ކޮމިޝަނަރ ޖެނެރަލް އޮފް ކަސްޓަމްސް ޢަބުދުﷲ ޝަރީފް މިއަދު މަޤާމުން ރިޓަޔަރ ކުރައްވައިފިއެވެ.

28 އަހަރުގެ ޚިދުމަތަށް ފަހު، ކޮމިޝަނަރ ޖެނެރަލް ރިޓަޔަރ ކުރެއްވި އިރު، އޭނާ އެ މަޤާމަށް ޢައްޔަނުކުރައްވާފައި ވަނީ، 23 ޖޫން 2020ގައެވެ. އެއީ އެމަޤާމުގައި ކުރިން ހުންނެވި، އަޙްމަދު ނުޢުމާން 31 މާރިޗް 2020ގައި އަވަހާރަވުމަށް ފަހުގައެވެ.

ޢަބުދުﷲ ޝަރީފަކީ، ކަސްޓަމްސްގެ އެކި މަޤާމުތައް ފުރުއްވައި، ކަސްޓަމްސްގެ ކޮމިޝަނަރ ކަމުގެ މަޤާމަށް ވަޑައިގެންނެވި ފުރަތަމަ ބޭފުޅާއެވެ. 

ކަސްޓަމްސްގެ ޚިދުމަތްތައް ޒަމާނާއި ގުޅޭ ގޮތަށް ބަދަލު ކުރައްވައި، އަދި ކަސްޓަމްސްއަށް ކުރިއެރުންތައް ހޯއްދަވައި ދެއްވުމުގައި ފާއިތުވި 3 އަހަރު ކޮމިޝަނަރ ޖެނެރަލް އޮފް ކަސްޓަމްސްގެ ހައިސިއްޔަތުން ޢަބުދުﷲ ޝަރީފް ވަނީ ގިނަގުނަ މަސައްކަތްތަކެއްކޮށްދެއްވާފައެވެ.