ކަނޑުމަތީގައި ހިނގި އެކްސިޑެންޓެއްގައި މީހަކު މަރުވުމާއި ގުޅިގެން އެހާދިސާ ހިނގައި ދިޔަ ގޮތް ބަލަމުންދާކަމުގައި ފުލުހުން ބުނެފިއެވެ.

ފުލުހުންގެ އިދާރާއިން ބުނެފައި ވަނީ، ހއ. އިހަވަންދޫ ކައިރީގައި އޮންނަ ހުވަހަންދޫ ކައިރީގައި ލޯންޗަކާއި ދޯންޏެއް ޖެހި އެކްސިޑެންޓްވި ހާދިސާ ފުލުހުންނަށް ރިޕޯޓްކޮށްފައި ވަނީ، ރޭގައި ކަމަށެވެ. އެހާދިސާގައި އެކަކުމަރުވެ 3 މީހަކަށް އަނިޔާވެފައި ވާއިރު، އެހާދިސާގައި ނިޔާވެފައި ވަނީ، އިހަވަންދޫ ނަޔާޑޭޒީގޭ ޢަބުދުއްރަޝީދު މުޙައްމަދު (68އ) އެވެ. މިއެކްސިޑެންޓްގައި އަނިޔާވި މީހުންނަށް އިހަވަންދޫ ޞިއްޙީމަރުކަޒުގައި ދަނީ ފަރުވާދެމުންނެވެ.

އެކްސިޑެންޓް ހިނގަން މެދުވެރިވި ސަބަބު މިހާތަނަށް އެނގިފައި ނުވާއިރު، ފުލުހުން ވިދާޅުވެފައި ވަނީ އެކްސިޑެންޓް ހިނގައި ދިޔަ ގޮތް ބަލައި ފުލުހުން އެކަން ތަޙްޤީޤުކުރަމުންދާ ކަމަށެވެ.

މިއެކްސިޑެންޓް ވުމަށްފަހުގައި، ދޯނީގައި ތިބި މީހުންނަށް ވީގޮތް ނުބަލައި، ލޯންޗު އަޅާނުލައި ދިޔަކަމުގެ ތުހުމަތުތައް ވަނީ ކުރެވިފައެވެ.