ކުރީގެ ރައީސް މުހައްމަދު ނަޝީދު ތިމާވެއްޓާއި ބެހޭ ކޮންފަރެންސެއްގައި ބައިވެރިވެވަޑައިގެންނެވުމަށްޓަކައި ދުބާއީއަށް ވަޑައިގެންފިއެވެ.

ރައީސް ނަޝީދު ދުބާއީއަށް ވަޑައިގެންނެވީ، 17 ވަނަ ގްލޯބަލް ސިޒަންޝިޕް ކޮންފަރެންސްގައި ބައިވެރިވެވަޑައިގަތުމަށް ކަމުގައި، ރައީިސް ނަޝީދުގެ އޮފީހުން ހާމަކުރައްވާފައިވެއެވެ. މިކޮންފަރެންސް ހިންގަމުންދާނީ، މާދަމާއިން ފެށިގެން މިމަހުގެ 10 ވަނަ ދުވަހުގެ ނިޔަލަށެވެ.

މިކޮންފަރެންސްއަކީ، ދުނިޔެއަށް އަންނަ ބަދަލުތަކާއި ގުޅިގެން، ރައްޔިތުންނަށް ދިމާވާ ދަތިތަކާއި، ގުޅޭގޮތުން މަޝްވަރާކުރެވޭނެ ކޮންފަރެންސެއް ކަމަށާއި، މީގެ އިތުރުން، އިންސާނީ ޙައްޤުތައް ޙިމާޔަތްކުރުމާއި، ޤައުމުތަކުގެ ތަރައްޤީއާ ޓެކްނޮލޮޖީގެ ދައުރު އަދި ރާއްޖެ ފަދަ ނާޒުކު ތިމާވެެއްޓެއްވާ ޖަޒީރާ ޤައުމުތަަކަށް ލިބިދާނެ ގެއްލުންތަކާއި، އެކަންކަމަށް ހޯދޭނެ ހައްލުތަކަާއި، ގްލޯބަލް ސިޓިޒެންޝިލްގެ ޤާނޫނުތަކާއި ޤަވާއިދުތަކާއި ބެހޭ އޮނިގަނޑު އެކުލަވާލުމާއި ގުޅޭ ގޮތުންވެސް މަޝްވަރާ ކުރެވޭނެ ކަމުގައި ރައީސް ނަޝީދުގެ އޮފީހުން ހާމަކުރައްވާފައިވެއެވެ.

މިކޮންފަރެންސަށްފަހުގައި ރައީސް ނަޝީދު އެނބުރި ރާއްޖެވަޑައިގަންނަވާނީ، މި މަހުގެ 11 ވަނަ ދުވަހުގައިކަމަށްވެސް ރައީސް ނަޝީދުގެ އޮފީހުން ވަނީ ވިދާޅުވެފައެވެ.