މިމްރާޙް ވިދާޅުވީ، ހުޅުމާލޭގެ މަގުތަކުގެ ބައްތިތައް ނުދިއްލުމަށް ދިމާވާ އެންމެ ބޮޑު މައްސަލައަކީ ބންކޮނެގެން ކަރަންޓް ނަރުތައް ވަގަށް ނަގަމުން ދިޔުން ކަމަށެވެ. އަދި އެކަމަށް ހައްލެއް ހޯދުމަށް ފުލުހުންނާއި ގުޅިގެން މަސައްކަތްތަކެއް ކުރަމުންދާކަމުގައިވެސް އޭނާ ވިދާޅުވިއެވެ.    މިމްރާޙް ވިދާޅުވީ، ރައްޔިތުންނާއި ގުޅުންހުރި މިފަދަ ކަންކަމަށް އަވަސް ހައްލެއް ހޯދައި ދިނުމުގައި އަރބަންކޯގެ ޓީމު ވަރުބަލިކަމެއްނެތި މަސައްކަތް ކުރަމުންދާނެ ކަމުގެ ޔަގީންކަން ރައްޔިތުންނަށް އަރުވާކަމަށެވެ.

ދުނިޔޭގެ ތިމާވެށީގެ ދުވަސް ފާހަގަކުރުމަށް އއ. އުކުޅަހުގައި ބޭއްވި ޖަލްސާގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވިދާޅުވީ، ދެމެހެއްޓެނިވި ތަރައްޤީގެ އުޞޫލުން ތިމާވެށްޓާ ރައްޓެހިކޮށް ތަރައްޤީވެވިދާނެކަން ދުނިޔެއަށް ހާމަކުރުމަކީ، ސަރުކާރުގެ މުހިއްމު އަމާޒެއް ކަމަށެވެ. އެގޮތުން، 2030ގެ ނިޔަލަށް ރާއްޖޭގެ އެމިޝަން ނެޓް ޒީރޯ ކުރުމަށް މަސައްކަތް ކުރާނެކަން ރާއްޖެއިން ވާނީ މުޅި ދުނިޔެއަށް އިޢުލާނުކޮށްފައިކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ، މެދުފަންތީގެ ޤައުމަކަށް ދިވެހިރާއްޖެ ބަދަލުވެ، ދިރިއުޅުމުގެ ފެންވަރު އެތައް ގުނައަކުން މައްޗަށް ޖެހުނުއިރު، ކުނި އުފެދޭ މިންވަރުވެސް އިންތިހާއަށް މައްޗަށް ގޮސްފައިވާ ކަމަށެވެ. އަދި އުފެދޭ ކުނީގެ ބާވަތްތައްވެސް ތަފާތުވެ، ޙައްލު ހޯދަން ޖެހިފައިވާ ތިމާވެށީގެ އެންމެބޮޑު އެއް މަސަލަ އަކީ، ޕްލާސްޓިކް ކުނީގެ މައްސަލަކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި ރައީސުލްޖުމްހޫރިއްޔާ މިއަދު އުކުޅަކަށް ފެއްޓެވި މިދަތުރުފުޅަކީ، މިއަދު ފާހަގަކުރާ ދުނިޔޭގެ ތިމާވެށީގެ ދުވަހުގެ ހަރަކާތްތަކުގައި ބައިވެރިވެވަޑައިގެންނެވުމަށް ކުރައްވާ ދަތުރުފުޅެކެވެ. މިއަހަރުގެ ތިމާވެށީގެ ދުވަސް ޤައުމީ ފެންވަރުގައި ރަސްމީ ގޮތުން ފާހަގަކުރައްވަނީ، އަރިއަތޮޅު އުތުރުބުރީ އުކުޅަހުގައެވެ.

ރައީސުލްޖުމްހޫރިއްޔާ އައްޑޫ ސިޓީއަށް ކުރައްވާ ރަސްމީ ދަތުރުފުޅުގައި ފުރާވަޑައިގެންނެވީ ހޮނިހިރު ދުވަހުގައެވެ. އެމަނިކުފާނުގެ މިދަތުރުފުޅުގައި ވަނީ، އައްޑޫ ސިޓީގެ ތަރައްޤީއަށް މިސަރުކާރުން ހިންގަމުންދާ ބޮޑު ދެ މަޝްރޫއެއް ފައްޓަވައި ދެއްވައި، އަދި އްޑޫ ސިޓީގެ މަގު ހެދުމުގެ މަޝްރޫޢު ކުރިޔަށްދާ ގޮތްވެސް ބައްލަވާލައްވާފައެވެ.މިގޮތުން އައްޑޫ ސިޓީއަށް ބިން އިތުރުކުރުމުގެ ބިޔަ މަޝްރޫޢު އިފްތިތާޙްކޮށްދެއްވައި އެމަނިކުފާނު ވިދާޅުވީ، އައްޑޫ ސިޓީގެ ބިން އިތުރުކުރުމުގެ ބޮޑު މަޝްރޫޢަކީ، އައްޑޫ ސިޓީއަކީ ދުނިޔެއަށް ހުޅުވާލެވިފައިވާ ވަރުގަދަ ސިޓީއެއްގެ ގޮތުގައި ތަރައްޤީކުރުމުގެ ޢަމަލީ މަސައްކަތުގެ ފެށުން ކަމުގައެވެ.

ސަރުކާރުން އެންމެ ފަހުން އިއުލާނުކުރި އެއަރޕޯޓްތަކުގެ ތެރޭގައި ރ.އަތޮޅުގައި ދެކުނު ބިތުގައި އެއަރޕޯޓެއް އެޅުމަށް ނިންމާފައި ވީނަމަވެސް އެ އެއަރޕޯޓު އަޅާނެ ތަނެއް އިޢުލާނުކޮށްފައެއް ނުވެއެވެ. ރ. އަތޮޅުގައި މިހާރު ހިންގަމުންދާ އެއަރޕޯޓަކީ އިފުރު އެއަރޕޯޓެވެ. އޭގެ އިތުރުން އަލިފުށީގައި އެއަރޕޯޓެއް އެޅުމުގެ މަސައްކަތް ހިނގަމުންދާއިރު، މިއަދު ރައީސް އިއުލާނު ކުރެއްވީ، ރ. އަތޮޅުގެ ތިންވަނަ އެއަރޕޯޓް ބެރިޔަންފަރުގައި އެޅުމަށެވެ.

އެމަނިކުފާނު މިހެން ވިދާޅުވީ، ން އިންޓަރނޭޝަނަލް އެއަރޕޯޓް ތަރައްޤީކުރުމުގެ ޢަމަލީ މަސައްކަތް ފެށުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ. އާދީއްތަ ދުވަހުގެ ހަވީރު މިރަސްމިއްޔާތު އޮތީ، އައްޑޫ ސިޓީގެ ގަމުގައެވެ. މިރަސްމިއްޔާތުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި ވިދާޅުވީ، އައްޑޫ ސިޓީގައި މިހާރު ކުރިއަށްދާ މަޝްރޫއުތަކާއި އެކު 7000 ޓޫރިސްޓް އެނދު އައްޑޫ ސިޓީގައި ތަރައްޤީވެގެންދާނެ ކަމަށެވެ. ރައީސުލްޖުމްހޫރިއްޔާ ވިދާޅުވީ، ސަރަޙައްދީ، އިޤްތިޞާދީ ނާރެހެއްގެ ގޮތުގައި އައްޑޫ ސިޓީ ތަރައްޤީ ކުރުމަކީ، މުޅި ރާއްޖޭގެ ތަރައްޤީ ބޭނުންނަމަ، ކޮންމެހެން ކުރަންޖެހޭ ކަމެއް ކަމަށެވެ.

ސަރުކާރުން ހާމަކުރައްވާފައިވާ ގޮތުގައި، ގަން އިންޓަރނޭޝަނަލް އެއަރޕޯޓް ޒަމާނީ ފެންވަރަށް ތަރައްޤީ ކުރުމުގެ މި މަޝްރޫޢުއާއެކު 1.5 މިލިއަން ފަސިންޖަރުންނަށް ޚިދުމަތްދެވޭނެ ބޮޑު ޓަރމިނަލްއެއް ބިނާ ކުރެވޭނެއެވެ. މި ބޮޑު ބަދަލާއި އެކު އައްޑޫ ވެގެންދާނީ އިޤްތިސާދި މައި މަރުކަޒަކަށްކަމުގައިވެސް ސަރުކާރުން ވަނީ ބުނެފައެވެ. ގަން އިންޓަރނޭޝަލް އެއަރޕޯޓް ޒަމާނީ ފެންވަރަށް ތަރައްޤީ ކުރުމުގެ މަޝްރޫއަކީ، ސަރުކާރުން އައްޑު އަތޮޅާ މެދު ގެންގުޅޭ ތަޞައްވުރު ޙަޤީޤަތަކަށް ހެދުމަށް ކުރިއަށް ގެންދާ އެންމެ މުހިންމު އެއް މަޝްރޫޢުކަމުގައިވެސް ސަރުކާރުން ހާމަކޮށްފައިވެއެވެ.

މިބައްދަލުކުރެއްވުމުގައި، މި ބައްދަލުކުރެއްވުމުގައި ސިޓީ ކައުންސިލުގެ މެންބަރުން ވަނީ، އައްޑޫ އެކުއެޓޯރިއަލް ހޮސްޕިޓަލުގައި ގިނަ އައު ޚިދުމަތްތަކެއް ތައާރަފްކުރެވި އަދި ކެތްލެބްގެ މަސައްކަތްވެސް ނިމުމަކާ ގާތްވެފައިވާކަމާއި ހުޅުމީދޫގެ ޞިއްހީ މަރުކަޒުގެ ޚިދުމަތްތައް އިތުރަށް ފުޅާކުރެވި ރައްޔިތުންނަށް އޭގެ ލުއިފަސޭހަތައް ލިބެމުން އަންނަކަން ފާހަގަކުރައްވާފައެވެ. މީގެ އިތުރުން ތަޢުލީމީ ދާއިރާއިން އައްޑޫ ސިޓީގެ ސްކޫލުތަކުގެ ޖާގައިގެ މައްސަލަ ޙައްލުކޮށްދެއްވުމަށް ކޮށްފައިވާަ މަސައްކަތްތަކާއި އަދި ތަޢުލީމީ ދާއިރާއިން ލިބެމުން އަންނަ ކުރިއެރުންތައް ވެސް ސިޓީ ކައުންސިލުގެ މެންބަރުން ފާހަގަކުރެއްވިއެވެ.

ރައީސް އުރުދުޣާން ހުވާކުރެއްވުމަށް ބޭއްވި ރަސްމިއްޔާތު އޮތީ، މިރޭ އަންކާރާގައި ހުންނަ ޕްރެސިޑެންޝަލް ކޮމްޕްލެކްސްގައެވެ. މިރަސްމިއްޔާތުގައި ރައީސުލްޖުމްހޫރިއްޔާގެ ނައިބު ބައިވެރިވެވަޑައިގެންނެވީ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ޚާއްސަ މަންދޫބެއްގެ ހައިޘިއްޔަތުން ކަމުގައި، ރައީސުލްޖުމްހޫރިއްޔާގެ އޮފީހުން ވިދާޅުވެފައިވެއެވެ.

ތިނަދޫގެ ގެއެއްގެ ތެރޭގައި މީހަކު މަރުވެފައި އޮއްވައި ފެނިފައި ވަނީ، މިއަދު މެންދުރު 13:30 ގައެެވެ. މަރުވެފައި އޮއްވައި ފެނުނީ 48 އަހަރުގެ ބިދޭސީ ފިރިހެނެއް ކަމަށާއި އެމީހާ ހޮސްޕިޓަލަށް ގެންދިޔައިރުވެސް އޮތީ މަރުވެފައިކަމުގައި ޑޮކްޓަރުންނާއި ހަވާލާދީ، ފުލުހުން ވަނީ ބުނެފައެވެ.

ރައިސުލްޖުމްހޫރިއްޔާ ވިދާޅުވީ، މި ފަސް އަހަރުތެރޭ މި ކުރެވުނު މަސައްކަތާއި، ކުރަންހުރި ކަންކަމުގެ މައްޗަށް ފެންނަ ނަތީޖާއެއް އެބައޮތް ކަމަށެވެ. އެއީ، ރާއްޖޭގެ ޙާލަތު، ވަރުހުރި އިޤްތިޞާދެއްގެ މައްޗަށް ބިނާކުރެވޭނެ ކަމުގެ އުންމީދު ބޮޑުކަންކަމުގައި ރައީސުލްޖުމްހޫރިއްޔާ ވިދާޅުވިއެވެ. އެމަނިކުފާނު ވިދާޅުވީ، 2028 ނިމޭއިރު، ރާއްޖޭގެ އިޤްތިޞާދު، ދެގުނަ ވެގެންދާ ދިޔުމަކީ، ކުރު މުއްދަތަކުން ގެނެވޭނެ އެންމެބޮޑު އެއް ބަދަލުކަމަށެވެ.

އައްޑޫސިޓީގައި 228 ހެކްޓަރު ބިން ހިއްކުމަށް ސަރުކާރުން ވަނީ ނިންމާފައެވެ. އެގޮތުން ހިތަދޫއަށް 90 ހެކްޓަރާއި، މަރަދޫ ފޭދޫއަށް 76 ހެކްޓަރުގެ ބިން އިތުރުކުރުމާއިއެކު، ލިންކް ރޯޑު ތަރައްޤީ ކުރުމަށް 3.3 ހެކްޓަރުގެ ބިމާއި، 8.3 ހެކްޓަރު އިތުރުކޮށް، ބިންހިއްކައިގެން ފަތުރުވެރިކަމަށް 3 ރަށެއް ހެދުންވެސް ހިމެނެއެވެ.

ރައީސް އޮފީހުގެ ތަރުޖަމާނު މިޢްވާން މުހައްމަދު ވިދާޅުވީ، ރައީސުލްޖުމްހޫރިއްޔާ، އައްޑުއަށް މިކުރައްވާ ދަތުރުފުޅަކީ، ދެދުވަހުގެ ދަތުރުފުޅެއް ކަމަށެވެ. އާދިއްތަ ދުވަހު އެމަނިކުފާނު މާލެ ވަޑައިގަންނަވާނެއެވެ. ރައީސުލްުމްހޫރިއްޔާ އައްޑޫ ސިޓީއަށް ކުރައްވާ މިދަތުރުފުޅުގެ ތެރެއިން އައްޑޫގެ ބިންހިއްކުމުގެ މަޝްރޫޢު ފައްޓަވައި ދެއްވާނެއެވެ، މީގެ އިތުރުން، އައްޑޫ ސިޓީ ގަން އިންޓަރނޭޝަނަލް އެއާޕޯޓުގެ މަސައްކަތްވެސް ރައީސް ފައްޓަވައިދެއްވާނެއެވެ.

ރައީސުލްޖުމްހޫރިއްޔާ ވިދާޅުވީ، މަގޫދޫ އެއާޕޯޓްގެ ސަބަބުން، އަތޮޅުގެ ހުރިހާ ރައްޔިތުންނަށް ވަރަށްބޮޑު ފަސޭހައަކާއި ފައިދާތަކެއް ލިބިގެންދާނެ ކަމަށެވެ. އަދި މާގޫދޫ އެއާޕޯޓްގެ މަޝްރޫއަކީ، 232 މިލިޔަން ރުފިޔާގެ މަޝްރޫޢެއް ކަމަށާއި އެއީ ފ އަތޮޅުގައި މިހާތަނަށް ހިންގޭ ތަރައްޤީގެ އެންމެ ބޮޑު މަޝްރޫއު ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ. މީގެ އިތުރުން މަގޫދޫގެ އެއާޕޯޓުގެ ޕްރޮޖެކްޓަށް ސަރުކާރުން މިހާރު ގެނެސްފައވާ ބައެއް ބަދަލުތައްވެސް ރައީސުލްޖުމްހޫރިއްޔާ ވަނީ ޙިއްޞާކުރައްވާފައެވެ.