަނިކުފާނު ދެވަނަ ދައުރަކަށް އިންތިހާބު ކުރުމަށް ދިވެހިރާއްޖެއަށް ބޭނުންޖެހިފައިވާ މިންވަރު ހާމަކޮށްދީ, ހުވަދޫއިން ރައީސަށް އޮތް ތަރުހީބު ބަރުތީލަކޮށްލަދޭ މާނަ ފުން ލަވައެއް ސޯޝަލް މީޑިއާގައި އާންމުކޮށްފިއެވެ.

މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ މޯލްޑިވްސް އިންސްޓަންޓް ޕޭމަންޓް ސިސްޓަމް 'ފަވަރަ' އިފްތިތާޙްކުރައްވައިފިއެވެ. މިއީ ރައްކާތެރި އަދި އަވަސް މާލީ މުއާމަލާތްތަކެއް ހިންގުމަށް ތަރައްޤީކޮށްފައިވާ ސިސްޓަމެކެވެ. މި ސިސްޓަމް މެދުވެރިކޮށް އެއް ބޭންކުން އަނެއް ބޭންކަށް ރައްކާތެރިކަމާއިއެކު ވަގުތުން މާލީ މުއާމަލާތްތައް ކުރެވޭނެއެވެ.

ޑރ މަޢުސޫމަކީ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ރިޔާސީ ދެވަނަ ދައުަރަކަށް ކުރިމަތިލައްވާނެކަން އިޢުލާނުކުރެއްވުމާއި އެކު، އެކަމަށް ތާއީދު ކުރައްވާކަން އެންމެ ފުރަތަމަ ހާމަކުރެއްވި ޖުމްހޫރީޕާޓީގެ އިސްބޭފުޅުންގެ ތެރޭގައި ހިމެނިވަޑައިގެންނެވި ބޭފުޅެކެވެ.

އީ.ޕީ.އޭއިން ނެރުނު ބަޔާނެއްގައި ވިދާޅުވީ، ކެމްޕެއިން ހަރަކާތްތައް ކުރިއަށް ގެންދިޔުމުގައި ރާއްޖޭގެ ތިމާވެއްޓަށާއި ދިރޭތަކެއްޗަށް ގެއްލުންވާގޮތްގޮތަށް ކެމްޕެއިންގެ އެކި ހަރަކާތްތައް ކުރިއަށް ގެންދާކަން ފާހަގަކުރެވިފައިވާކަމަށެވެ. މިގޮތުން ބައެއް ރަށްރަށުގައި ހެދިފައިވާ ހިމާޔަތްކޮށްފައިވާ ގަސްގަހާގެއްސަށާއި ދުވަސްވީ ބޮޑެތި ގަސްގަހާގެއްސަށް ގެއްލުންވާ ގޮތަށް މޮހޮރުފަދަ ތަކެތި ޖަހާ ކެމްޕެއިން ބެނާތައް ޖަހަމުން އަންނަކަމަށް އީ.ޕީ.އޭގެ ބަޔާނުގައި ވިދާޅުވިއެވެ.

ޤަވާއިދަށް ގެނައި މައިގަނޑު ބަދަލަކީ، ވަކި ސަރަޙައްދެއް ތަރައްޤީކުރުމަށް ކުރިޔަށްގެންދާ ގޯތި ދިނުމުގެ މަޝްރޫޢުތަކުގެ ދަށުން ގޯތި ހަވާލުކުރާއިރު، ގޯތީގެ ދާއިމީ ރަޖިސްޓްރީ ދޫކުރުން، ސަރުކާރުން ކަނޑައަޅާ ވަކި އިދާރާއަކަށް ދެވޭ ގޮތަށް ގެނައި ބަދަލެވެ. މިގޮތުން، ގޯތި ދިނުމަށް ކަނޑައަޅާފައިވާ ސަރަޙައްދަކީ ނުހިއްކައި ނުވަތަ އިން ވަކިނުކޮށް އޮތް ސަރަޙައްދެއްނަމަ އެފަދަ ސަރަޙައްދަކުން ގޯތި ހަވާލުކުރާއިރު ގޯތި ދޫކުރިކަމުގެ ލިޔުމެއް ދޭންޖެހޭނެކަމަށްވެސް ޤަވާއިދުގައި ބުނެފައިވެއެވެ.

މި ޢިމާރާތުގެ ބިންގާ މިއަދު އަޅުއްވައިދެއްވީ، މިނިސްޓަރ އޮފް ޑިފެންސް، އަލްއުސްތާޛާ މާރިއާ އަޙްމަދު ދީދީ އާއި ޗީފް އޮފް ޑިފެންސް ފޯސް ލެފްޓިނެންޓް ޖެނަރަލް ޢަބްދުﷲ ޝަމާލްއެވެ.

އެމްއެންޑީއެފުން ބުނީ، މިއަދު ފެށިގެން ކުރިޔަށް އޮތް 4 ދުަވަހު މިލިޓަރީ ޕެރޭޑްގެ ހަރަކާތްތައް ބާއްވާއިރު، މިއަދު އެހަރަކާތް ކުރިޔަށް ގެންދިޔުމަށް ހަމަޖައްސާފައި ވަނީ، ހދ. އަތޮޅުގެ ވެރިކަންކުރާރަށް، ކުޅުދުއްފުށީ ސިޓީގައިކަމަށެވެ. އަދި އާދީއްތަ ދުވަހު، ހއ. އަތޮޅުގެ ވެރިކަންކުރާރަށް، ދިއްދޫގައި މިލިޓަރީ ޕެރޭޑް ބޭއްވުމަށް ހަމަޖައްސާފައި ވާއިރު، ހޯމަދުވަހު މިލިޓަރީ ޕެރޭޑް ބާއްވާނީ، ހއ. އިހަވަންދޫގައެވެ. އަދި އަންގާރަ ދުވަހު މިހަރަކާތް ބާއްވާނީ ހދ. ނޮޅިވަރަށް ފަރުގައެވެ.

ފުލުހުންގެ އިދާރާއިން ބުނީ، ވީނުވީއެއް ނޭނގި ގެއްލިގެން ހޯދަމުންދަނީ، ހއ. ބާރަށް / ސައިނިންގސްޓަރ، މުޙައްމަދު ތަޢުފީޤު (35އ) ކަމަށެވެ. އަދި އޭނާގެ ޚަބަރެއް ނުވާތީ، އާއިލާގެ ފަރާތުން ފުލުހުންނަށް ރިޕޯޓްކޮށްފައި ވަނީ، އޮގަސްޓް 26 ވަނަ ދުވަހުގެ 01:35 ހާއިރު ކަމަށްވެސް ފުލުހުން ވަނީ ބުނެފައެވެ.

ރައީސް ނަޝީދަށް ކުރެއްވި ތާއީދު ދޫކޮށްލައްވައި، އެމްޑީޕީއާ ގުޅިވަޑައިގެންނެވުމަށްފަހު، ޝިޔާން ވިދާޅުވީ، އަލުން އެމްޑީޕީއާ ގުޅިވަޑައިގެންނެވީ، އެއީ ދާއިރާގެ ރައްޔިތުންނާއި އަދި މުޅިރާއްޖޭގ ގިނަ ދިވެހި ރައްޔިތުންގެ ވިންދުވެސް ހުރިގޮތަކީ އެއީ ކަމަށްވާތީއެވެ. މީގެ އިތުރުން ތޮއްޑޫދާއިރާ ސާފު ބޮޑު އަޣުަލަބިއްޔަތާއި އެކު، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް މި އިންތިޚާބު އެއްބުރުން ކާމިޔާބު ކުރައްވާނެ ކަމުގައިވެސް ޝިޔާން ވަނީ ވިދާޅުވެފައެވެ.

މަސްތުވާތަކެއްޗާއި ދެކޮޅަށް ރާއްޖޭގައި ކުރިއަށްގެންދާ ފުރަތަމަ އެކްސްޕޯ "އަހަރެމެންނާއެކު" އެކްސްޕޯ ފަށައިފިއެވެ. މި އެކްސްޕޯ ފައްޓަވައިދެއްވީ ރައީސުލްޖުމްހޫރިއްޔާގެ ނައިބު ފައިސަލް ނަސީމްއެވެ.

ނ. މާފަރުގައި ތަރައްޤީކުރާ ކަސްޓަމްސްގެ އޮފީސް ޢިމާރާތުގެ ބިންގާ އަޅައިފިއެވެ. މި މަސައްކަތަކީ ރީޖަނަލް ކަސްޓަމްސްގެ ޚިދުމަތްތައްވެސް ލާމަރުކަޒުކޮށް އަތޮޅުތަކުގައި ފުޅާކުރުމަށް ސަރުކާރުން ގެންގުޅުއްވާ ސިޔާސަތުގެ ދަށުން ކުރާ މަސައްކަތެކެވެ.

ބިންކުޑަވުމުގެ ސަބަބުން އިޤްތިޞާދީ ފުރުޞަތުތައް ހުއްޓިފައި އޮތް އއ.ބޮޑުފޮޅުދޫގެ ބިން ހިއްކުމުގެ ޢަމަލީ މަސައްކަތް ފަށައިފިއެވެ. މި ޕްރޮޖެކްޓް ކުރިއަށްގެންދަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީއާއި ހަވާލުކުރައްވައިގެންނެވެ.